San Juan 10:4 - Q'eqchi Bible

⁴ Ut naq ak xrisi chixjunileb' li re, k'amol b'e naq naxik chiruheb', ut eb' li karneer neke'xtaaqe, xb'aan naq neke'xnaw rab'inkil li xyaab' xkux.

Li Santil hu

⁴ Nak ac xrisiheb, naxberesiheb ut eb li carner nequeꞌxta̱ke xban nak nequeꞌxnau ru xya̱b lix cux.

San Juan 10:4 ပူးပေါင်းရင်းမြစ်များ

Deuteronomio 1:30

Li Qaawa' leeYos a'an laj k'amol eeb'e, ut a'an taayaloq cherix, jo' kixb'aanu aran Ejiipt

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 18:37

Toja' naq laj Pilaat kixye re: —Ma laa'at rey chi jo'kanan? Kichaq'ok li Jesus ut kixye: —Laa'at nakaye naq laa'in rey. A'in aj e naq kinyo'laak ut a'in aj e naq kinchalk sa' li ruuchich'och': re tin'aatinaq chirix li yaal. Chixjunil li na'okenk chirix li yaal, narab'i li xyaab' inkux.

1 Pedro 2:21

A'in aj e naq li Yos kib'oqok eere, xb'aan naq li Kriist kixk'ul rahilal sa' eek'ab'a': kixk'am eeb'e re naq teetaaqe li xnums.

1 Pedro 5:3

ink'a' texnumtaaq sa' xb'eeneb' li k'eeb'ileb' cheril, rik'in b'an xk'amb'al li chaab'il b'e chiruheb' li karneer.

1 Corintios 11:1

K'amomaq eere wik'in jo' laa'in nink'am we rik'in li Kriist.

San Juan 10:8

Chixjunileb' li xe'k'ulunk xb'enwa chiwu a'aneb' aj elq' ut aj kamsineleb'; ab'an ink'a' xe'ab'iik xb'aaneb' li karneer.

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

Hebreos 12:2

Kaw chiqaka'ya li Jesus li nayoob'ank ut nab'eresink re li qapaab'aal toj reetal toxtz'aqloq ru. A'an kixkuy li krus, us ta xutaanal li kamk chi jo'kan, xb'aan naq naxnaw naq chirix li rahilal toxtaw nimla sahilal. Ut k'ojk'o anaqwan sa' xnim uq' li xnimajwal k'ojarib'aal li Yos.

Hebreos 6:20

b'arwi' kox'okaq xb'enwa li Jesus jo' aj k'amol b'e sa' qak'ab'a' laa'o, xb'aan naq kixaqab'aak cho'q xyuwa'il aj tij chi junajwa, jo' chanru xk'anjel laj Melkisedek.

Efesios 5:1

Chek'am eere rik'in li Yos jo'qex li ralal xk'ajol raarookex xb'aan,

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Cantares 2:8

Jun xyaab' kuxej! A'an li raaro inb'aan! Wanle' chaq, yo chaq chi pisk'ok sa' xb'eeneb' li tzuul, taapisk'okje'q sa' xb'eeneb' li b'ool.

San Juan 13:15

Xk'amb'al eeb'e xinb'aanu, re naq teeb'aanu ajwi' laa'ex jo' xinb'aanu eere.

1 Pedro 4:1

Li Kriist kixk'ul rahilal sa' li xtz'ejwal; jo'kan utan kawaq ajwi' leech'ool laa'ex chirix li k'a'uxl a'in: ani xk'ulum li rahilal, ak xraqe'k chi maakob'k,

Cantares 5:2

Ak yookin chi wark, ab'an linch'ool aj'ook. Xwab'i xyaab' xkux linrahom yo chi xtoch'b'al li okeb'aal: “Te li okeb'aal chiwu, at inrahom, at xsumwaanm, at inmukuy li maak'a' aamuxul. Xt'aqaak linjolom xb'aan li sujew, yo chi t'uluk li xchu'ke sa' li wismal”.

San Juan 10:3

Laj ilol okeb'aal natehok chiru ut eb' li karneer neke'rab'i li xyaab' xkux; ut a'an naxb'oqeb' li xkarneer rik'in li xk'ab'a'eb' ut narisiheb' chi b'eek.

San Juan 10:5

Ab'anan ink'a' te'xtaaqe junaq li ink'a' neke'xnaw ru, elelik b'an chik te'xb'aanu chiru xb'aan naq ink'a' neke'xnaw rab'inkil li xyaab' xkuxeb' li jalaneb' chik.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.