San Juan 10:16 - Q'eqchi Bible

¹⁶ Wankeb' ajwi' jalan chik inkarneer li moko wankeb' ta sa' li koral a'in; a'aneb' ajwi' tento tinb'eresiheb' chaq, ut te'rab'i xyaab' linkux, ut jun ch'uutaqeb' aj chik naq te'wanq, ut junaq ajwi' laj k'aak'alehom reheb'.

Li Santil hu

¹⁶ Cuanqueb ajcuiꞌ cualal incꞌajol jalaneb xtenamiteb. Tento nak la̱in tincꞌameb chak. Eb aꞌan teꞌrabi ajcuiꞌ xya̱b lin cux. Ut junajakeb chic ru nak teꞌcua̱nk ut junak ajcuiꞌ laj ilol reheb.

San Juan 10:16 ပူးပေါင်းရင်းမြစ်များ

Isaías 56:8

Laa'in tinsutq'isiheb' chaq li toj wankeb' chi preexil sa' ab'l tenamit, tinch'utub'eb' ut te'wanq sa' junajil”. A'an a'in raatin li Qaawa' li nach'utub'ank reheb' laj Israel li xe'cha'cha'iik sa' najtil tenamit.

1 Pedro 2:25

Chanchanex chaq karneer li neke'cha'chotk naq xexwank chaq, a'ut anaqwan xexsutq'iik chaq rik'in laj K'aak'alenel ut laj Ilol re leeraanm.

San Juan 11:52

ut moko ka'aj ta wi' chirix li tenamit, re aj b'an wi' xch'utub'ankil sa' junajil eb' li ralal xk'ajol li Yos li neke'cha'chotk.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Ezequiel 37:24

Laj David, laj k'anjel chiwu, a'an taa'awab'ejinq ut taab'eresinq re chixjunileb'. Te'ab'inq chik chiwu ut te'xpaab', te'xyu'ami li waatin ut linchaq'rab'.

San Juan 6:37

Chixjunil ani tixk'e we li Yuwa'b'ej taachalq wik'in, ut li taachalq wik'in ink'a' tintz'eqtaana.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

Apocalipsis 3:20

«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.

1 Pedro 2:10

Junxil moko tenamitex ta chaq, ut anaqwan xtenamitex chik li Yos; laa'ex ink'a' uxtaananb'il chaq eeru xb'aan li Yos, ut anaqwan xetaw li ruxtaanal.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

San Mateo 17:5

Toj yo ajwi' chi aatinak laj Pedro, naq jun li choql nalemtz'unk kimuheelank reheb'. Aka' chik jun xyaab' kuxej kichalk sa' li choql ut kixye: “A'in li walal raaro inb'aan. Rik'in a'an nasaho'k inch'ool: a'an cherab'ihaq”.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Hechos 22:14

Toja' naq laj Ananías kixye we: «Li xYos eb' li qana' qayuwa' xatxxaqab' re naq taanaw li rajom, taawil ru li Tiik xch'ool ut taawab'i ajwi' li aatin chi xtz'uumal re.

Hechos 18:10

xb'aan naq wankin aawik'in ut maa'ani truuq chi rahob'tesink aawe. Relik chi yaal naq naab'al lintenamit wank sa' li na'ajej a'in”.

Hechos 15:14

Laj Simehón ak xseeraq'i qe chanru naq li Yos chalen chaq sa' xtiklajik kirileb' li maawa'eb' aj Judiiy re xsik'b'al sa' xyanqeb' jun tenamit cho'q re A'an.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Oseas 1:10

Sa' jun kutan eb' laj Israel te'k'ihanq ut li xk'ihaleb' kama'aq li samahib' chire li palaw; maajun taaruhanq chi b'isok re chi moko rajlankil. Ut ink'a' chik taayeemanq reheb': “Maawa'ex lintenamit”, li Yos b'an tixye reheb': “Laa'ex ralal li yo'yookil Yos”.

Ezequiel 37:22

Junaj aj chik chi tenamit te'kanaaq wi' sa' li na'ajej a'in, sa' xteepal Israel, ut jun ajwi' chi awab'ej taa'awab'ejinq reheb' chixjunileb'. Moko wiib'aqeb' ta chik chi awab'ejihom naq wanqeb' chi moko jachjooqeb' chik chirib'ileb' rib'.

Isaías 52:10

Li Qaawa' xk'ut li xnimal xwankil chiruheb' chixjunil li tenamit; ut yalaq b'ar toj sa' xmaril li ruuchich'och' x'ilmank li kolb'a ib' nachalk rik'in li qaYos.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Eclesiastés 12:11

Li raatineb' li wankeb' xna'leb', chanchaneb' li topleb'; ut naq tustuukeb' chi chaab'il sa' hu, chanchaneb' li che' lapb'ileb' xb'aan laj k'aak'alenel sa' xna'ajeb' li xketomq.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

San Juan 10:2

A'ut li na'ok sa' li okeb'aal a'an aj k'aak'alehom reheb' li karneer.

Isaías 11:10

Sa' li kutan a'an li riyajil laj Jesé taawanq jo' jun eetalil cho'q reheb' li tenamit; chixjunileb' li poyanam te'sik'oq re ut q'axal nimaq xloq'al li na'ajej wanq wi'.

1 Pedro 5:4

Chi jo'kan, sa' xq'ehil li xk'utb'esinkil rib' li xnimal ru aj K'aak'alenel, teek'ul xnimal eeloq'al, a' leeq'ajkamunkil chi junelik.

Ezequiel 34:6

Xe'sachje'k sa'eb' li k'iche' ut sa'atqeb' li tzuul, xe'xcha'cha'i rib' sa' chixjunil li ruuchich'och', chi maajun napatz'ok reheb' chi moko xkoheb' chi xsik'b'al.

Ezequiel 34:12

Jo' naq laj ilol ketomq naxk'e xch'ool chirixeb' li xketomq xe'xcha'cha'i rib'eb', jo'kan tinb'aanu laa'in reheb' linketomq; twisiheb' chaq sa' chixjunileb' li na'ajej xe'sachk wi' sa' jun rahil kutan ut aak'ab' ru.

San Juan 10:3

Laj ilol okeb'aal natehok chiru ut eb' li karneer neke'rab'i li xyaab' xkux; ut a'an naxb'oqeb' li xkarneer rik'in li xk'ab'a'eb' ut narisiheb' chi b'eek.

San Juan 10:4

Ut naq ak xrisi chixjunileb' li re, k'amol b'e naq naxik chiruheb', ut eb' li karneer neke'xtaaqe, xb'aan naq neke'xnaw rab'inkil li xyaab' xkux.

San Juan 10:5

Ab'anan ink'a' te'xtaaqe junaq li ink'a' neke'xnaw ru, elelik b'an chik te'xb'aanu chiru xb'aan naq ink'a' neke'xnaw rab'inkil li xyaab' xkuxeb' li jalaneb' chik.

San Juan 17:20

“Moko ka'aj ta wi' chirixeb' a'in nintijok, nintijok aj b'an wi' chirixeb' li te'paab'anq we sa' xk'ab'a' li raatineb' a'an,

Romanos 11:25

Ex was wiitz'in, ink'a' nawaj naq ink'a' ta teenaw li tz'aptz'ookil na'leb' a'in, re naq ink'a' teek'oxla eerib' naq wank eena'leb': jun jachal li tenamit Israel ke'jipob'resiik xch'ool, ut te'wanq chi jo'kan toj reetal talaje'ok chixjunileb' li maawa'eb' aj Judiiy.

San Lucas 15:8

“Ut wi junaq ixq wanq ta lajeeb'aq xtumin ut taasachq junaq chiru, ma ink'a' tab'i' tixloch junaq xsaqenk ut tixmesu sa' li kab'l re xsik'inkil toj reetal tixtaw?