Josué 8:4 - Q'eqchi Bible

⁴ ut kixchaq'rab'iheb' chi jo'ka'in: “K'ehomaq reetal! Texxik chirix li tenamit ut wanqex aran chi muqmu re xramb'al li tenamit; ab'an miq'axalexnajto'k rik'in ut aj'ajaq eeru chejunilex.

Li Santil hu

⁴ Ut quixye reheb: —Abihomak chi us. La̱ex texxic chirix li tenamit ut te̱muk e̱rib nachꞌ riqꞌuin li tenamit. Acak yo̱kex chi oybeni̱nc jokꞌe tex-oc chi pletic.

Josué 8:4 ပူးပေါင်းရင်းမြစ်များ

Jueces 20:29

Toja' naq wankeb' winq aj Israel ke'xmuq rib' chi xsutam Kibehá,

Hechos 23:21

Ab'anan laa'at maapaab'eb', xb'aan naq numenaq ka'k'aal chi winq sa' xyanqeb' a'an te'raj xra'lenkil: xe'xye rik'in jurament naq ink'a' te'wa'aq te'uk'aq toj reetal te'xkamsi laj Pablo. Ut anaqwan yo'oon wankeb'; ka'ajwi' neke'royb'eni laawaatin.

Eclesiastés 9:16

Naq xink'e reetal a'in, xinye sa' inch'ool: “Jwal us li chaab'il na'leb' chiru li metz'ew, us ta tz'eqtaananb'il li xchaab'il na'leb' li neb'a' ut ink'a' na'ab'imank li raatin”.

Eclesiastés 7:19

Li chaab'il na'leb' q'axal chik naxk'e xkawilal li ani wank xna'leb' chiru lajeeb' chi winq li wankeb' xwankil sa' li tenamit.

1 Samuel 15:5

Chirix chik a'an koho toj sa' xtenamiteb' laj Amalek, koxmuq rib' sa' li taq'a

1 Samuel 15:2

A'in naxye li Nimajwal Yos: «Ak xink'uub' xrahob'tesinkileb' laj Amalek jo' reeqaj li ke'xb'aanu reheb' laj Israel: eb' a'an ke'xram xb'e lintenamit naq yookeb' chaq chi taqe'k Ejiipt.

Jueces 20:36

Toja' naq eb' laj Benjamín ke'xk'e reetal naq q'axb'ileb' ru. Ke'xtaw ru naq eb' laj Israel ke'xkanab'eb' chi chalk xb'aan naq k'ojk'ookeb' xch'ool rik'ineb' li muqmuukeb' chi xsutam Kibehá.

Jueces 20:33

Sa' junpaat chixjunileb' laj Israel ke'elk chaq sa' li xna'ajeb', ke'xtzolob' rib' aran Bahal-Tamar, ut eb' li wankeb' chi muqmu ke'elk chaq sa' li xna'ajeb', sa' xjayal rokeb'l saq'e re Kibehá.

Jueces 9:25

Jo'kan naq eb' li xjolomileb' laj Sikem ke'xk'uub' xra'lenkil laj Abimélek sa' xb'eeneb' li tzuul ut ke'relq'a chixjunil li k'aru wank reheb' li neke'nume'k aran. Ut kiyehe'k resil re laj Abimélek.

Josué 8:16

Jo'k'ihaleb' li wankeb' sa' li tenamit chajchookeb' re, naq ke'elk chaq chi raanilasinkileb'; ab'anan naq koheb' chirix laj Josué, ke'najto'k rik'in li tenamit.

Josué 8:3

Laj Josué ut chixjunileb' laj puub' ke'xkawresi rib' chi yalok rik'ineb' laj Ay. Laj Josué kixsik' ru lajeeb' xka'k'aal mil chi aj puub' li kaweb' rib', kixtaqlaheb' chi q'oqyink

2 Reyes 7:12

Toja' naq kiwakliik li awab'ej chiru li q'oqyink ut kixye reheb' li xjolomileb' laj puub': “Tinch'olob' cheru li k'aru te'raj xb'aanunkil qe eb' laj Aram. Neke'xnaw naq kamk qe xb'aan li we'ej. Jo'kan naq xe'elk sa' li xmuheb'aaleb' ut xe'xmuq rib' sa' pim, yookeb' chi xk'oxlankil: «Naq too'elq laa'o sa' li tenamit, tqachapeb' chi yo'yo ut too'ok sa' li xtenamiteb'»”.

2 Crónicas 13:13

Ab'anan laj Jerobohán kixtaqlaheb' aj puub' re xsutb'al rixeb' laj Judá, re naq ramrooqeb' chaq chi ixb'ej ut laj Jerobohán wanq chiruheb'.

Jueces 9:32

Jo'kan utan, waklin chaq chi q'oqyink, laa'at ut eb' li poyanam aawochb'een, ut muqumaq eerib' chire li tenamit.