San Juan 10:18 - Q'eqchi Bible

¹⁸ Maa'ani namaq'ok chiwu linyu'am, laa'in b'an nink'ehok re, xb'aan naq jo'kan x'alaak sa' inch'ool. Wank inwankil chi xq'axtesinkil linyu'am ut wank inwankil chi xk'ulb'al wi' chik. A'an a'in lintaqlankil xink'ul rik'in linYuwa'”.

Li Santil hu

¹⁸ Ma̱ ani ta̱qꞌuehok cue chi camsi̱c cui incꞌaꞌ nacuaj la̱in. Xban nak la̱in nacuaj, tinkꞌaxtesi cuib chi camsi̱c. Cuan incuanquil chixkꞌaxtesinquil lin yuꞌam. Ut cuan ajcuiꞌ incuanquil chixcꞌulbal cuiꞌchic lin yuꞌam. Aꞌan aꞌin li quixye cue lin Yucuaꞌ nak tento tinba̱nu, chan li Jesús.

San Juan 10:18 ပူးပေါင်းရင်းမြစ်များ

Hebreos 2:9

ab'an li kub'enaq kach'inaq xwankil chiruheb' li ánjel, a' li Jesus, ak naqil naq k'eeb'il xloq'al ut xwankil cho'q xq'ajkamunkil, xb'aan naq kixk'ul xrahilal li kamk. Jo'kan naq, sa' xk'ab'a' xnimal ruxtaan li Yos, li kamk kixk'ul, a'an usilal cho'q reheb' chixjunil.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

San Juan 10:17

“A'an ninxra wi' li Yuwa'b'ej, xb'aan naq nink'e linyu'am re naq tink'ul wi' chik.

San Juan 14:31

ab'anan tento tixnaw li ruuchich'och' naq ninra li Yuwa'b'ej ut ninb'aanu li xinxtaqla wi' chaq. Xaqlinqex anaqwan ut elqo arin.

San Juan 6:38

Xb'aan naq xinkub'e chaq sa' choxa moko re ta xb'aanunkil li wajom laa'in, re b'an xb'aanunkil li rajom li kitaqlank chaq we.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

Hechos 3:15

Xekamsi li nak'amok b'e sa' li yu'am. Ab'anan li Yos xwaklesi chi yo'yo sa' xyanqeb' li kamenaq, ut laa'o xqil ut nokoo'aatinak chirix.

Hechos 2:24

A'ut li Yos kiwaklesink re chi yo'yo naq kirisi xrahil li kamk sa' xb'een, xb'aan naq moko naru ta xkanaak rub'el xwankil li kamk.

San Juan 5:30

“Laa'in maak'a' naru ninb'aanu injunes wib': a' yaal chanru nawab'i, ninraqok aatin, ut linraqb'a aatin a'an tiik xb'aan naq ink'a' ninsik' li wajom laa'in, a' b'an li rajom li kitaqlank chaq we.

Hechos 2:32

Li Jesus a'in kiwaklesiik chi yo'yo xb'aan li Yos ut chiqajunilo laa'o qilom ut nokoo'aatinak chirix.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

San Juan 5:26

Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib',