Josué 9:11 - Q'eqchi Bible

¹¹ Jo'kan naq eb' li qacheekal winqul ut chixjunileb' li wankeb' sa' li qatenamit xe'xye qe: «Xokomaq li tzekemq taak'anjelaq eere re leeb'eenik. Ayuqex chi xk'ulb'aleb' ut yehomaq reheb': Laa'o eemoos», chankeb'. K'ehomaq b'i' eerib' sa' sumwank qik'in.

Li Santil hu

¹¹ Joꞌcan nak eb li nequeꞌcꞌamoc be saꞌ kaya̱nk ut eb li kech tenamitil xeꞌxye ke: “Cꞌamomak le̱ tzacae̱mk ut ayukex riqꞌuineb laj Israel. Ut te̱ye reheb nak la̱o tocꞌanjelak chiruheb. Ut te̱ye ajcuiꞌ reheb nak la̱o takaj xba̱nunquil junak contrato riqꞌuineb.”

Josué 9:11 ပူးပေါင်းရင်းမြစ်များ

Ester 8:17

sa' chixjunileb' li tenamit ut li teep kiwulak wi' li esil a'in, k'ajo' naq ke'saho'k xch'ooleb' laj Judiiy ut ke'xninq'ehi rik'in tzekank. Ut naab'aleb' winq sa'eb' li tenamit a'an ke'xk'ul li sirkunsisyon ut ke'kanaak cho'q aj Judiiy xmaak xxiweb' chiruheb' laj Judiiy.

Josué 9:8

Ab'an eb' a'an ke'xye re laj Josué: “Laa'o aamoos”. Ut laj Josué kixpatz' reheb': “Anihex ut b'ar xexchalk chaq?”.

San Lucas 9:3

Kixye reheb': —Maak'a' teek'am re leeb'e: chi moko eexuq', chi moko eechampa, chi moko eewa, chi moko plaat, chi moko ka'kab'aq leeraq'.

Josué 1:11

“Numenqex sa' chixjunil li xmuheb'aaleb' li tenamit ut yehomaq reheb' naq te'xkawresi rib' ut te'xk'uub' xtzekemqeb', xb'aan naq sa' oxib' kutan toonume'q junpak'al li nima' Jordán ut toxqeechani li ch'och' tixk'e qe li Qaawa' li qaYos”, chan.

Génesis 43:12

Teek'am ajwi' cherix ka' wa chik xk'ihal li tumin: chi jo'kan teeq'ajsi rik'in eeruq' li tumin li xchalk sa' leesaak. Mare anchal yal xe'sachk sa' xch'ool.

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Josué 9:12

Li wa a'in tiq naq xqak'uub' chaq sa' li qochoch, sa' li kutan koo'elk wi' chaq chek'ulb'al. Ut anaqwan kaw ut kok' much' aj chik.

2 Reyes 10:5

Toja' naq laj ilol kab'l, laj jolominel re li tenamit, eb' li cheekel winq ut eb' laj ilol reheb' li ralal li awab'ej ke'xtaqla xyeeb'al re laj Jehú: “Laa'o aj k'anjel chawu ut tqab'aanu li k'aru taaye qe. Ink'a' tooxaqab'ank awab'ej. B'aanu li k'aru us cho'q aawe”.