San Juan 12:26 - Q'eqchi Bible

²⁶ Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

Li Santil hu

²⁶ Li ani ta̱raj cꞌanjelac chicuu, tento tinixta̱ke ut tixba̱nu li cꞌaꞌru ninye. Bar cua̱nkin la̱in, aran ajcuiꞌ ta̱cua̱nk aꞌan. Ut lin Yucuaꞌ ta̱qꞌuehok xlokꞌal li ani ta̱cꞌanjelak chicuu, chan li Jesús reheb.

San Juan 12:26 ပူးပေါင်းရင်းမြစ်များ

Gálatas 1:10

Ma yal re tab'i' xsahob'resinkil xch'ooleb' li tenamit naq yookin chi aatinak anaqwan? Ma ink'a' tab'i' re naq taasaho'q sa' xch'ool li Yos? Ma yal twaj tab'i' tink'ojob' xch'ooleb' li winq? Wi ta yal winq twaj xk'ojob'ankil xch'ooleb', maawa'in raj xmoos li Kriist.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Colosenses 3:24

nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist.

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

San Juan 17:24

“At inYuwa', eb' li xak'eheb' we nawaj naq wanqeb' wochb'een b'arwi' wanqin laa'in, re naq te'xka'ya linloq'al li xak'e chaq we, xb'aan naq xinaara rub'elaj xk'ojlajik li ruuchich'och'.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

1 Juan 5:3

Xb'aan naq a'an a'in li xraab'al li Yos: naq chiqapaab' eb' li xchaq'rab'. Ut eb' li xchaq'rab' moko aaleb' ta,

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Romanos 14:18

Ka'ajwi' li napaab'ank chi jo'ka'in chiru li Kriist, k'ulub'anb'il xb'aan li Yos ut nak'ehe'k xloq'al xb'aaneb' li tenamit.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

San Lucas 6:46

“K'a'ut naq: «Qaawa', Qaawa'», nekeye we, ut ink'a' nekeb'aanu li ninye eere?

Proverbios 27:18

Li naxch'oolani li rawimq, toxyal xsahil; ut li naxkol rix li xjunkab'lal laj eechal re, taak'ehe'q xloq'al.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Filipenses 1:23

Ka'pak'al naweek'a lintitz'b'al: nawaj raj tinq'ajq tinsutq'iiq re naq wanqin rik'in li Kriist, ut a'in tz'aqal li q'axal us.

San Juan 14:3

Ut akaq xkohin ut xinkawresi chaq leena'aj, tinchalq wi' chik ut texink'am wik'in re naq b'ar wanqin laa'in, aran ajwi' wanqex laa'ex.

San Juan 13:16

Relik chi yaal ninye eere: laj k'anjel moko nim ta xwankil chiru laj eechal re, chi moko li taql nim xwankil chiru li xtaqlank chaq re.

San Lucas 9:23

Chirix chik a'an kixye reheb' chixjunil: —Wi ani naraj intaaqenkil, mixra rib', chixchapaq li xkrus rajlal kutan ut chinxtaaqehaq.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Salmos 17:15

A'ut laa'in sa' xtiikilal linch'ool toxwil xnaq' aawu; sa' li wajik, taak'ojlaaq li waanm chi wank chawe chawu.

Números 14:24

A'ut laj Kaleb aj k'anjel chiwu, jalan wi' li xna'leb' chiruheb' a'an, ut xinxpaab' chi tz'aqal re ru. Jo'kan naq taa'ok sa' li na'ajej li xo'ril chaq, ut eb' li ralal xk'ajol te'eechaninq re li ch'och' a'an.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

San Juan 21:22

Kiyehe'k re xb'aan li Jesus: —Wi twaj naq a'in taakanaaq toj reetal tolin'elq, k'a' taawaj re? Taaqehin laa'at.

San Juan 14:15

“Wi nikineera, teepaab' linchaq'rab',

San Marcos 8:34

Kixb'oqeb' li tenamit rochb'eeneb' li xtzolom ut kixye reheb': —Wi ani naraj intaaqenkil, mixra rib', chixchapaq li xkrus ut chinxtaaqehaq.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Números 32:11

Eb' li winq li ke'elk chaq Ejiipt, chalen aj junqmay chihab', maajoq'e te'ok sa' li na'ajej inyeechi'om chi anchal linch'ool re laj Abrahán, laj Isahak ut laj Jakob, xb'aan naq ink'a' k'ojk'ookeb' xch'ool chiwix.

San Lucas 12:37

Us xaq reheb' laj k'anjel tole'tawe'q chi yo'lek xb'aan laj eechal reheb' sa' xk'ulunik. Relik chi yaal ninye eere naq tixb'ak' li xsa', tixhiltasiheb' sa' meex ut taanume'q sa' xyanqeb' chi xk'eeb'aleb' chi tzekank.