Josué 5:9 - Q'eqchi Bible

⁹ Toja' naq li Qaawa' kixye re laj Josué: “Sa' li kutan a'in xwisi sa' eeb'een leexutaan kitiklaak chaq Ejiipt”, chan. Jo'kan naq Kilkal xk'ab'a' li na'ajej a'an chalen toj anaqwan.

Li Santil hu

⁹ Ut li Ka̱cuaꞌ quixye re laj Josué: —Anakcuan xcuisi le̱ xuta̱n xban nak quexcuan chak chokꞌ rahobtesinbil mo̱s nak cuanquex aran Egipto, chan. Joꞌcan nak Gilgal xcꞌabaꞌ li naꞌajej aꞌan chalen anakcuan.

Josué 5:9 ပူးပေါင်းရင်းမြစ်များ

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Josué 4:19

Li tenamit ke'elk sa' li nima' Jordán sa' li lajeeb' xb'e li xb'een po ut koxe'hilanq Kilkal, sa' releb'l li saq'e sa' xka'yab'aal Jerikó.

Génesis 34:14

“Ink'a' naru tqab'aanu a'an: xk'eeb'al li qanab' re junaq li ink'a' setb'il xtz'uumal xtz'ejwal, xb'aan naq a'an xutaanal cho'q qe.

Levítico 24:14

“Isihomaq sa' leena'aj li xmajewank we. Xk'ehaqeb' li ruq' sa' xb'een xjolom chixjunileb' li xe'ab'ink re ut xkamsiiqeb' chi pek xb'aaneb' li komonil.

Ezequiel 23:8

Chalen naq kiwank chaq Ejiipt kiwank jo' aj yumb'eet ut maajun sut kixkanab' xb'aanunkil chalen chaq sa' xsaajilal, naq kixkanab' rib' chi ch'e'eek ut chi mayuuk toj reetal kib'atz'unleek xb'aaneb' naab'al chi winq.

Ezequiel 23:3

Chalen chaq sa' xsaajilaleb' ke'xtikib' xmuxb'aleb' rib' rik'ineb' li winq; aran Ejiipt ke'ch'e'eek ut kimayuuk li re xch'ooleb' toj reetal ke'xmux li xtuq'ixqilaleb'.

Jeremías 9:25

Xyehom li Qaawa': “Chalk re xkutankil naq tink'ajtesi ruheb' chixjunil li tenamit li xk'ulumeb' li sirkunsisyon ka'ajwi' sa' li xjunxaqalileb':

Salmos 119:39

Chinaakol taxaq chiru li hob'e'k li naxk'e inxiw, xb'aan naq q'axal chaab'il chixjunil laak'uub'ahom.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

Josué 5:8

Ut naq ak xk'ulumeb' li sirkunsisyon chixjunileb', ke'kanaak sa' li xmuheb'aaleb' chi hilank toj ke'k'iraak.

1 Samuel 7:16

Rajlal chihab' naxb'eeni chaq Betel, Kilkal ut Mispá, yo chi raqok aatin sa' xb'eeneb' laj Israel sa' chixjunileb' li na'ajej a'an.

2 Samuel 19:15

Toja' naq kisutq'iik chaq li awab'ej ut kiwulak chire li nima' Jordán. Eb' laj Judá ke'wulak toj Kilkal re xk'ulb'al li awab'ej ut re xtenq'ankil chi nume'k junpak'al li nima' Jordán.

Miqueas 6:5

At intenamit, jultikaq aawe anaqwan k'aru kixk'uub' laj Balak, li awab'ej re Mohab, ut li xsumenkil xb'aan laj Balaham, ralal laj Pehor. Jultikaq aawe naq katnume'k chaq Sitín toj Kilkal, ut k'e reetal li xtiikilal xch'ool li Qaawa'”.

Sofonías 2:8

Jo'ka'in xye li Qaawa': “Xwab'i naq eb' laj Mohab xe'xmajewa lintenamit ut eb' laj Amón xe'xtz'eqtaanaheb', naq xe'numtaak sa' xb'eeneb' ut xe'b'ihomo'k sa' li xna'ajeb'.

Nehemías 12:29

sa' li tenamit Bet-Hakilkal, sa' xteepal Keba ut Asmábet; xb'aan naq eb' laj b'ichanel ke'xk'ojob' xk'aleb'aaleb' sa' xteepal Jerusalén.

Oseas 4:15

“At Israel, wi laa'at nakamux laapaab'aal, ab'an ink'a' taxaq taamaakob'q laj Judá. Mexxik aran Kilkal chi moko chex'ok Bet-Abén; meeye eejurament sa' xk'ab'a' li Qaawa'.

Amós 5:5

Mexxik chi loq'onink aran Betel; mineesik' aran Kilkal chi moko chexnume'q Berseba, xb'aan naq eb' laj Kilkal te'k'ame'q sa' najtil tenamit ut Betel taakanab'aaq cho'q po'lem”.