San Juan 11:51 - Q'eqchi Bible

⁵¹ Ut a'in moko yal ta xjunes rib' naq kixye, kixye b'an jo' propeet, naq wan chaq cho'q xyuwa'il aj tij; kixye chi junxilaj naq li Jesus taakamq chirix li tenamit,

Li Santil hu

⁵¹ Laj Caifás, aꞌan li xyucuaꞌil aj tij saꞌ li chihab aꞌan. Ut li cꞌaꞌru quixye incꞌaꞌ quixye yal xjunes. Quixye ban xban nak li Dios quicꞌutuc chiru li cꞌaꞌru tixye. Joꞌcan nak quixye nak li Jesús ta̱ca̱mk saꞌ xcꞌabaꞌeb laj judío.

San Juan 11:51 ပူးပေါင်းရင်းမြစ်များ

Daniel 9:26

Naq akaq xnume'k eb' li kab'laju xkaak'aal xamaan a'an, taakamsiiq laj jolominel sik'b'il ru, us ta maak'a' xmaak; ut jun xnimal ru winq taachalq rochb'eeneb' laj puub' ut tolxjuk' Jerusalén jo'wi' li santil Muheb'aal. Li roso'jik taachalq sa' junpaat, kama' li b'ut', ut li yalok jo'wi' eb' li rahilal ak yeeb'il te'wanq toj sa' xraqik.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

1 Samuel 23:9

Ab'an laj David naq kixnaw naq laj Saúl yo chi xk'uub'ankil li xkamik, kixye re laj Abiatar laj tij: “K'am chaq li efod”;

Éxodo 28:30

Ut sa' li pektoral re li q'ehink taak'e li Urim ut li Tumin, re naq wanqeb' chire xch'ool laj Aharón naq tox'okaq chiru li Qaawa'. Chi jo'kan laj Aharón junelik tixk'am chire xch'ool, chiru li Qaawa', li k'anjelob'aal re li q'ehink chirixeb' li ralal xk'ajol laj Israel.

Gálatas 3:13

Li Kriist koorach'ab' chiru xmaa'usilahom li Chaq'rab' xb'aan naq kixk'e rib' chi maa'usilaak sa' qak'ab'a' laa'o, jo' naxye li Santil Hu: “Maa'usilanb'ilaq chixjunil li t'uyt'u chiru che'”.

1 Corintios 13:2

Wi wank ta inmaatan re aatinak jo' propeet, wi ninnaw ta chixjunileb' li xmuqmuukil na'leb' li Yos ut chixjunil li k'a'uxl, wi ta tz'aqlojenaq ru linpaab'aal re xjalb'al xna'aj eb' li tzuul, ab'anan wi ink'a' ninrahok, maak'a' nin'ok wi'.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Números 24:2

Ut sa' xtaqsinkil li rilob'aal, laj Balaham kirileb' li xmuheb'aaleb' laj Israel ch'utch'uukeb' chi teep. Toja' naq li xmusiq' li Qaawa' ki'ok rik'in

Números 22:28

Toja' naq li Qaawa' kixk'e chi aatinak li b'uur, ut kixye re laj Balaham: “K'aru xinb'aanu aawe naq nikinaasak'? Ak ox sut xinaasak'”, chan.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

San Juan 11:49

Jun reheb' a'an, aj Kaifás xk'ab'a', xyuwa'il aj tij sa' li chihab' a'an, kixye reheb': —Laa'ex tik maak'a' nekenaw,

San Juan 18:13

ut ke'xk'am xb'enwa rik'in laj Anás xb'aan naq a'an xyuwa' li rixaqil laj Kaifás, a' li xyuwa'il aj tij sa' li chihab' a'an.

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.