Josué 7:21 - Q'eqchi Bible

²¹ sa' xyanq li k'aru xqachap sa' li tenamit Jerikó xwil jun li ch'ina'usil t'ikr re Senahar, lajeeb'k'aal chi tumin plaat ut numenaq tana jun liib'r chi oor, k'ajo' naq xe'wulak chiwu; ut xink'uulaheb' cho'q we. Muqb'ileb' sa' ch'och' anaqwan, sa' xyi linmuheb'aal, ut chi rub'el wank li tumin plaat”, chan.

Li Santil hu

²¹ Nak xo-oc aran Jericó, xcuil saꞌ xya̱nkeb li cꞌaꞌak re ru jun cha̱bil tꞌicr xcomon li akꞌej li nequeꞌrocsi laj Babilonia. Xcuil ajcuiꞌ cuib ciento chi tumin plata ut numenak na jun libra li oro. La̱in quinra ru. Joꞌcan nak quinxoc chokꞌ cue. Xinbec jun li jul saꞌ li naꞌajej li cuanquin cuiꞌ chi hila̱nc ut aran xinmuk. Xinqꞌue li tumin rubel li tꞌicr, chan laj Acán.

Josué 7:21 ပူးပေါင်းရင်းမြစ်များ

Santiago 1:15

Chirix chik a'an li xrahinkil ru li maa'usilal nasiyank ut narala li maak, ut li maak, naq ak xtz'aqlok ru, naxk'am chaq li kamk.

San Lucas 12:15

Ut kixye reheb': —Chek'e reetal ut chekolaq eerib' chiru chixjunil li atawank, xb'aan naq, us ta numtajenaq li xb'ihomal junaq winq, moko taak'ehe'q ta xyu'am xb'aan li xjunkab'lal.

Salmos 119:37

Chak'e taxaq naq ink'a' tink'e reetal li maak'a' na'ok wi', ut chak'e inyu'am rik'in laawaatin.

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

2 Samuel 11:2

Sa' jun ewu naq kiwakliik chaq laj David sa' xwarib'aal ut yo chi b'eek sa' li xtaqeq'il li rochoch, toj aran taqe'q kiril chaq jun li ixq yo chi atink. K'ajo' xch'ina'usal li ixq a'an.

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Génesis 3:6

Toja' naq li ixq kiril naq li che' atawaal xlowb'al li ru, ch'ina'us na'ilok ut q'axal chaab'il re tawok na'leb': kixch'oq b'i' jun ru li che', kixlow ut kixk'e re li xb'eelom; ut a'an ajwi' kixlow.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Efesios 5:5

Chiwanq sa' eech'ool naq maajun aj ko'b'eet aj yumb'eet, aj muxul rib' malaj aj rahol ru b'ihomal (a'an juntaq'eet rik'in li jalan loq'onink) taatz'aqonq sa' li xnimajwal awab'ejihom li Kriist jo'wi' re li Yos.

Efesios 5:3

Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel.

San Lucas 12:2

Maak'a' wank chi moymo li ink'a' ta taa'elq chi kutankil, chi moko wank k'aru chi muqmu li ink'a' ta taanawmanq.

Habacuc 2:9

Ra chaalel sa' aab'een li xanujob'resi laawochoch rik'in li xawelq'a re raj xkolb'al aawib' chiru chixjunileb' li raaxiik'!

Isaías 29:15

Ra chaalel sa' xb'eeneb' li neke'xmuq rib' chiru li Qaawa' yal re xmuqb'al li xk'a'uxeb'! Neke'b'aanunk maa'usilal sa' li aak'ab' ut neke'xye: “Maajun na'ilok qe, maajun nanawok qu”, chankeb'.

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Proverbios 23:31

Mixik aach'ool chirix li b'iin: kaqkaq na'ilok ut nalemtz'unk sa' li sek', saasa ruk'b'al naq nak'utunk.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

Li xHu LAJ JOB 31:1

Laa'in xinye li waatin naq ink'a' tinrahi ru eb' li tuq'ixq.

Éxodo 20:17

“Maarahi ru li rochoch laawas aawiitz'in. Maarahi ru li rixaqil, li winq ut li ixq li neke'k'anjelak chiru, chi moko li xb'ooyx, li xb'uur; tik maak'a' ab'i e taarahi”.

Génesis 10:10

Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar.

Josué 7:20

Laj Akán kixsume laj Josué ut kixye: “Relik chi yaal naq laa'in xinmaakob'k chiru li Qaawa', xYos laj Israel. A'an a'in li xinb'aanu:

Josué 7:22

Tikto laj Josué kixtaqla wiib' oxib' li xtaql li koheb' sa' aanil sa' li muheb'aal a'an, ut ke'xtaw chixjunil li kixmuq laj Akán; ut li tumin plaat wank chi rub'el.

2 Reyes 7:8

Naq eb' li saqlep rixeb' ke'wulak rik'ineb' laj Aram, ke'ok sa' jun muheb'aal, ke'wa'ak ut ke'uk'ak. Chirix chik a'an ke'xxok li plaat ut li oor, jo'wi' jo'k'ihaleb' li aq'ej ke'xtaw, ut koxe'xmuq chaq. Ke'sutq'iik chaq ut ke'ok sa' jalan chik muheb'aal: aran ajwi' ke'xxok li k'a'aq ru ke'xtaw ut koxe'xmuq chaq.

Génesis 34:27

Ke'wulak ajwi' eb' li junch'ol chik li ralal laj Jakob, ke'nume'k sa' xb'eeneb' li kamenaq ut ke'relq'a li k'aru wank reheb' li poyanam li ke'xmux xtuq'ixqilal li ranab'.

Proverbios 1:19

A'an a'in li te'xk'ul eb' li neke'atawank b'ihomal: taasachq li xyu'ameb' xb'aan li k'aru neke'xrahi ru.