San Juan 12:16 - Q'eqchi Bible

¹⁶ Eb' li xtzolom ink'a' ke'xtaw ru a'in sa' xtiklajik; ab'anan, naq kinimaak xloq'al li Jesus, ke'naqk sa' xch'ool naq a'in tz'iib'anb'il chaq chirix ut a'an ajwi' li ke'xb'aanu re.

Li Santil hu

¹⁶ Saꞌ li ho̱nal aꞌan nak yo̱ chi cꞌulma̱nc li cꞌaꞌak re ru aꞌin, eb lix tzolom incꞌaꞌ queꞌxtau ru lix ya̱lal. Abanan mokon nak ac quicuaclesi̱c cuiꞌchic chi yoꞌyo saꞌ xya̱nkeb li camenak ut quiqꞌueheꞌ xlokꞌal, tojoꞌnak queꞌxqꞌue retal nak quixcꞌul joꞌ tzꞌi̱banbil chak retalil saꞌ li Santil Hu chirix.

San Juan 12:16 ပူးပေါင်းရင်းမြစ်များ

San Juan 2:22

Jo'kan naq sa' li xwaklijik chi yo'yo sa' xyanqeb' li kamenaq ke'naqk sa' xch'ooleb' li xtzolom naq ak xyehom chaq chi jo'ka'in, ut ke'xpaab' li Santil Hu ut li aatin yeeb'il chaq xb'aan li Jesus.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

San Juan 7:39

Kixye a'in chirix li Musiq'ej li te'xk'ul eb' li te'paab'anq re: sa' li kutan a'an toj maak'a' li Musiq'ej xb'aan naq li Jesus toj maji' nanimaak xloq'al.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Juan 12:23

Li Jesus kixsumeheb' ut kixye: —Xwulak xhonal naq taanimaaq xloq'al li K'ajolb'ej.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Hebreos 8:1

A'an a'in li xyi chixjunil li yooko chi xyeeb'al: wank jun qatz'aqal xyuwa'il aj tij kama' li xqach'olob'. A'an koxk'ojlaaq sa' choxa sa' xnim uq' li xk'ojarib'aal li Nimajwal Yos,

Hechos 3:13

Li xYos laj Abrahán, laj Isahak ut laj Jakob, li xYos eb' li qana' qayuwa' xnima xloq'al li Jesus li xmoos. Laa'ex xexq'axtesink re a'an ut xetz'eqtaana chiru laj Pilaat naq kiraj rach'ab'ankil.

Hechos 2:33

A'in kitaqsiik xb'aan xnim uq' li Yos, kixk'ul rik'in li Yuwa'b'ej li Santil Musiq'ej yeechi'inb'il xb'aan ut kixhoy, jo' yookex chi rilb'al ut chi rab'inkil.

San Juan 16:4

Xinye a'in eere, re naq, jo'q'e taawulaq xhonaleb' a'an, chijultiko'q eere naq ak inyehom eere. “Ink'a' xinye chaq a'in eere sa' xtiklajik xb'aan naq toj wankin chaq eerik'in.

San Lucas 24:45

Toja' naq kixte xk'a'uxeb' re naq te'xtaw xyaalal li Santil Hu.

San Lucas 24:25

Toja' naq li Jesus kixye reheb': —Laa'ex tik maak'a' eena'leb' ut aal leech'ool chi xpaab'ankil chixjunil li ke'xye eb' li propeet!

San Lucas 18:34

Eb' a'an maak'a' ke'xtaw ru chirix a'in; toj muqmu chiruheb' li aatin a'in, ut ink'a' neke'xtaw xyaalal li yo chi xyeeb'al.

San Lucas 9:45

A' ut eb' a'an ink'a' neke'xtaw ru li aatin a'in: tz'aptz'o ru chiruheb', jo'kan naq ink'a' neke'xtaw xyaalal; ut neke'xiwak chi patz'ok re chirix li aatin a'in.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Marcos 16:19

Li Qaawa' Jesus, naq ak xraatinaheb', kitaqsiik sa' choxa ut kik'ojlaak sa' xnim uq' li Yos.

San Marcos 9:32

Eb' a'an ink'a' neke'xtaw ru li naxye ut neke'xiwak chi patz'ok.