San Juan 10:12 - Q'eqchi Bible

^12-13 A'ut li yal tojb'il, li maawa' aj k'aak'alenel ut moko re ta eb' li karneer, naq nachalk laj xojb', naxkanab'eb' li karneer ut na'elelik, xb'aan naq yal tojb'il ut maak'a' naraj wi' eb' li karneer; jo'kan naq laj xojb' naxsaapuheb' ut naxcha'cha'iheb'.

Li Santil hu

¹² Junak tojbil mo̱s ma̱cuaꞌ tzꞌakal pastor xban nak ma̱cuaꞌ aꞌan laj e̱chal re li carner. Naril nak yo̱ chi cha̱lc laj xoj, naxcanabeb li carner ut nae̱lelic. Ut laj xoj naxchapeb li carner ut naxchaꞌchaꞌi ruheb.

San Juan 10:12 ပူးပေါင်းရင်းမြစ်များ

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

2 Timoteo 4:10

laj Demas xinxkanab' xb'aan xrahinkil ru li ruuchich'och' a'in ut xkoho Tesalónika. Laj Crescente xkoho Galacia; laj Tito xkoho Dalmacia.

1 Timoteo 3:8

Jo'kanaqeb' ajwi' li diákono, tento naq tiikaqeb' xch'ool, maawa'aqeb' aj ka'pak'al u, aj rahol ru b'iin chi moko aj sik'ol b'ihomal sa' b'alaq',

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

Hechos 20:29

Ninnaw naq, akaq xkohin, wanqeb' josq' aj xojb' te'ok sa' eeyanq li te'xrahob'tesi eb' li karneer.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

San Juan 10:3

Laj ilol okeb'aal natehok chiru ut eb' li karneer neke'rab'i li xyaab' xkux; ut a'an naxb'oqeb' li xkarneer rik'in li xk'ab'a'eb' ut narisiheb' chi b'eek.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

San Juan 10:2

A'ut li na'ok sa' li okeb'aal a'an aj k'aak'alehom reheb' li karneer.