Josué 6:23 - Q'eqchi Bible

²³ Jo'kan naq koheb' li wiib' aj k'ehol eetal ut ke'risi chaq lix Rajab, li xna' xyuwa', eb' li ras riitz'in ut chixjunileb' li xkomon. Ke'risi ajwi' jo'k'ihaleb' li wankeb' sa' xjunkab'al ut ke'xk'ameb' toj chirix li xmuheb'aaleb' laj Israel.

Li Santil hu

²³ Queꞌco̱eb ut li cuib chi cui̱nk ut queꞌrisi lix Rahab rochben lix naꞌ, lix yucuaꞌ ut eb li ras ut eb li ri̱tzꞌin, joꞌ ajcuiꞌ chixjunileb li rechꞌalal. Ut queꞌxcꞌam saꞌ jun naꞌajej bar ma̱cꞌaꞌ teꞌxcꞌul toj chirix li naꞌajej li cuanqueb cuiꞌ chi hila̱nc laj Israel.

Josué 6:23 ပူးပေါင်းရင်းမြစ်များ

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Efesios 2:12

Chijultiko'q eere naq junxil wankex chaq chi maak'a' li Kriist eerik'in, maawa'ex chaq xkomoneb' laj Israel, ab'lex b'an chiru li xyeechi'om li Yos ut chiru li Sumwank, maak'a' eeroyb'enihom ut maak'a' leeYos sa' li ruuchich'och' a'in.

1 Corintios 5:12

K'a' tab'i' naq tinraqoq aatin chirixeb' li moko aj paab'aneleb' ta? A' li Yos taaraqoq aatin sa' xb'eeneb'. Ab'an laa'ex tento xraqb'al aatin sa' xb'eeneb' leerech aj paab'anelil. Jo'kan naq “isihomaq sa' eeyanq li ink'a' us xch'ool”, chan li Santil Hu.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

Hechos 10:28

Ut kixye reheb': —Laa'ex nekenaw naq ink'a' us cho'q re junaq aj judiiy xjunajinkil rib' rik'in junaq jalan xtenamit chi moko taaruuq taa'ok sa' rochoch. Ab'anan li Yos xk'ut chiwu naq maa'ani naru xtz'eqtaanankil, chi moko naru xyeeb'al naq a'an tz'ajn ru.

Números 31:19

Ut chejunilex laa'ex li xexkamsink malaj xech'e' junaq kamenaq, kanaaqex chirixeb' li muheb'aal chiru wuqub' kutan. Ch'ajob'resiiq eerib' laa'ex jo'wi' eb' leepreex, sa' li rox ut sa' li xwuq li kutan.

Génesis 18:24

Mare anchal wanqeb' sa' li tenamit lajeeb'aq roxk'aal tiikeb' xch'ool. Ma taasacheb'? Ma ink'a' taakuyeb' xmaak li tenamit a'an sa' xk'ab'a' li lajeeb' roxk'aal tiikeb' xch'ool li wanqeb' aran?

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Josué 2:18

Ab'anan naq too'ok sa' li tenamit, tento taab'ak' li kaqinoq' a'in sa' li b'entaan xoohaakub'si wi'. Taach'utub'eb' aawik'in sa' laawochoch laana' laayuwa', eb' laawas aawiitz'in ut chixjunileb' li wankeb' sa' rochoch laayuwa'.

Josué 2:13

naq relik chi yaal teekanab' chi yo'yo linna' linyuwa', eb' li was wiitz'in jo'wi' chixjunil li xkomoneb', ut tooheekol chiru li raaxiik' chalk re sa' qab'een, chan lix Rajab.

Génesis 19:29

Jo'ka'in naq li Yos kixsacheb' li tenamit sa' li taq'a. Ab'an kijultiko'k re laj Abrahán ut kixkol laj Lot chiru li nimla rahilal, naq kixsacheb' li tenamit kiwank wi' laj Lot.

Hebreos 11:31

Sa' xk'ab'a' li xpaab'aal lix Rajab, laj yumb'eet, ink'a' kikamk sa' xyanqeb' laj q'etol aatin, xb'aan naq kixk'uleb' sa' usilal eb' laj k'ehol eetal.

Josué 2:16

Ut kixye reheb': —Ayuqex wankeb' wi' li tzuul, re naq ink'a' texxtaweb' laj sik'ol eere. Wanqex aran chi muqmu chiru oxib' kutan toj reetal te'sutq'iiq chaq laj sik'onel. Chirix chik a'an naru texxik laa'ex, chan lix Rajab.

Jueces 1:25

Li winq kixk'ut chiruheb' chanru naq te'ok sa' li tenamit. Ut naq ke'ok, ke'xkamsiheb' chi ch'iich' jo'k'ihaleb' wankeb' chisa', ab'anan maak'a' ke'xb'aanu re li winq a'an jo' ajwi' re li xjunkab'al.