San Juan 1:18 - Q'eqchi Bible

¹⁸ Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

Li Santil hu

¹⁸ Ma̱ ani qui-iloc ru li Dios. Caꞌaj cuiꞌ li Dios Cꞌajolbej, aꞌan tzꞌakal li cuan chi sum a̱tin riqꞌuin li Dios Acuabej. Ut aꞌan li quicꞌutbesin chiku chanru li Dios.

San Juan 1:18 ပူးပေါင်းရင်းမြစ်များ

Colosenses 1:15

Li Kriist a'an li xjalam u li Yos li ink'a' na'ilmank ru. A'an li yo'lajenaq xb'enwa chiru chixjunil li yoob'tesinb'il,

San Juan 6:46

“Maa'ani rilom ru li Yuwa'b'ej; ka'ajwi' Li nachalk rik'in li Yos, a'an rilom ru li Yuwa'b'ej.

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

San Lucas 10:22

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

1 Juan 4:12

Li Yos maajun sut ki'ile'k ru xb'aan anihaq. Wi laa'o naqara qib' chiqib'il qib', li Yos wank qik'in chi junelik ut li xrahom tz'aqal re ru qik'in.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

1 Juan 4:9

A'in kik'utunk wi' qik'in li qaraab'al xb'aan li Yos: naq li Yos kixtaqla chaq li Ralal jun chirib'il sa' ruuchich'och' re naq wanq qayu'am sa' xk'ab'a' A'an.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

San Juan 17:6

“Xink'ut anihat laa'at chiruheb' li winq li xawisiheb' sa' ruuchich'och' ut xak'eheb' we. Aaweheb' naq xe'wank ut xak'eheb' we, ut xe'xk'uula laawaatin sa' xch'ooleb'.

San Juan 14:9

Kixye li Jesus re: —Ak junxil nin'ok sa' eeyanq, a Felipe. Ma toj maji' nakanaw wu? Li x'ilok wu, xril ru li Yuwa'b'ej. K'a' put naq nakaye laa'at: «K'ut chiqu li Yuwa'b'ej»?

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Deuteronomio 4:12

Aran li Qaawa' kexraatina chaq toj sa' xyi li xam. Laa'ex kerab'i xyaab' li raatin, ab'an maak'a' keril, ka'ajwi' xyaab' kuxej kerab'i.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

San Juan 12:41

A'in kixye laj Isaías xb'aan naq kiril li xnimal xloq'al ut ki'aatinak chirix.

1 Timoteo 1:17

Li Rey li wank xwankil chi junelik q'e kutan, a' li Yos li ink'a' nakamk, ink'a' ilb'il ru ut jun chirib'il, chinimaaq xloq'al ut loq'oninb'ilaq taxaq junq'e junq'e kutan. Jo'kan taxaq.

Éxodo 23:21

Wanqat sa' xyaalal chiru ut chawab'i xyaab' xkux. Maaq'et li raatin: a'an ink'a' tixkuy eemaak xb'aan naq wankin rik'in.

Génesis 16:13

Toja' naq lix Agar kixk'e “laa'at li Yos li na'ilok we” cho'q xk'ab'a' li Yos ki'aatinank re, xb'aan naq kixye sa' xch'ool: “Arin xwil ru li na'ilok we”.

Josué 5:13

Naq laj Josué nach' chik wank rik'in Jerikó, kiril jun li winq xaqxo chiru, wank xch'iich' maak'a' rochoch sa' ruq'. Laj Josué kinach'ok rik'in ut kixye re: “Ma qakomonat laa'at malaj xkomoneb' li xik' neke'ilok qe?”, chan re.

Lamentaciones 2:12

Neke'xye eb' li kok'al reheb' li xna'eb': “Maak'a' chik qawa quk'a'”, chankeb'; ut neke't'anje'k sa' b'e chi neke'lub'ubnak, ut sa' ruq'eb' li xna'eb' na'elk xch'ooleb'.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

Proverbios 8:30

ak wankin chaq aran chi xk'atq li Qaawa' cho'q aj k'ehol xna'leb'. Laa'in nink'ehok chaq xsahil xch'ool rajlal kutan, junelik ninb'atz'unk chiru

Génesis 18:33

Naq kiraqe'k chi aatinak rik'in laj Abrahán, li Qaawa' ki'elk aran ut laj Abrahán kisutq'iik sa' rochoch.

San Juan 13:23

Jun reheb' li xtzolom, a' li q'axal raaro xb'aan li Jesus, wank chi xk'atq sa' meex.

Éxodo 24:10

Aran ke'ril ru li xYos laj Israel: rub'el roq li Qaawa' wank chanchan neb'aal tz'akanb'il rik'in safiro, saqen saqenk kama' xraxal li choxa.

San Juan 3:11

Relik chi yaal ninye aawe: laa'o nokoo'aatinak chirix li k'aru naqanaw, ut naqanumsi resil li tz'aqal qilom; a'ut laa'ex ink'a' nekek'ulub'a li qaatin.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.