Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




San Juan 1:51 - Q'eqchi Bible

51 Ut kixye wi' chik re: —Relik chi yaal ninye eere: teeril li choxa chi teetooq ut eb' li x'ánjel li Yos yooqeb' chi taqe'k ut chi kub'eek sa' xb'een li K'ajolb'ej.

အခန်းကိုကြည့်ပါ။ ကော်ပီ

Li Santil hu

51 Ut quixye ajcuiꞌ reheb: —Relic chi ya̱l tinye e̱re nak te̱ril li choxa chi teto. Ut eb lix ángel li Dios yo̱keb chi takecꞌ ut yo̱keb chi cubec cuanquin cuiꞌ la̱in li Cꞌajolbej, chan li Jesús reheb.

အခန်းကိုကြည့်ပါ။ ကော်ပီ




San Juan 1:51
55 ပူးပေါင်းရင်းမြစ်များ  

Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.


ut kixye: —Yookin chi rilb'al li choxa teeto ut li K'ajolb'ej xaqxo sa' xnim uq' li Yos.


Toja' naq jun li ánjel kichalk chaq sa' choxa ut kixk'ut rib' chiru li Jesus, yo chi xk'eeb'al xkawub' xch'ool.


Xaqaamileb' chi xk'atq li ánjel naab'aleb' chik ánjel li wankeb' sa' choxa, yookeb' chi xnimankil ru li Yos chi jo'ka'in:


Kixye li Jesus: —Hehe', laa'inin, ut teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.


Naq yo chi elk li Jesus sa' li ha', kiril li choxa yo chi tehonk ut li Musiq'ej kama' junaq mukuy yo chaq chi kub'eek sa' xb'een.


Ut naq ak xkub'siik xha' li Jesus, ki'elk chaq chi junpaat sa' li ha'; toja' naq kitehonk li choxa ut kiril li xMusiq' li Yos yo chaq chi kub'eek sa' xb'een kama' junaq mukuy.


Ak oob' kutan xtiklajik li xka po re li lajeeb' xka'k'aal chihab', naq wankin chaq chire li nima' Kebar, sa' xyanqeb' li ke'k'ame'k aran Babilonia, kitehonk li choxa chiwu ut kiwil ru li Yos sa' moy u.


Kiril li choxa teeto ut chanchan jun nimla t'ikr b'ak'b'o sa' xkaaxukuutil, yo chaq chi kub'eek sa' ch'och'.


Naq chixjunil li tenamit yookeb' chi kub'siik xha', kikub'eek ajwi' xha' li Jesus. Ut naq yo chi tijok aran, kitehonk li choxa:


Toja' naq kikanab'aak xb'aan laj tza, ut sa' li honal a'an wankeb' ánjel ke'wulak rik'in ut ke'xtikib' k'anjelak chiru.


Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.


Moqon chik kiwil sa' moy u jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.


ab'an laa'ex li rahob'tesinb'ilex texk'ehe'q chi hilank qochb'een naq li Qaawa' Jesus tixk'ut rib'. A'an taak'ulunq sa' choxa rochb'eenaqeb' li x'ánjel li wankeb' xwankil,


Ut jun li x'ánjel li Qaawa' kixk'ut rib' chiruheb', ut li xnimajwal loq'al li Qaawa' kixsuteb' sa' li xsaqenk: k'ajo' naq ke'xiwak.


Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?


Relik chi yaal naq q'axal nim li qaloq'laj paab'aal li k'utb'esinb'il chiqu: A'an kixk'utb'esi rib' sa' li qach'och'el qasululel, kixaqab'aak xwankil sa' li Musiq'ej, ki'ile'k xb'aaneb' li ánjel, kipuktesiik resil reheb' li tenamit, kipaab'aak sa' li ruuchich'och' ut kik'ame'k taqe'q sa' xnimal xloq'al.


Toja' naq li Jesus kixye reheb': —Relik chi yaal ninye eere: ani ink'a' nanume'k sa' li rokeb'aal li xkoraleb' li karneer, sa' jalan b'an chik na'ajej nataqe'k ut napisk'ok chisa', a'an aj elq' ut aj kamsinel.


Chalen ut anaqwan li K'ajolb'ej taak'ojlaaq sa' xnim uq' li Nimajwal Yos.


“Naq taak'ulunq chaq li K'ajolb'ej sa' li xnimal xloq'al rochb'eenaqeb' chaq chixjunileb' li x'ánjel, toja' naq taak'ojlaaq sa' li xloq'laj k'ojarib'aal.


Chirixeb' ajwi' a'in ak ki'aatinak chaq cho'q propeet laj Enok, li xwuq winq chirix laj Adán: “K'ehomaq reetal -chan-, kol'elq li Qaawa' rochb'eeneb' li xk'iila o'q'ob' chi santil ánjel.


Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.


Relik chi yaal ninye eere: ani napaab'ank we, a'an ajwi' tixb'aanu li xninqal b'aanuhom li ninb'aanu laa'in, ut q'axal ninqeb' chik chiruheb' a'in tixb'aanu, xb'aan naq xik we rik'in li Yuwa'b'ej.


Relik chi yaal ninye eere: ani wank xpaab'aal, wank xyu'am chi junelik.


Yookeb' chi xk'oxlankil a'in chi sachsookeb' xch'ool naq xaqaamileb' chiruheb' wiib' li winq, nalemtz'unk ru li raq'eb'.


Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.


Relik chi yaal ninye aawe: naq toj saajat chaq, nakab'ak' aasa' aajunes ut nakatb'eek b'ar nakawaj xik. Ab'an naq tattixq, taaye' laawuq' ut jalan chik taab'ak'oq aasa' ut tatxk'am b'arwi' ink'a' taawaj xik.


Relik chi yaal ninye eere: wi junaq naxk'uula li waatin, ink'a' taaril li kamk chi junajwa.


Li Jesus kixchaq'b'eheb' ut kixye: —Relik chi yaal ninye eere: moko a' ta laj Moisés kik'ehok eere li choxahil wa; a' b'an linYuwa' nak'ehok eere li tz'aqal choxahil wa.


Kichaq'ok li Jesus ut kixye: —Relik chi yaal ninye aawe: ani ink'a' taayo'laaq rik'in ha' ut Musiq'ej moko truuq ta taa'ok sa' li xnimajwal awab'ejihom li Yos.


Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.


Relik chi yaal ninye eere: laj k'anjel moko nim ta xwankil chiru laj eechal re, chi moko li taql nim xwankil chiru li xtaqlank chaq re.


Jo'kan naq li Jesus ki'aatinak wi' chik rik'ineb': —Relik chi yaal ninye eere: laa'in li rokeb'aaleb' li karneer.


Kixye li Jesus reheb': —Relik chi yaal ninye eere: wi ink'a' neketzeka li xtz'ejwal li K'ajolb'ej, wi ink'a' nekeruk' li xkik'el, maak'a'aq yu'am eerik'in.


ut kixk'e xwankil chi raqok aatin xb'aan naq a'an li K'ajolb'ej.


Kixye ut li Jesus reheb': “Relik chi yaal ninye eere: li K'ajolb'ej maak'a' naru tixb'aanu xjunes rib'; ka'ajwi' li naril chi xb'aanunkil li Yuwa'b'ej, a'an li naxb'aanu li K'ajolb'ej. Li naxb'aanu li Yuwa'b'ej, a'an ajwi' naxb'aanu li K'ajolb'ej.


Kichaq'ok li Jesus ut kixye re: —Relik chi yaal ninye aawe: maa'ani truuq chi rilb'al li xnimajwal awab'ejihom li Yos wi ink'a' ta taayo'laaq wi' chik.


Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Waklin, xok laach'aat ut ayu sa' laawochoch.


Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.


Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.


“Sa' li kutan a'an maak'a' teetz'aama chiwu. Relik chi yaal ninye eere: li k'aru teetz'aama chiru li Yuwa'b'ej, tixk'e eere sa' ink'ab'a'.


Kichaq'ok li Jesus ut kixye: —Ma taaq'axtesi laayu'am sa' ink'ab'a'? Relik chi yaal ninye aawe: toj maji'aq nayaab'ak li tzo' kaxlan, akaq xaye ox sut naq ink'a' nakanaw wu.


Kixye li Jesus reheb': —Relik chi yaal ninye eere: toj maji'aq nayo'laak laj Abrahán, ak Laa'inin chaq.


Li Jesus kixsumeheb' ut kixye: —Relik chi yaal ninye eere: yalaq ani nab'aanunk re li maak, a'an eechaninb'il naq wank.


Li Jesus kixsumeheb' ut kixye: —Relik chi yaal ninye eere: nikineesik' moko rik'in ta naq xerilatqeb' li xninqal ru eetalil, rik'in b'an naq xexwa'ak ut xexnujak.


Kichaq'ok li Jesus ut kixye: —Ma yal xb'aan naq xinye aawe: «Xatwil rub'el xche'el li iig», nakapaab'? Toj taawil chik xkomon xninqal ru na'leb' chiruheb' a'in.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ