Josué 9:1 - Q'eqchi Bible

¹ Ke'rab'i resil a'in chixjunileb' li awab'ej li wankeb' arin chaq re li nima' Jordán, sa' rokeb'l saq'e, sa' k'iche' jo' wi' sa'eb' li taq'ahil ch'och', chire li Nimla Palaw toj sa' xsutam Líbano.

Li Santil hu

¹ Eb li rey li cuanqueb jun pacꞌal li nimaꞌ Jordán saꞌ li oeste queꞌrabi resil li cꞌaꞌru queꞌxba̱nu laj Israel. Eb li rey aꞌan cuanqueb saꞌ eb li naꞌajej li tzu̱l ru ut li ru takꞌa ut cuanqueb ajcuiꞌ chire li Palau Mediterráneo chiru li naꞌajej Líbano. Aꞌaneb laj heteo, eb laj amorreo, eb laj cananeo, eb laj ferezeo, eb laj heveo ut eb laj jebuseo.

Josué 9:1 ပူးပေါင်းရင်းမြစ်များ

Números 34:6

“Leenub'ajlil sa' xjayal rokeb'l saq'e a'an toj chire li Nimla Palaw. A'anaq leenub'ajlil sa' xjayal rokeb'l saq'e.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Josué 24:11

“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.

Josué 23:4

Chek'e reetal, xink'e eere chi b'uulinb'il chixjunileb' li na'ajej a'in chereechani. Moko ka'aj ta wi' eb' li tenamit li ak xqeechani, xink'e aj b'an wi' eere eb' li tenamit maji' xqachap, chalen chaq wan wi' li nima' Jordán toj sa' li Nimla Palaw, sa' xjayal rokeb'l saq'e.

Josué 22:7

Laj Moisés ak xk'ehom xna'aj li xyiijachil xteepal laj Manasés aran Basán. Ut li yiijach jun chik ak k'eeb'il xna'ajeb' xb'aan laj Josué sa' xyanqeb' li ras riitz'in, sa' xjayal rokeb'l saq'e re li nima' Jordán. Eb' a'an ajwi' ke'osob'tesiik xb'aan laj Josué naq ke'taqlaak sa' li xmuheb'aaleb'.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Josué 15:12

Li nub'ajl sa' rokeb'l saq'e a'an li Nimla Palaw. A'an a'in li xnub'ajl li xch'och'eb' li ralal xk'ajol laj Judá, chi ch'uutal.

Josué 13:5

Toj wank ajwi' li xna'ajeb' laj Kibl, rochb'een chixjunil Líbano sa' xjayal releb'l saq'e, chalen Bahal Gad, chi xtoonal li tzuul Hermón, toj wan wi' li rokeb'aal Jamat.

Josué 11:17

Chalen chaq sa' li T'ojochil Tzuul li wank sa' xb'een Seír, toj Bahal-Gad sa' xtaq'ahil Líbano, sa' xtoon li tzuul Hermón, kixchap chixjunileb' li awab'ej ut kixkamsiheb'.

Josué 10:23

Ut jo'kan ke'xb'aanu: ke'risi chaq li oob' chi awab'ej, a' li awab'ej re Jerusalén, li awab'ej re Hebrón, li awab'ej re Yarmut, li awab'ej re Lakix ut li awab'ej re Eklón.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Josué 3:17

Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Josué 1:15

toj reetal li Qaawa' tixk'eheb' chi hilank eerochb'eeneb'. Ut akaq xe'reechani li xna'ajeb', texsutq'iiq wi' chik sa' leena'aj k'eeb'il eere xb'aan laj Moisés aj k'anjel chiru li Qaawa', sa' releb'l saq'e, chire li nima' Jordán”, chan laj Josué.

Josué 1:4

Eerehaq chixjunil li na'ajej chalen chaq sa' li chaqich'och' ut Líbano, toj wan wi' li nimla nima' Éwfrates, chixjunil li xch'och'eb' laj Hit toj sa' li Nimla Palaw li wank sa' rokeb'l saq'e.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Deuteronomio 4:49

rik'in chixjunil Arabá li wank sa' xjayal releb'l saq'e junpak'al li nima' Jordán, toj chire li palaw re Arabá, sa' xtoon li tzuul Piská.

Deuteronomio 3:25

B'aanu usilal, kanab'in chi nume'k re rilb'al li chaab'il ch'och' li wank junpak'al li nima' Jordán, li chaab'il tzuul a'an jo' ajwi' Líbano», chankin.

Éxodo 34:11

“K'e reetal li k'aru tatintaqla wi' anaqwan. Twisiheb' chawu laj Amor, laj Kanahán, laj Hit, laj Perés, laj Jib ut laj Jebús.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Josué 6:27

Li Qaawa' kixtenq'a laj Josué, ut yalaq b'ar kiwulak resil li k'aru kixb'aanu.

Josué 9:7

Ke'chaq'ok eb' laj Israel ut ke'xye reheb' laj Jib: “Mare anchal nach' arin wankex. Chanru naq tqab'aanu junaq sumwank eerik'in laa'ex?”, chankeb'.

Deuteronomio 1:7

Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.

2 Samuel 24:7

Moqon chik ke'wulak sa' li kawub'resinb'il na'ajej re Tiro ut sa' chixjunileb' li tenamit reheb' laj Jib ut reheb' laj Kanahán, toj reetal ke'elk aran ut koheb' sa' xjayal Berseba, xteepal Nejeb re Judá.