San Juan 11:11 - Q'eqchi Bible

¹¹ Chirix chik a'an kixye wi' chik: —Laj Lázaro li qamiiw yo chi wark; ab'anan xik we chi rajsinkil.

Li Santil hu

¹¹ Nak ac xye aꞌin, li Jesús quixye reheb lix tzolom: —Laj Lázaro li nakara, yo̱ chi cua̱rc. Abanan la̱in xic cue chirajsinquil, chan.

San Juan 11:11 ပူးပေါင်းရင်းမြစ်များ

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

San Juan 11:13

Li Jesus a' li xkamik kixye reheb', a'ut eb' a'an ke'xk'oxla naq a' li hilank li naxk'e li wark kixye.

1 Ts 5:10

a'an kikamk sa' qak'ab'a' re naq, us ta yo'yooqo us ta kamenaqo chik naq taak'ulunq, chiwanq qayu'am qochb'een A'an.

1 Corintios 15:51

K'ehomaq reetal! Ninye eere jun muqmuukil na'leb': moko chiqajunilo ta tookamq, ab'an chiqajunilo toojalano'q.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

San Mateo 27:52

Kilaje'teliik eb' li muqleb'aal kamenaq, naab'aleb' li sant ak kamenaqeb' ke'wakliik chaq wi' chik chi yo'yo,

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

San Marcos 5:39

Ki'ok ut kixye reheb': —K'a' naq yookex chi xpoqoqinkil eerib' ut chi yaab'ak? Li ch'ina ixqa'al moko kamenaq ta, yal yo chi wark.

San Mateo 9:24

—Elenqex, xb'aan naq li ixqa'al moko kamenaq ta, yal yo chi wark. Ut eb' a'an ke'ok chi xse'enkil.

Éxodo 33:11

Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

Santiago 2:23

Chi jo'kan kitz'aqlok ru li naxye li Santil Hu: “Laj Abrahán kixpaab' li Yos ut a'an kik'ehe'k sa' ajl cho'q xtiikilal xch'ool”. Jo'kan naq ramiiw li Yos kixk'ab'a'in.

1 Corintios 15:34

Ajsihomaq eeru jo' xk'ulub', ut mexmaakob'k chik xb'aan naq wank wankeb' sa' eeyanq li ink'a' neke'xnaw ru li Yos. Re xk'utb'al eexutaan naq ninye a'in eere.

1 Corintios 15:18

Ut eb' li xtzolom li Kriist li xe'xk'uula rib', sachenaqeb' aj raj wi'.

San Juan 11:3

Eb' li ranab' ke'xtaqla xyeeb'al re li Jesus: —Qaawa', li nakara laa'at a'an yaj.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Isaías 41:8

Ab'i, a Israel, aj k'anjelat chiwu; ab'i, a Jakob, insik'om chaq aawu, ex intenamit, ralal xk'ajolex laj Abrahán, li wamiiw:

2 Crónicas 20:7

At qaYos, laa'at kat-isink reheb' li wankeb' sa' li na'ajej a'in naq ke'ok arin eb' laj Israel laatenamit, ut kak'e chireechani chi junajwa re laj Abrahán laawamiiw.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

2 Reyes 4:31

Laj Kejasí koho chi uub'ej ut koxk'e li xuq' chi xnaq' ru li ch'ina'al, ab'anan li ch'ina'al ink'a' kik'ulunk xch'ool. Jo'kan naq laj Kejasí koho chi xk'ulb'al laj Eliseo ut kixye re: “Li ch'ina'al ink'a' nak'ulunk xch'ool”.

San Juan 11:10

ab'an wi nab'eek sa' q'oqyink, taatichk'oq xb'aan naq maak'a' xsaqenk rik'in.

San Juan 11:12

Kiyehe'k ut re xb'aaneb' li xtzolom: —Qaawa', wi yo chi wark, taak'iraaq.