San Juan 10:27 - Q'eqchi Bible

²⁷ Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Li Santil hu

²⁷ Eb li cualal incꞌajol nequeꞌrabi li cꞌaꞌru ninye. La̱in ninnauheb ru ut eb aꞌan nequeꞌxba̱nu li cꞌaꞌru ninye.

San Juan 10:27 ပူးပေါင်းရင်းမြစ်များ

San Juan 10:16

Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

San Juan 10:14

“Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

1 Corintios 8:3

Ab'anan li narahok re li Yos, a'an nawno ru xb'aan li Yos.

Hebreos 3:7

Jo'kan utan, kama' naxye li Santil Musiq'ej: “Wi anaqwan nekerab'i xyaab' xkux,

San Juan 5:25

Relik chi yaal ninye eere: twulaq xq'ehil (ak xk'ulunk ajwi') naq eb' li kamenaq te'rab'i xyaab' xkux li Ralal li Yos, ut eb' li te'ab'inq re te'wanq xyu'am.

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

San Juan 10:8

Chixjunileb' li xe'k'ulunk xb'enwa chiwu a'aneb' aj elq' ut aj kamsineleb'; ab'an ink'a' xe'ab'iik xb'aaneb' li karneer.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Juan 8:43

K'a'ut naq ink'a' neketaw ru li waatinob'aal? Xb'aan naq ink'a' nekexruuk chi rab'inkil li waatin.

1 Reyes 18:21

Toja' naq laj Elías kijilok wankeb' wi' li poyanam ut kixye reheb': “Toj jo'q'e texwanq chi wiib' ru leena'leb'? Wi li Qaawa' a'an li tz'aqal Yos, paab'omaq; wi ut laj Bahal, taaqehomaq a'an”. Eb' li poyanam maajun aatin ke'xye.

San Lucas 9:23

Chirix chik a'an kixye reheb' chixjunil: —Wi ani naraj intaaqenkil, mixra rib', chixchapaq li xkrus rajlal kutan ut chinxtaaqehaq.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

San Juan 21:22

Kiyehe'k re xb'aan li Jesus: —Wi twaj naq a'in taakanaaq toj reetal tolin'elq, k'a' taawaj re? Taaqehin laa'at.

San Lucas 13:27

A'ut a'an tixye eere: «Ink'a' ninnaw b'ar xexchal chaq. Elenqex chiwu chejunilex aj b'aanuhom maa'usilal!».

San Marcos 8:34

Kixb'oqeb' li tenamit rochb'eeneb' li xtzolom ut kixye reheb': —Wi ani naraj intaaqenkil, mixra rib', chixchapaq li xkrus ut chinxtaaqehaq.

San Mateo 25:12

A'ut a'an kixsumeheb' ut kixye: «Relik chi yaal ninye eere, ink'a' ninnaw eeru».

San Mateo 16:24

Toja' naq li Jesus kixye reheb' li xtzolom: —Wi ani naraj intaaqenkil, mixra rib', chixchapaq li xkrus ut chinxtaaqehaq.

San Mateo 7:23

Toja' naq tinye reheb': «Maajun wa xinnaw eeru. Elenqex chiwu, ex aj b'aanuhom maa'usilal!».

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.

Hechos 3:23

Yalaq ani ink'a' taapaab'anq re li propeet a'an, isinb'ilaq chi junajwa sa' xyanqeb' li tenamit».

San Marcos 10:21

Li Jesus kixka'ya, kixra ut kixye re: —Toj jun chik maa nakab'aanu: ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

Isaías 66:22

“Jo' naq li ak' choxa ut li ak' ruuchich'och' li tinyoob'tesi wanqeb' chiwu chi junajwa, jo'kan ajwi' naq te'wanq leeralal eek'ajol ut leek'ab'a', -chan li Qaawa'-.