Josué 8:20 - Q'eqchi Bible

²⁰ Eb' laj Ay ke'ilok chirixeb' ut ke'ril li xsib'el li tenamit yo chi taqe'k sa' choxa: maab'ar chik ke'ruuk chi elelik, xb'aan naq eb' laj Israel li yookeb' chi xik aj eelel sa' li chaqich'och' ke'sutq'iik chaq sa' xb'eeneb' laj aanilasinel reheb'.

Li Santil hu

²⁰ Ut eb li soldado re li tenamit Hai queꞌiloc chirixeb ut queꞌxqꞌue retal nak lix tenamiteb yo̱ chi cꞌatc. Yo̱ chi takecꞌ lix sibel saꞌ choxa. Ma̱cꞌaꞌ chic quiru queꞌxba̱nu. Ma̱ bar chic quiru queꞌe̱lelic xban nak eb li soldado aj Israel li yo̱queb chi e̱lelic toj saꞌ li chaki chꞌochꞌ, queꞌsukꞌi saꞌ xbe̱neb ut queꞌoc chi pletic riqꞌuineb.

Josué 8:20 ပူးပေါင်းရင်းမြစ်များ

Apocalipsis 19:3

Ut ke'xye jun sut chik: “Aleluya! Li xsib'el laj yumb'eet nataqe'k chi junelik q'e kutan”.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Isaías 34:10

Maajoq'e taachupq chi q'eq ut chi kutan ut junelik yooq chi elk li xsib'el. Nakirirnak taakanaaq li na'ajej chi junajwa ut maajun chik taanume'q aran.

Salmos 76:5

K'ajo' xlemtz'unkil laaloq'al, at Qaawa', q'axal nim laawankil chiruheb' li najteril tzuul.

Li xHu LAJ JOB 11:20

A'ut li ink'a' useb' xna'leb' te'mutz'o'q ut te'oso'q: ka'aj chik li kamk yooqeb' royb'eninkil.

Génesis 19:28

Ki'ilok sa' xjayal Sodoom ut Gomoor ut sa' xjayal li xsutamil li ru taq'a; ut kiril naq nab'uquqnak xsib'el li ch'och' chi taqe'k chanchan xsib'el junaq oorn.

Josué 8:19

Eb' laj puub' li muqmuukeb' chaq chirix li tenamit, naq ke'ril laj Josué xye'b'al li ruq', sa' junpaat ke'elunk chaq sa' li xna'ajeb' ut ke'ok sa' li tenamit sa' aanil: ke'reechani ut ke'xk'e xxamlel sa' junpaat.

Josué 8:21

Naq laj Josué ut chixjunileb' laj Israel ke'ril naq eb' laj puub' li muqmuukeb' chaq ak xe'ok sa' li tenamit ut k'ajo' li sib' yo chaq chi elk aran, ke'xsutq'isi rib' chi yalok rik'ineb' laj Ay.

Jueces 20:38

Ak k'uub'k'u xb'aaneb' laj Israel rik'ineb' li ke'xmuq rib' naq jun li sib' li taataqe'q chaq sa' li tenamit,

Jueces 20:40

Ab'anan sa' li honal a'an ki'ok chi taqe'k sib' sa' chaq li tenamit, ut eb' laj Benjamín, naq ke'ilok chirixeb', ke'ril li xtenamiteb' yo chi k'atk, toj sa' choxa nawulak li xxamlel.

Jueces 20:41

Toja' naq eb' laj Israel ke'xsutq'isi rib', ut eb' laj Benjamín k'ajo' naq ki'ok xxiweb' naq ke'ril li nimla rahilal yo chi chalk sa' xb'eeneb'!