San Juan 11:19 - Q'eqchi Bible

¹⁹ ut naab'aleb' laj Judiiy ke'wulak sa' rochoch lix Marta ut lix María re xk'ojob'ankileb' xch'ool chirix xkamik li raseb'.

Li Santil hu

¹⁹ Nabaleb laj judío queꞌchal chixcꞌojobanquil xchꞌo̱leb lix María ut lix Marta xban nak ac xcam li raseb.

San Juan 11:19 ပူးပေါင်းရင်းမြစ်များ

Li xHu LAJ JOB 2:11

Oxib'eb' li ramiiw laj Job ke'rab'i resil li rahilal kichalk sa' xb'een; ke'elk sa' li tenamit wankatqeb' wi' ut koheb' chi xk'ojob'ankil xch'ool ut xkotzb'al b'ayaq li xrahilal. A'aneb' a'in xk'ab'a'eb': laj Elifás aj Temán, laj Bildad aj Súaj ut laj Sofar aj Nahamat.

San Juan 11:31

Naq ke'ril naq lix María kixaqliik sa' junpaat ut ki'elk, eb' laj Judiiy li wankeb' chaq sa' kab'l chi xk'ojob'ankil xch'ool ke'xtaaqe: sa' xch'ooleb' naq koho chi yaab'ak wan wi' li muqleb'aal.

1 Ts 5:11

Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

1 Ts 4:18

Chek'ojob'aq b'i' eech'ool cherib'il eerib' rik'ineb' li aatin a'in.

2 Corintios 1:4

A'an nak'ojob'ank qach'ool sa' chixjunil li qarahilal re naq tooruuq xk'ojob'ankil xch'ooleb' li wankeb' sa' chixjunil li rahilal, rik'in li xk'ojob'ankil qach'ool li naqak'ul rik'in li Yos.

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Lamentaciones 1:21

Chinaawab'i ta chi yaab'ak: maa'ani nak'ojob'ank li waanm. Eb' li xik' neke'ilok we xe'rab'i resil li rahilal xak'e sa' inb'een, ut neke'saho'k xch'ool rik'in li yookin chi xk'ulb'al. Chichalq ta li Kutan yeeb'il aab'aan, re naq te'xk'ul ajwi' eb' a'an li yookin chi xk'ulb'al laa'in.

Lamentaciones 1:16

Jo'kan naq ninyot'e'k chi yaab'ak, nat'ululnak xya'al li wu, xb'aan naq maajun nak'ojob'ank inch'ool; maa'ani naru nak'ehok xkawub' li waanm. Q'axal ra xe'kanaak eb' li walal ink'ajol, xb'aan naq eb' li xik' neke'ilok qe xe'xq'ax qu.

Lamentaciones 1:9

Li xtz'ajnil naxletz rib' chiru li xb'aatal; maajun sut xk'oxla chanru naq taa'oso'q sa' junaq kutan. K'ajo' xiwajel li xt'anik! Maa'ani nak'ojob'ank xch'ool: “At Qaawa', chak'e taxaq reetal linrahilal, xb'aan naq li xik' na'ilok we yo chi numtaak sa' inb'een”.

Lamentaciones 1:2

K'ajo' naq nayaab'ak chiru q'oqyink, ut li xya'al ru nat'ululnak sa' xnaq' ru. Maajun junaq nak'ojob'ank xch'ool sa' xyanqeb' li xe'rahink ru. Chixjunileb' li ramiiw xe'xkanab' xjunes, ut xik' chik na'ile'k xb'aaneb' chixjunil.

Li xHu LAJ JOB 42:11

Toja' naq chixjunileb' li ras riitz'in, rochb'eeneb' li xkomon ut eb' li ramiiw li ke'wank junxil, ke'wulak chi rilb'al laj Job ut ke'ninq'ehik sa' li rochoch. Ke'ril xtoq'ob'aal ru ut ke'xk'ojob' xch'ool chirix li rahilal kik'ehe'k chi xk'ul xb'aan li Qaawa'. Chixjunqaleb' ke'xsi junjunq xtumin plaat ut junjunq xmatq'ab' oor.

2 Samuel 10:2

Toja' naq kixye laj David: “Twusila laj Janún, ralal laj Najás, jo' naq li xyuwa' kirusila wu laa'in”. Ut kixtaqlaheb' laj k'anjel chiru rik'in laj Janún re xk'ojob'ankil xch'ool chirix xkamik li xyuwa'. Ab'anan naq eb' laj k'anjel chiru laj David ke'wulak sa' xch'och'eb' laj Amón,

Génesis 37:35

Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

Isaías 51:19

Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Eclesiastés 7:2

Q'axal us xik sa' rochochil li kamenaq chiru li xik sa' rochoch li ninq'e. Xb'aan naq li kamk, a'an li nokooraqe'k wi' chiqajunilo, ut us raj naq a'in wanq sa' xch'ooleb' li yo'yookeb'.

1 Samuel 31:13

Ke'xxok li xb'aqel, koxe'xmuq aran Yabés rub'el jun li che' nawno chi us, ut chiru wuqub' kutan ke'xkuy xsa'eb'.

1 Crónicas 10:12

ke'xaqliik chixjunileb' li yo'ooneb' chi yalok, ke'xxok li xch'och'el xsululel laj Saúl ut li xtz'ejwaleb' li ralal ut ke'xk'ameb' toj Yabés. Aran ke'xmuqeb' rub'el jun toon li ji' nawno chi us, ut chiru wuqub' kutan ke'xkuy xsa'eb'.

San Lucas 10:39

A'an wank jun li riitz'in, xMaría xk'ab'a'; a'in kolk'ojlaaq rub'el roq li Qaawa', yo chi rab'inkil li raatin.

San Lucas 10:42

ab'anan jun ajwi' li na'ajmank ru, ut lix María xsik' ru li jwal chaab'il li ink'a' taamaq'manq chiru.

San Juan 1:19

A'an a'in li yaal kixch'olob' laj Jwan naq eb' laj Judiiy ke'xtaqla chaq toj Jerusalén aj tij ut aj Leví chi xpatz'b'al re: “Anihat laa'at?”.

San Juan 11:1

Kiyajerk jun li winq, aj Lázaro xk'ab'a', aj Betania, xk'aleb'aaleb' lix María ut lix Marta li xchaq'na'.

San Juan 11:8

Kiyehe'k ut re xb'aaneb' li xtzolom: —At Tzolonel, toje' xe'raj raj aakamsinkil chi pek eb' laj Judiiy. Ma tatxik wi' chik aran?

San Juan 11:33

Li Jesus kiril naq yo chi yaab'ak ut te'yaab'aq ajwi' eb' laj Judiiy li ke'chalk chirix; jo'kan naq kixjiq' xch'ool ut sachaamil xna'leb' kikanaak:

San Juan 11:36

Ut eb' laj Judiiy ke'xye: —Ilomaq k'ajo' naq naxra.

San Juan 11:45

Naab'aleb' laj Judiiy li ke'wulak sa' rochoch lix María, ke'xpaab' li Jesus naq ke'ril li kixb'aanu.