San Juan 1:4 - Q'eqchi Bible

⁴ Rik'in wan chaq li yu'am ut li yu'am a'an chaq li xsaqenkeb' li poyanam;

Li Santil hu

⁴ Li Cristo, aꞌan li naqꞌuehoc junelic yuꞌam. Ut li yuꞌam li naxqꞌue naxcutanobresi lix cꞌaꞌuxeb li cristian.

San Juan 1:4 ပူးပေါင်းရင်းမြစ်များ

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

San Juan 12:46

Laa'in li saqenk ut xinchalk sa' ruuchich'och' re naq chixjunil li taapaab'anq we, ink'a' tkanaaq sa' li aak'ab'.

San Juan 5:26

Jo' naq li Yuwa'b'ej wank xyu'am xjunes rib', kixk'e ajwi' re li K'ajolb'ej naq wank xyu'am xjunes rib',

San Juan 9:5

Naq toj wanqin sa' li ruuchich'och', laa'in xsaqenk li ruuchich'och'.

San Juan 11:25

Kixye li Jesus re: —Laa'in li wakliik wi' chik chi yo'yo ut li yu'am. Ani napaab'ank we, us ta taakamq, taawanq xyu'am,

1 Juan 5:11

Ut a'an a'in li xch'olob'ahom li Yos: naq xk'e qe li junelik yu'am ut li yu'am a'in wank rik'in li Ralal.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 12:35

Kixye li Jesus reheb': —Toj jun k'amok chik taawanq li saqenk sa' eeyanq. Chexb'eeq naq toj wanq eesaqenk, re naq ink'a' tolexxtaw li aak'ab': ani nab'eek sa' li aak'ab', ink'a' naxnaw b'ar yo chi xik.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Colosenses 3:4

Naq tixk'ut rib' li Kriist qayu'am, toja' naq laa'ex ajwi' eerochb'een a'an texk'utunq chaq sa' li xloq'al.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Hechos 26:23

naraj naxye naq tento li Kriist tixk'ul rahilal ut a'anaq xb'een chi wakliik chi yo'yo sa' xyanqeb' li kamenaq, toja' naq tixye resil li saqenk re li xtenamit ut reheb' li junch'ol chik”.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

1 Juan 1:2

xb'aan naq kixk'ut rib' li yu'am: laa'o qilom ut nokoo'aatinak chirix, ut naqaye resil eere li junelik yu'am li kiwank chaq rik'in li Yuwa'b'ej ut kixk'ut rib' chiqu--,

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

1 Corintios 15:45

Jo'ka'in tz'iib'anb'il sa' li Santil Hu: “Laj Adán, li xb'een winq, kiwinqob'resiik chi wank xyu'am”; ut li xkab' Adán, li kichalk sa' roso'jik, a'an musiq'ej aj k'ehol yu'am.

Apocalipsis 22:1

Chirix chik a'an li ánjel kixk'ut chiwu li xnima'ul li yu'amha', nalemtz'unk jo' li krixtal, na'elk chaq sa' li xnimaqwal k'ojarib'aal li Yos ut li Karneer.

Salmos 49:6

K'a'ut naq tinxiwaq sa' xq'ehil li rahilal, naq sutsuuqin xb'aaneb' li ink'a' useb' xna'leb',

San Juan 3:19

Ut a'an a'in li raqb'a aatin: xk'ulunk li saqenk sa' ruuchich'och' ut eb' li winq a' chik li aak'ab' xe'xra chiru li saqenk, xb'aan naq ink'a' useb' li xb'aanuhom.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,