San Juan 10:8 - Q'eqchi Bible

⁸ Chixjunileb' li xe'k'ulunk xb'enwa chiwu a'aneb' aj elq' ut aj kamsineleb'; ab'an ink'a' xe'ab'iik xb'aaneb' li karneer.

Li Santil hu

⁸ Chixjunileb li queꞌcꞌulun xbe̱n cua chicuu la̱in, aꞌaneb aj e̱lkꞌeb ut aj balakꞌeb. Ut eb li nequeꞌpa̱ban cue, incꞌaꞌ nequeꞌxpa̱b li cꞌaꞌru nequeꞌxye.

San Juan 10:8 ပူးပေါင်းရင်းမြစ်များ

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?

San Juan 10:1

Toja' naq li Jesus kixye reheb': —Relik chi yaal ninye eere: ani ink'a' nanume'k sa' li rokeb'aal li xkoraleb' li karneer, sa' jalan b'an chik na'ajej nataqe'k ut napisk'ok chisa', a'an aj elq' ut aj kamsinel.

Jeremías 23:1

“Ra chaalel sa' xb'eeneb' li neke'kanab'ank chi sachk ut chi cha'cha'inb'ileb' linkarneer”, chan li Qaawa'.

Hechos 5:36

Xb'aan naq rub'elaj eb' li kutan a'in kixaqliik laj Tewdas li nim xwankil naq naxye rib', ut ke'okenk chirix jun o'q'ob' tana chi winq. Ab'an kikamsiik, ut chixjunileb' li ke'taaqenk re ke'xcha'cha'i rib'eb' ut ke'oso'k yal chi jo'kan.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

San Juan 10:5

Ab'anan ink'a' te'xtaaqe junaq li ink'a' neke'xnaw ru, elelik b'an chik te'xb'aanu chiru xb'aan naq ink'a' neke'xnaw rab'inkil li xyaab' xkuxeb' li jalaneb' chik.

Zacarías 11:16

Xb'aan naq ok we chi xxaqab'ankil sa' li tenamit a'in jun aj ilol karneer li maak'a' taaraj wi' eb' li neke'cha'chotk. Ink'a' tixsik' li karneer sachenaq, ink'a' tixb'an li tiq'ilk chi moko tixch'oolani li kaw, tixtzeka b'an chik li nim xtib'el, chi ink'a' taaril xtoq'ob'aal ru.

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.