San Juan 10:10 - Q'eqchi Bible

¹⁰ “Laj elq' ka'ajwi' elq'ak, kamsink ut sachok naraj naq nachalk. Laa'in xinchalk re naq te'wanq xyu'am ut taawanq chi numtajenaq.

Li Santil hu

¹⁰ Laj e̱lkꞌ nachal chi elkꞌac ut chi camsi̱nc ut chi sachoc. La̱in xinchal re nak ta̱cua̱nk e̱yuꞌam chi tzꞌakal. Ta̱cua̱nk e̱yuꞌam chi junelic.

San Juan 10:10 ပူးပေါင်းရင်းမြစ်များ

San Lucas 19:10

Xb'aan naq li K'ajolb'ej xk'ulunk chi xsik'b'al ut chi xkolb'al li b'arwan sachenaq.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Juan 12:47

Wi ani na'ab'ink reheb' li waatin ut ink'a' naxk'uulaheb' sa' xch'ool, moko laa'in ta ninraqok aatin sa' xb'een: xb'aan naq ink'a' xinchalk chi raqok aatin sa' xb'een li ruuchich'och', xinchalk b'an chi xkolb'al li ruuchich'och'.

San Juan 6:33

Xb'aan naq li xwa li Yos a'an li nakub'e chaq sa' choxa ut naxk'e xyu'am li ruuchich'och'.

San Juan 3:17

Xb'aan naq li Yos ink'a' kixtaqla chaq li Ralal sa' ruuchich'och' chi raqok aatin sa' xb'een li ruuchich'och', re b'an naq chikole'q li ruuchich'och' sa' xk'ab'a' a'an.

1 Timoteo 1:15

Li aatin a'in tz'aqal yaal ut paab'ajel cho'q re chixjunileb': naq li Kristo Jesus kik'ulunk sa' ruuchich'och' re xkolb'aleb' laj maak; ut laa'in li xb'een sa' xyanqeb'.

San Juan 10:1

Toja' naq li Jesus kixye reheb': —Relik chi yaal ninye eere: ani ink'a' nanume'k sa' li rokeb'aal li xkoraleb' li karneer, sa' jalan b'an chik na'ajej nataqe'k ut napisk'ok chisa', a'an aj elq' ut aj kamsinel.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Hebreos 7:25

Chi jo'kan naru ajwi' tixkoleb' chi tz'aqal re ru eb' li neke'jilok chi xk'atq li Yos sa' li xk'ab'a', xb'aan naq yo'yo chi junelik re aatinak chirixeb'.

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

2 Pedro 1:11

Chi jo'kan taateliiq cheru li okeb'aal sa' li xnimal ut junelik x'awab'ejihom li Jesukriist, a' li Qaawa' ut aj Kolol qe.

Hebreos 6:17

Li Yos kiraj xk'utb'al chi tz'aqal yaal chiruheb' li te'eechaninq re li xyeechi'om, naq ink'a' taach'inanq xch'ool chirix li k'aru kixk'uub' chaq. Jo'kan naq ki'aatinak rik'in jurament,

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Romanos 2:21

Chakuy inmaak, k'a'ut naq nakatzoleb' li jalan chik ut ink'a' nakatzol aawib' laa'at? Nakach'olob' xyaalal naq ink'a' us li elq'ak, ab'anan nakat-elq'ak ajwi' laa'at.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

San Mateo 18:10

“Chek'ehaq reetal, meetz'eqtaana junaq reheb' li kok' a'in, xb'aan naq ninye eere naq eb' li x'ánjel sa' choxa junelik neke'ril ru linchoxahil Yuwa'.

San Marcos 11:17

Naxtzoleb' ut naxye reheb': —Ma ink'a' tab'i' tz'iib'anb'il sa' li Santil Hu naq li wochoch tixk'ab'a'in rochochil li tijok cho'q re chixjunileb' li tenamit? Ut laa'ex xek'e cho'q xna'ajeb' laj elq'!

San Juan 12:6

Kixye a'in moko xb'aan ta naq naxraheb' li neb'a', rik'in b'an naq aj elq': rik'in wank li k'uuleb'aal tumin, ut narelq'a jo'nimal li nak'eemank chisa'.

San Mateo 21:13

Ut kixye reheb': —Tz'iib'anb'il sa' li Santil Hu naq li wochoch rochochil li tijok tixk'ab'a'in; ut laa'ex yookex chi xk'eeb'al cho'q xna'ajeb' laj elq'.

San Juan 5:40

a'ut laa'ex ink'a' nekeraj chalk wik'in re taawanq eeyu'am.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.