Josué 5:6 - Q'eqchi Bible

⁶ Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Li Santil hu

⁶ Eb laj Israel queꞌbe̱c saꞌ li chaki chꞌochꞌ chiru caꞌcꞌa̱l chihab toj retal queꞌcam chixjunileb li cui̱nk li queꞌel chak Egipto, li tzꞌakal xchihabeb re xic chi pletic. Queꞌcam xban nak incꞌaꞌ queꞌxba̱nu li quixye li Ka̱cuaꞌ. Joꞌcan nak li Dios quixye riqꞌuin juramento nak incꞌaꞌ naru teꞌoc saꞌ li cha̱bil naꞌajej li quixyechiꞌi reheb lix xeꞌto̱nil yucuaꞌ, li naꞌajej bar na-el cuiꞌ chi us li acui̱mk ut li sahil echej.

Josué 5:6 ပူးပေါင်းရင်းမြစ်များ

Números 14:23

te'ril li na'ajej inyeechi'om rik'in jurament reheb' li xna' xyuwa'eb'. Maajun reheb' li xe'tz'eqtaanank we te'ril a'an.

Deuteronomio 2:14

“Chalen chaq Kadés-Barné toj re naq kooq'axonk junpak'al li nima' Séred, koob'eek waqxaqlaju xka'k'aal chihab', toj reetal ke'oso'k chixjunileb' li winq neke'yalok, jo' tz'aqal xyehom li Qaawa'.

Hebreos 3:11

Ut kinye rik'in jurament sa' linjosq'il: «Maajoq'e te'ok sa' linhilob'aal!»”.

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Ezequiel 20:15

«Sa' ajwi' li chaqich'och' kinye injurament naq ink'a' te'ok sa' li na'ajej insik'om cho'q reheb', a' li xq'emal li ch'och' ut jwal chaab'il sa' xyanqeb' chixjunileb' li na'ajej.

Jeremías 2:2

“Ayu ut jap aawe chi aatinak sa' xxikeb' laj Jerusalén: Jo'ka'in xye li Qaawa': Nakatjultiko'k we naq sa' laasaajilal jwal k'ojk'o laach'ool chiwix. Q'axal kinaara naq kinsumlaak aawik'in, ut kinaataaqe sa' li chaqich'och', sa' li joxk' na'ajej b'arwi' maak'a' nayo'laak.

Deuteronomio 8:4

Ink'a' xq'eelo' laawaq' chawix chi moko xsipoje'k laawoq chiruheb' li ka'k'aal chihab' a'an.

Ezequiel 20:6

Sa' li kutan a'an kinye injurament naq te'wisi sa' li tenamit Ejiipt ut tink'ameb' sa' jun li na'ajej insik'om chaq cho'q reheb', jun xq'emal ch'och' b'arwi' sa li wank, ut q'axal chik chaab'il chiru chixjunileb' li na'ajej sa' li ruuchich'och'.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Joel 3:18

“Sa' li kutan a'an q'axal chaab'ilaq chik li ch'och', k'ajo' chik naq te'uuchinq li awimq; wanq chik li ha' sa' chixjunileb' li roqha' re Judá ut taayo'laaq jun yu'amha' sa' rochoch li Qaawa' li tixt'aqresi li xtaq'ahil Akasya.

Números 26:63

A'aneb' a'in li xk'ihaleb' laj Israel ke'ajlamank xb'aan laj Moisés ut laj Elehasar laj tij sa' xtaq'ahil Mohab, chire li nima' Jordán, sa' xka'yab'aal Jerikó.

Josué 5:5

Chixjunileb' li winq li ke'elk chaq Ejiipt uxb'il li sirkunsisyon reheb'; ab'an li yo'lajenaqeb' sa' li chaqich'och', chirix li relikeb' chaq Ejiipt, toj maji' uxb'il li sirkunsisyon reheb'.

Josué 5:7

A'eb' chik li ralal xk'ajoleb' ke'kanaak cho'q reeqajeb' xb'aan naq jo'kan yeeb'il xb'aan li Yos. Laj Josué kixb'aanu li sirkunsisyon reheb' xb'aan naq maji' uxb'il reheb' chiru li xb'eenikeb'.

Salmos 107:4

Ke'xb'eeni rib' sa' li chaqich'och', sa' junesal na'ajej, chi ink'a' neke'xtaw xb'ehil junaq tenamit te'wanq wi'.

Josué 1:6

Kaw xaqxooqat sa' laak'anjel ut matxiwak, xb'aan naq laa'at tatjek'oq re li ch'och' cho'q re li tenamit a'in, a' li ch'och' kinyeechi'i sa' jurament reheb' li xxe'toonil yuwa'eb'.

Josué 24:7

Toja' naq ke'xyaab'a xk'ab'a' li Qaawa' ut A'an kixk'e jun li choql k'ajo' xq'oqyinkal ru sa' eeyanq laa'ex ut eb' laj Ejiipt. Kixq'aplusi li palaw sa' xb'eeneb', ut a'an kinuq'uk reheb'. Laa'ex keril rik'in leeru li kinb'aanu aran Ejiipt. Chirix chik a'an najt kexwank chaq sa' li chaqich'och'.