Josué 7:5 - Q'eqchi Bible

⁵ Ke'kamsiik tana waqlaju xka'k'aalaq chi winq xb'aaneb' laj Ay, ut eb' li xkomon ke'aanilasiik chirix li tenamit, toj Sebarín, ut ke'sache'k sa' li kub'sink. Jo'kan naq ke'ch'inank xch'ool eb' laj Israel ut ke'ok xxiw.

Li Santil hu

⁵ Queꞌcamsi̱c cuaklaju xcaꞌcꞌa̱l (36) eb laj Israel. Ut eb lix comoneb queꞌe̱lelic. Queꞌxtiquib ra̱linanquileb saꞌ li tenamit Hai. Queꞌcuulac cuan cuiꞌ li cubsi̱nc li nequeꞌisin cuiꞌ pec ut aran queꞌnumta saꞌ xbe̱neb. Joꞌcan nak eb laj Israel queꞌchꞌinan xchꞌo̱l. Incꞌaꞌ chic queꞌcacuu xchꞌo̱leb chi pletic.

Josué 7:5 ပူးပေါင်းရင်းမြစ်များ

Josué 2:11

K'ajo' naq kooxiwak chi rab'inkil a'an, ut chixjunileb' ke'ch'inank xch'ool cheru laa'ex, xb'aan naq li Qaawa' leeYos a'an li xYos chixjunil li choxach'och'.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Levítico 26:36

“Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Nahum 2:10

Nakirirnak, nayamnak ut juk'ulk chixjunil, jo'ka'in naq xkanaak li tenamit Nínive. Neke'lub'je'k xb'aaneb' xxiw, neke'siksotk li roqeb', maak'a' chik xmetz'eweb' li poyanam; ut saqeb' aj chik chixjunileb' xb'aan xiwak.

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Salmos 22:14

jwal k'apk'ookeb' re sa' inb'een, chanchaneb' li kaqkoj neke'xjap re ut neke't'upink.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Deuteronomio 1:44

Chi jo'kan eb' laj Amor, li wankeb' sa' li na'ajej a'an, ke'elk chaq chek'ulb'al, kexraanilasiheb' jo' raj ajwi' ke'xb'aanu li saqk'aw, ut ke'numtaak sa' eeb'een aran Seír toj Jormá.

Salmos 58:7

At inYos, chajoriheb' li ruuch reheb' ut chasach ruheb'; at Qaawa', chatoqi li ruuch reheb' li kok' kaqkoj.