San Juan 10:32 - Q'eqchi Bible

³² Ut li Jesus kixye reheb': —Naab'al li chaab'il b'aanuhom li neke'chalk rik'in li Yuwa'b'ej xlajink'ut cheru. B'ar wank reheb' a'an li teeraj wi' inkutinkil chi pek?

Li Santil hu

³² Li Jesús quixye reheb: —Nabal li cha̱bilal xinba̱nu che̱ru joꞌ quicꞌutbesi̱c chicuu xban lin Yucuaꞌ. ¿Bar cuan reheb li cha̱bil cꞌanjel aꞌin li xinba̱nu tine̱cuti cuiꞌ chi pec? chan.

San Juan 10:32 ပူးပေါင်းရင်းမြစ်များ

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

San Juan 10:37

Wi ink'a' ninb'aanu xk'anjel linYuwa', mineepaab'.

San Juan 5:36

Ab'an laa'in wank k'aru na'aatinak chiwix q'axal nim xwankil chiru laj Jwan, a' li xnimal k'anjel li kixk'e chinb'aanu li Yuwa'b'ej. Xb'aan naq li k'anjel yookin chi xb'aanunkil na'aatinak chiwix ut naxye naq li Yuwa'b'ej kitaqlank chaq we.

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.

Salmos 35:12

Usilal ninb'aanu reheb' a'an, a'ut a' chik li maa'usilal nink'ul sa' ruq'eb'. K'ajo' naq namayok li waanm!

San Juan 10:25

Kichaq'ok li Jesus ut kixye: —Ak xinye eere, ab'an ink'a' nekepaab'. Li k'anjel nalajinb'aanu sa' xk'ab'a' linYuwa', a'an na'aatinak chiwix;

Jeremías 37:18

Tikto laj Jeremías kixpatz' re laj Sedesías, li awab'ej: “K'aru xinmaakon chawu laa'at, chiruheb' laj k'anjel chawu malaj ut chiru li tenamit a'in naq xinaatz'ap sa' tz'alam?

San Juan 10:31

Toja' naq eb' laj Judiiy ke'xchap wi' chik xpek re xkutinkil chirix.

San Juan 10:33

Ke'chaq'ok eb' laj Judiiy: —Ink'a' tatqakuti chi pek xb'aan junaq chaab'il b'aanuhom, rik'in b'an naq xamajewa li Yos ut, us ta yal winqat, nakak'e aawib' cho'q Yos, chankeb' re.