San Juan 12:34 - Q'eqchi Bible

³⁴ Kisumeek xb'aaneb' li tenamit: —Laa'o xqab'i sa' li Chaq'rab' naq li Kriist wanq chi junelik. Chan put ru naq nakaye laa'at: «Tento taataqsiiq li K'ajolb'ej»? Ani li K'ajolb'ej a'an? chankeb'.

Li Santil hu

³⁴ Eb li qꞌuila tenamit queꞌxye re: —Saꞌ li kachakꞌrab la̱o aj judío tzꞌi̱banbil retalil nak li Cristo li Mesías ta̱cua̱nk xyuꞌam chi junelic. ¿Cꞌaꞌut nak nacaye la̱at nak li Cꞌajolbej ta̱qꞌuehekꞌ chiru cruz? ¿Ani li Cꞌajolbej li yo̱cat chixyebal? chanqueb.

San Juan 12:34 ပူးပေါင်းရင်းမြစ်များ

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Salmos 110:4

Kixye li Qaawa' sa' jurament, ut ink'a' tixjal li raatin: “Laa'ataq aj tij chi junelik, jo' chanru xk'anjel laj Melkisedek”.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

2 Samuel 7:13

A'an li taayiib'anq re jun li ochoch sa' ink'ab'a' ut laa'in tink'ojob' li x'awab'ejihom chi junajwa.

Romanos 5:18

Jo'kan utan, kama' li xmaak li jun chirib'il kixb'oq chaq li tojb'amaak sa' xb'eeneb' chixjunil, jo'kan ajwi' li xtiikilal xch'ool li jun chi winq naxk'am chaq li tiikil ch'oolej ut li yu'am reheb' chixjunileb'.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

San Juan 15:25

Jo'ka'in xk'ulmank re naq chitz'aqloq ru li aatin tz'iib'anb'il sa' li xChaq'rab'eb' a'an: «Xik' xine'ril chi maak'a' inmaak».

San Juan 12:32

Ut naq laa'in tintaqsiiq sa' xb'een ch'och', teb'ink'am chaq chixjunileb' wik'in.

San Juan 10:34

Kixye li Jesus reheb': —Ma ink'a' tab'i' tz'iib'anb'il sa' leechaq'rab': «Laa'in xinye naq Yosex»?

Isaías 53:8

Xe'xchap, xe'xraq aatin sa' xb'een ut xe'xkamsi chi maa'ani x'ilok xtoq'ob'aal ru. X'isiik sa' li ruuchich'och' a'in ut xmaakeb' lintenamit naq xkamsiik.

San Mateo 21:10

Naq kox'okaq li Jesus sa' li tenamit, chixjunileb' laj Jerusalén k'ajo' naq ke'ok xk'a'uxl, yookeb' chi xyeeb'al: —Ani a'in?

San Mateo 16:13

Naq kiwulak li Jesus sa' xteepal Cesarea re Filipo, kixpatz' reheb' li xtzolom: —Ani li K'ajolb'ej naq neke'xye eb' li tenamit?

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

San Juan 8:28

Jo'kan naq li Jesus kixye reheb': —Akaq xetaqsi li K'ajolb'ej, toja' naq teenaw naq Laa'inin ut maak'a' ninb'aanu injunes wib', ninye b'an li k'aru kixk'ut chiwu li Yuwa'b'ej.

Hebreos 7:24

A'ut li Jesus wank cho'q aj tij chi junajwa xb'aan naq yo'yo chi junelik.