San Juan 1:41 - Q'eqchi Bible

⁴¹ A'an koxtaw xb'enwa laj Simón li ras, ut kixye re: —Xqataw li Mesiiy (chi jalb'il ru naraj naxye: li Kriist).

Li Santil hu

⁴¹ Nak ac x-a̱tinac riqꞌuin li Jesús, ticto co̱ laj Andrés riqꞌuin laj Simón ut quixye re: —Anakcuan xkatau li Mesías, chan. (Chi jalbil ru naraj naxye “li Cristo li taklanbil chak xban li Dios”.)

San Juan 1:41 ပူးပေါင်းရင်းမြစ်များ

San Juan 4:25

Kixye li ixq re: —Ninnaw naq tol'elq li Mesiiy, a' li Kriist neke'xye re; ut naq taachalq a'an, tixk'ut chiqu chixjunil.

San Juan 1:45

Laj Felipe koxtaw laj Natanael ut kixye re: —Xqataw li tz'iib'anb'il chaq resil sa' li Chaq'rab' xb'aan laj Moisés, jo'wi' xb'aaneb' li propeet: a' li Jesus, ralal laj José, a' laj Nazaret.

Salmos 89:20

Najter q'e kutan xat-aatinak sa' moy u ut xaye reheb' laj paab'anel: “Xinsik' ru jun li winq q'axal kaw rib' ut xinterq'usi xk'ab'a' sa' xyanq lintenamit.

Hechos 10:38

yookin chi xyeeb'al chirix li Jesus aj Nazaret li kiyule'k xb'aan li Yos rik'in Santil Musiq'ej ut xwankil, ut kinume'k yalaq b'ar, yo chi rusilankil ut xk'irtasinkil jo'k'ihaleb' li wankeb' rub'el xwankil laj tza, xb'aan naq li Yos wank rik'in.

San Lucas 2:38

Sa' ajwi' li honal a'an kiwulak aran ut ki'ok chi xnimankil ru li Yos ut chi aatinak chirix li k'uula'al rik'in chixjunileb' li yookeb' chi royb'eninkil li xkolb'al li tenamit Jerusalén.

San Lucas 2:17

Naq ke'ril, ke'xseeraq'i li k'aru yeeb'il reheb' chirix li k'uula'al a'an;

Hechos 4:27

“Xb'aan naq relik chi yaal, sa' li tenamit a'in, laj Herodes ut laj Poncio Pilaat, rochb'eeneb' laj Israel jo'keb' ajwi' li jalaneb' xpaab'aal, xe'xk'am rib' sa' aatin chi xxikb'al rilb'al li Jesus, laasantil moos sik'b'il ru aab'aan cho'q Kriist.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 11:2

Ut rik'in a'an taawanq li xmusiq' li Qaawa': a' li musiq'ej nak'ehok choxahil na'leb' ut seeb'al ch'oolej, nak'ehok chaab'il k'a'uxl ut kawil ch'oolej, musiq'ej re xnawb'al ut roxloq'inkil li Yos.

Salmos 45:7

Laa'awab'ejihom k'ojk'o chi junelik, kama' li x'awab'ejihom li Yos; junelik sa' tiikilal nakat-awab'ejink.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

2 Reyes 7:9

Toja' naq ke'xye chirib'ileb' rib': “Moko us ta li yooko chi xb'aanunkil. Anaqwan xkutankil li sahil ch'oolej ut laa'o maak'a' naqaye. Wi naqoyb'eni naq toj tsaqewq, taateneb'aaq maak sa' qab'een. Yo'qeb' b'i' chi xyeeb'al li esil a'in sa' rochoch li awab'ej”.

1 Juan 1:3

a' li qilom ut qab'ihom, a'an naqaye resil eere, re naq laa'ex ajwi' wanqex sa' komonil qik'in. Ut laa'o wanko sa' komonil rik'in li Yuwa'b'ej ut li Ralal, a' li Jesukriist.

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).