Josué 7:7 - Q'eqchi Bible

⁷ Chirix chik a'an kixye laj Josué: “At inQaawa', k'a' naq xak'e li tenamit a'in chi nume'k junpak'al li nima' Jordán yal re qaq'axtesinkil sa' ruq'eb' laj Amor ut re qasachb'al? Us raj naq xookanaak chaq junpak'al li nima' Jordán!

Li Santil hu

⁷ Laj Josué quixye: —At Ka̱cuaꞌ Dios, ¿cꞌaꞌut nak xoa̱qꞌue chak chi numecꞌ saꞌ li nimaꞌ Jordán yal re nak toa̱kꞌaxtesi saꞌ rukꞌeb laj amorreo re teꞌxsach ku? Kꞌaxal us raj chokꞌ ke nak xocana chak jun pacꞌal li nimaꞌ Jordán.

Josué 7:7 ပူးပေါင်းရင်းမြစ်များ

Hebreos 12:5

Ma ak xsachk sa' eech'ool leetzolb'al? Li Yos na'aatinak eerik'in jo' rik'ineb' alal k'ajolb'ej: “At walal, maatz'eqtaana laatijb'al xb'aan li Qaawa', chi moko chich'inanq aach'ool naq tatq'use'q xb'aan.

2 Reyes 3:10

Toja' naq li awab'ej re Israel kixye: “Chanchan naq li Qaawa' xooxch'utub' li oxib'o chi awab'ej yal re qaq'axtesinkil sa' ruq' laj Mohab!”.

San Mateo 17:20

Kixye reheb': —Xb'aan naq kach'in leepaab'aal. Relik chi yaal ninye eere: wi ta li xnimal leepaab'aal a'an jo' jun t'orol chi mostaas, teeye raj re li tzuul a'in: «Elen arin ut q'axon le'», ut a'an taaq'axonq raj; ut maak'a' raj k'aru ink'a' truuq teeb'aanu.

San Mateo 17:17

Kichaq'ok li Jesus ut kixye: —Ex tenamit tik maak'a' eepaab'aal ut sachenaqex sa' li maak, jo' najtil chik tinwanq eerik'in? Jo' najtil chik texinkuy? K'amomaq chaq arin.

Salmos 116:11

“Junes aj tik'ti' chixjunileb'”, chankin sa' xsachonik linna'leb'.

Números 14:3

K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Éxodo 17:3

Ab'an k'ajo' naq te'chaqiq reheb' li tenamit. Jo'kan naq ke'ok wi' chik chi xwech'inkil laj Moisés: “K'a'ut naq xoohaawisi chaq Ejiipt? Ma re qakamsinkil xb'aan chaqi'eel, laa'o, eb' li qalal qak'ajol ut eb' li qaketomq?”, chankeb'.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Números 14:16

«Li Qaawa' ink'a' xruuk roksinkil li tenamit a'in sa' li ch'och' kixyeechi'i reheb' sa' jurament. Jo'kan naq xkamsiheb' sa' li chaqich'och'», cha'qeb'.

Josué 7:6

Toja' naq laj Josué kixq'ich li raq', kixhupub' rib' chiru li xLoq'laj Kaax li Qaawa' toj ki'ewuuk ut, rochb'eeneb' li cheekel winq, ke'xk'e pojtz' sa' xjolomeb'.

Josué 7:8

Chakuy inmaak, at Qaawa'. K'aru truuq tinye anaqwan, xb'aan naq eb' laj Israel xe'elelik chiruheb' li xik' neke'ilok reheb'?

1 Samuel 4:3

Naq eb' laj puub' ke'sutq'iik chaq sa' li xmuheb'aaleb', li xcheekelaleb' laj Israel ke'xye chi jo'ka'in: “K'a'ut naq li Qaawa' xooxk'e sa' ruq'eb' laj Filistea anaqwan? Yo'qeb' Siló chi xk'amb'al chaq li xLoq'laj Kaaxil li xSumwank li Qaawa', re naq twanq sa' qayanq ut tooxkol chiruheb' li xik' neke'ilok qe”, chankeb'.