Josué 6:4 - Q'eqchi Bible

⁴ Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Li Santil hu

⁴ Cuukub eb laj tij teꞌxcꞌam junju̱nk xxucubeb li carner re teꞌxya̱basi. Aꞌaneb li teꞌcꞌamok be chiru li Lokꞌlaj Ca̱x. Ut saꞌ lix cuuk li cutan te̱suti rix li tenamit cuukub sut. Ut eb laj tij yo̱keb chixya̱basinquil li xucub.

Josué 6:4 ပူးပေါင်းရင်းမြစ်များ

Apocalipsis 16:1

Chirix chik a'an kiwab'i jun xyaab' kuxej q'axal kaw sa' rochoch li Yos, yo chi xyeeb'al reheb' li wuqub' chi ánjel: “Ayuqex ut hoyomaq sa' xb'een li ruuchich'och' li wuqub' chi sek', li wank xjosq'il li Yos chisa'”.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Apocalipsis 8:2

Toja' naq kiwil li wuqub' chi ánjel xaqxookeb' chiru li Yos, ut ke'k'ehe'k wuqub' xtronpeet.

2 Crónicas 20:21

Ut naq ak xraqe'k chi k'uub'ank rik'ineb' li tenamit, kixxaqab'eb' aj b'ichanel re naq te'xb'icha ru li Qaawa' ut ke'xye: “Chexyoxinq chiru li Qaawa', xb'aan naq li xrahom wank chi junelik!”. Tiqtookeb' laj b'ichanel rik'in loq'laj aq'ej ut aj k'amol b'eheb' chiruheb' laj puub'.

1 Reyes 18:43

Chirix chik a'an kixye re laj k'anjel chiru: “Taqen chaq ut ilon sa' xjayal li palaw”. Kitaqe'k, ki'ilok ut kixye: “Maak'a' nawil”. Ab'an laj Elías kixye re: “Sutq'in wi' chik”. Ut wuqub' sut kixb'aanu chi jo'kan.

Levítico 14:16

tixtz'a junaq ru'uj ruq' li wank sa' xseeb'al chisa' li aseeyt wank sa' li xtz'e uq', ut rik'in a'an tixracharachi li aseeyt wuqub' sut chiru li Qaawa'.

Apocalipsis 15:7

Moqon chik jun reheb' li kaahib' chi yo'yookeb' kixq'axtesi reheb' li wuqub' chi ánjel wuqub' chi sek' oor, nujenaqeb' rik'in xjosq'il li Yos li yo'yo chi junelik q'e kutan.

Apocalipsis 15:1

Chirix chik a'an kiwil sa' choxa jun chik nimla eetalil ut sachb'ach'oolej rilb'al: wuqub' chi ánjel yookeb' chaq chi xk'amb'al wuqub' chi rahilal te'chalq sa' roso'jik, xb'aan naq rik'ineb' a'an taatz'aqloq ru li xjosq'il li Yos.

Apocalipsis 10:3

Toja' naq kixjap re chi kaw xyaab' xkux, jo' naxjap re li kaqkoj; ut naq kixjap re, ki'ab'iik xyaab' wuqub' chi kaaq.

Apocalipsis 8:6

Eb' li wuqub' chi ánjel li wankeb' xtronpeet ke'xkawresi rib' re xyaab'asinkileb'.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

Apocalipsis 5:1

Kiwil ajwi' sa' xnim uq' li k'ojk'o sa' li nimajwal k'ojarib'aal jun li hu tz'iib'anb'il chisa' ut chirix, tz'aptz'o rik'in wuqub' chi tz'apleb'.

Apocalipsis 1:20

A'an a'in xyaalalil li tz'aptz'ookil na'leb' chirix li wuqub' chi xna'aj kanteel oor: li wuqub' chi chahim a'aneb' li x'ánjel li wuqub' chi Iklees, ut li wuqub' chi xna'aj kanteel a'aneb' li wuqub' chi Iklees.

Apocalipsis 1:4

Laa'in laj Jwan nintz'iib'ak rik'ineb' li wuqub' chi Iklees li wankeb' Asia. Usilal ut tuqtuukilal chiwanq taxaq eerik'in sa' xk'ab'a' li wank, li ak wan chaq ut chaalel, sa' xk'ab'a' li wuqub' chi Musiq'ej li wankeb' chiru li xnimajwal k'ojarib'aal

2 Reyes 5:10

Ab'an laj Eliseo kixtaqla xyeeb'al re: “Ayu ut atin wuqub' sut sa' li nima' Jordán. Taayo'laaq chaq wi' chik laatib'el, ut ch'ajob'resinb'il tatkanaaq”.

Números 23:1

Toja' naq laj Balaham kixye re laj Balak: “Yiib' wuqub' chi artal arin ut kawresi chaq wuqub' saaj wakax ut wuqub'eb' li karneer”, chan.

Zacarías 4:6

Jo'kan naq kixye wi' chik we: “A'an a'in li raatin li Qaawa' cho'q re laj Sorobabel: «Moko rik'in ta metz'ew chi moko rik'in kawil ch'oolej tatk'anjelaq, ka'aj b'an wi' rik'in linMusiq' -chan li Nimajwal Yos-.

Zacarías 4:2

“K'aru nakawil?”, chan we. Laa'in kinye re: “Yookin chi rilb'al jun xna'aj saqenk yiib'anb'il rik'in oor chixjunil. Sa' xb'een a'an wank li xna'aj li xya'al li xam, wuqub' chi saqenk rochb'een li xnumleb'aal li xya'al.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Li xHu LAJ JOB 42:8

Jo'kan utan chapomaq wuqub' chib'aat ut wuqub' karneer ut ayuqex rik'in laj Job laj k'anjel chiwu. Aran yeechi'ihomaq eb' li xul a'an cho'q k'atb'il mayej sa' eek'ab'a' laa'ex; ut laj Job laj k'anjel chiwu taatijoq cherix. Laa'in twab'i li xtij ut maak'a' tinb'aanu eere, us ta eek'ulub' xtojb'al rix leemaak xb'aan naq ink'a' xeye li yaal chiwix jo' xb'aanu laj Job”.

2 Crónicas 20:19

Ut eb' laj Leví, a'eb' li ralal laj Kehat ut li ralaleb' laj Koré, ke'xaqliik re xterq'usinkil xk'ab'a' li Qaawa', xYos laj Israel, chi kaw xyaab' xkuxeb'.

2 Crónicas 13:12

Chek'e reetal naq li Qaawa' a'an laj k'amol b'e chiqu; ut eb' laj tij okeb' re chi xyaab'asinkil li pur re taaqatikib' yalok eerik'in. Ex aj Israel, mexyalok rik'in li Qaawa', li xYos eb' leexe'toonil yuwa', xb'aan naq maak'a' aj e”, chan laj Abías.

Levítico 4:6

Aran tixtz'a li ru'uj ruq' sa' li kik' ut wuqub' sut tixrachrachi li kik' chiru li Qaawa', sa' xjayal li xt'ilkemil li Santil Na'ajej.

Génesis 2:3

Toja' naq li Yos kirosob'tesi li xwuq li kutan ut kixsantob'resi, xb'aan naq aran kihilank chirix chixjunil li yoob'tesink kixb'aanu.

Josué 6:3

Jo'k'ihalex yo'oon wankex chi yalok, sutumaq rix li tenamit. Jo'ka'in teeb'aanu chiru waqib' kutan.

Josué 6:5

Naq te'ok chi eek'ank li xukub' ut teerab'i chi eek'ank li tronpeet, chixjunil li tenamit te'xjap reheb' chi kaw, ut li xsuttz'akil Jerikó taat'ane'q. Toja' naq jun xikikaqex chi tiik sa' xb'een Jerikó”, chan.

Josué 6:13

Aj k'amolb'eheb' chiru li Loq'laj Kaax li wuqub'eb' chi aj tij li neke'k'amok re li wuqub' chi xxukub' karneer, yookeb' chi b'eek ut xyaab'asinkil eb' li xtronpeet. Eb' li wankeb' xch'iich' wankeb' chaq chi uub'ej, ut li xk'ihaleb' li tenamit yookeb' chi xik chirix li xLoq'laj Kaax li Qaawa'. Jun sut chik ki'ab'iik xyaab'eb' li tronpeet.

2 Reyes 5:14

Jo'kan naq koho laj Nahamán sa' li nima' Jordán ut wuqub' sut ki'atink, jo' kiyehe'k re xb'aan li xtaql li Qaawa'. Ut li xtib'el kiq'unaak jo' xtib'el junaq ch'ina'al, ut ch'ajob'resinb'il chik kikanaak.