San Juan 10:21 - Q'eqchi Bible

²¹ Ab'anan wankeb' ajwi' ke'yehok: —Eb' li aatin a'in moko raatineb' ta junaq eechaninb'il xb'aan laj tza. Ma truuq tab'i' laj tza xteeb'al xsa' ruheb' li mutz'?

Li Santil hu

²¹ Ut cuanqueb cuiꞌchic yo̱queb xyebal: —Incꞌaꞌ naru ta̱a̱tinak chi joꞌcan cui cuan ma̱us aj musikꞌej riqꞌuin. ¿Ma ta̱ru̱k ta biꞌ tixqꞌue chi iloc junak mutzꞌ cui cuan ma̱us aj musikꞌej riqꞌuin? chanqueb.

San Juan 10:21 ပူးပေါင်းရင်းမြစ်များ

Éxodo 4:11

Ab'an li Qaawa' kixsume: “Ani xk'ehok li ehej re li winq? Ani aj b'an wank li mem ut li tz'ap xik, li na'ilok ut li mutz'? Ma ink'a' tab'i' inb'aan laa'in li Qaawa'?

San Mateo 11:5

Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

Salmos 94:9

Ma maak'a' trab'i li xyiib'ank re li xikej? Ma maak'a' tril li xyiib'ank re xsa' li uhej?

San Juan 9:6

Naq ak xye a'in, kichuub'ak sa' ch'och', kixyiib' sulul rik'in li xchuub', kixyul li sulul sa' ru li mutz' ut kixye re:

San Mateo 4:24

Kiwulak resil li Jesus sa' chixjunil Siria: ut ke'xk'am chaq rik'in chixjunileb' li yaj, k'iila paay ruheb' li xyajel ut li xrahilal; ke'xk'ameb' ajwi' chaq li eechaninb'ileb' xb'aan laj tza, eb' li neke'pohonk xyajel, eb' li sik, ut kixk'irtasiheb'.

Proverbios 20:12

Li xikej, a'an re ab'ink, ut li xsa' uhej re ilok: chi xkab'ichaleb' xyoob'tesihom li Qaawa'.

Salmos 146:8

ut naxte xsa' ruheb' li mutz'; li Qaawa' naxwaklesi wi' chik li xe't'ane'k, ut naxraheb' li tiikeb' xch'ool;

Éxodo 8:19

Toja' naq eb' laj q'e ke'xye re laj Parahón: “A'an a'in li ru'uj ruq' li Yos!”, chankeb'. Ab'an kikawuuk xch'ool laj Parahón ut ink'a' kirab'iheb', kama' yeeb'il chaq xb'aan li Qaawa'.

San Juan 10:22

Sa'eb' li kutan a'an aran Jerusalén naninq'ehimank li xq'axtesinkil li rochoch li Yos sa' ruq' li Qaawa', jo' rajlal chihab'. Yo li hab'alq'e