Josué 7:1 - Q'eqchi Bible

¹ Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

Li Santil hu

¹ Jun li cui̱nk aj Acán xcꞌabaꞌ, xcomoneb li ralal xcꞌajol laj Judá, quixxoc chokꞌ re li cꞌaꞌru ac kꞌaxtesinbil xban li Dios re sachecꞌ. Laj Acán, aꞌan li ralal laj Carmi. Laj Carmi, aꞌan li ralal laj Zabdi ut laj Zabdi, aꞌan li ralal laj Zera. Li ma̱c quixba̱nu laj Acán, li Dios quixqꞌue saꞌ xbe̱neb chixjunileb li ralal xcꞌajol laj Israel, ut cꞌajoꞌ nak quijoskꞌoꞌ saꞌ xbe̱neb.

Josué 7:1 ပူးပေါင်းရင်းမြစ်များ

Josué 22:20

Chijultiko'q eere laj Akán, ralal laj Séraj, chanru naq kimaakob'k rik'in xchapb'al li k'aru ak q'axtesinb'il re sache'k. Ut xb'aan li maak kixb'aanu, kikamk, ut li xjosq'il li Qaawa' koxtaw chixjunil li xkomonileb' laj Israel, us ta jun ajwi' chi winq kimaakob'k”, chankeb'.

Eclesiastés 9:18

Q'axal us li choxahil na'leb' chiruheb' li ch'iich' neke'k'anjelak re yalok; ab'anan naq naluktaak junaq poyanam, nasache'k chixjunil li chaab'ilal.

1 Crónicas 21:7

Li Yos ink'a' ajwi' kiwulak chiru naq laj David kixtaqla rajlankileb' laj Israel. Jo'kan naq kixtaqla rahilal sa' xb'eeneb'.

Josué 22:18

Laa'ex yookex xkanab'ankil li Qaawa'. Ma ink'a' nekek'e reetal? Wi anaqwan yookex xq'etq'etinkil eerib' chiru li Yos, wulaj taachalq li xjosq'il sa' xb'een chixjunil li xkomonileb' laj Israel.

Josué 22:16

“A'in xyehom chixjunil li xkomonil li Qaawa': K'a' chi maakil a'in li xeb'aanu chiru li xYos laj Israel? K'a'ut naq xeq'etq'eti eerib' chiru li Qaawa' anaqwan? Laa'ex xeyiib' jun li artal, ut chi jo'kan xexnajto'k rik'in li Qaawa'.

Jonás 1:7

Chirix chik a'an eb' laj b'eresinel jukub' ke'xye chirib'ileb' rib': “Qilaq anaqwan ani tana wank xmaak naq xqak'ul li rahilal a'in”, chankeb'. Ke'xb'uulu rix ut ke'xtaw naq a' laj Jonás.

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

2 Crónicas 24:18

Ke'xtz'eqtaana li rochoch li Qaawa', xYos eb' li xxe'toonil yuwa'eb', ut a'eb' chik li loq'laj che' ut li jalaneb' yos ke'xloq'oni ru. Jo'kan naq kichalk xjosq'il li Qaawa' sa' xb'een Judá ut Jerusalén, xb'aan li maak ke'xb'aanu.

2 Samuel 24:1

Li Qaawa' kichalk wi' chik xjosq'il sa' xb'eeneb' laj Israel ut kixchiq' xjosq'il laj David sa' xb'eeneb' re naq trajla chixjunileb' laj Israel ut laj Judá.

Daniel 9:7

«At Qaawa', aawe li tiikilal ut qe laa'o li xutaan anaqwan ut junelik. Xutaanal wanko laa'o laj Judá: eb' li wankeb' Jerusalén ut chixjunileb' laj Israel, eb' li wankeb' chi nach' ut eb' li wankatqeb' chi najt sa'eb' li tenamit xacha'cha'iheb' wi' xb'aan naq xe'q'etq'eto'k chawu.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

2 Reyes 5:24

Naq laj Kejasí kiwulak Ofel, kixxok chixjunil li kik'ehe'k re ut koxmuq sa' li kab'l. Chirix chik a'an kixchaq'rab'iheb' laj k'anjel chiru laj Nahamán

Génesis 34:27

Ke'wulak ajwi' eb' li junch'ol chik li ralal laj Jakob, ke'nume'k sa' xb'eeneb' li kamenaq ut ke'relq'a li k'aru wank reheb' li poyanam li ke'xmux xtuq'ixqilal li ranab'.

Li xHu LAJ JOB 35:8

Wi nakab'aanu li maak, a'eb' laawech winqilal yookat xrahob'tesinkil. Ut wi chaab'ilat, a'eb' ajwi' laawas aawiitz'in yookat rusilankil.