San Juan 11:49 - Q'eqchi Bible

⁴⁹ Jun reheb' a'an, aj Kaifás xk'ab'a', xyuwa'il aj tij sa' li chihab' a'an, kixye reheb': —Laa'ex tik maak'a' nekenaw,

Li Santil hu

⁴⁹ Jun li cui̱nk aj Caifás xcꞌabaꞌ, aꞌan li xyucuaꞌil aj tij saꞌ li chihab aꞌan. Quixye reheb: —La̱ex ma̱cꞌaꞌ e̱naꞌleb.

San Juan 11:49 ပူးပေါင်းရင်းမြစ်များ

San Juan 11:51

Ut a'in moko yal ta xjunes rib' naq kixye, kixye b'an jo' propeet, naq wan chaq cho'q xyuwa'il aj tij; kixye chi junxilaj naq li Jesus taakamq chirix li tenamit,

San Mateo 26:3

Toja' naq eb' li xb'eenil aj tij ut eb' li xcheekel winqilaleb' li tenamit ke'xch'utub' rib' sa' rochoch li xyuwa'il aj tij, aj Kaifás xk'ab'a',

Hechos 4:6

laj Anás, li xyuwa'il aj tij, laj Kaifás, laj Jonatán, laj Alejandro ut chixjunil li xkomoneb' li xyuwa'ileb' aj tij.

San Lucas 3:2

Laj Anás ut laj Kaifás wankeb' chaq cho'q xyuwa'il aj tij. Sa'eb' li kutan a'an kichalk li Raatin li Yos rik'in laj Jwan, ralal laj Sakarías, naq wan chaq sa' li chaqich'och'.

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

1 Corintios 2:6

Yaal ajwi' naq sa' xyanqeb' li ak kaweb' sa' li paab'ank nokooch'olob'ank xninqal ru na'leb', ab'an maawa' xna'leb' li ruuchich'och' a'in chi moko xna'leb'eb' li neke'taqlank sa' ruuchich'och', li ak yo chi sachk xwankileb'.

1 Corintios 1:20

B'ar wank li wank xna'leb'? B'ar wank laj tzolonel? B'ar wank li naxnaw aatinak chirix xna'leb' li ruuchich'och' a'in? Ma ink'a' tab'i' li Yos xmemob'resi xna'leb' li ruuchich'och'?