Josué 5:1 - Q'eqchi Bible

¹ Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Li Santil hu

¹ Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

Josué 5:1 ပူးပေါင်းရင်းမြစ်များ

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

1 Reyes 10:5

li xq'emal tzekemq naxtzeka, li rochocheb' laj k'anjel chiru, li xtiqib'ankileb' laj jolominel ut chanru neke'k'anjelak, eb' li neke'k'ehok ruk'a' ut eb' li k'atb'il mayej nayeechi'imank sa' rochoch li Qaawa', q'axal kisachk xch'ool chi rilb'aleb'

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Amós 2:9

Ex aj Israel, laa'in kexwisi chaq sa' li tenamit Ejiipt, ut ka'k'aal chihab' kexinb'eresi sa' li chaqich'och'. Cheru laa'ex kinsach ruheb' laj Amor, li jwal najteb' xteram jo'eb' li yaw ut q'axal kaweb' rib' jo'eb' li ji; keb'insach ruheb' chi junajwa ut kinq'axtesi eere li xch'och'eb'.

Daniel 5:6

k'ajo' naq kisaqkirino'k li xnaq' ru, kisachk xch'ool, ke'lub'e'k li roq ut ke'parpotk li xtzelek.

Ezequiel 21:7

Ut naq eb' a'an te'xpatz' aawe: «K'a'ut naq yookat chi yaab'ak?», taaye reheb': «Ninyaab'ak xb'aan resilal li taak'ulmanq. Naq taawulaq xkutankil a'an, chixjunileb' te'ch'inanq xch'ool ut te'mayoq li raanm; chixjunileb' te'memo'q ut siksootqeb' xb'aaneb' xxiw». K'ehomaq reetal naq ak waye' chaq; relik chi yaal naq taak'ulmanq”, chan li Qaawa'.

Ezequiel 16:3

ut ye re: «Jo'ka'in naxye li Qaawa': At Jerusalén, laa'at katyo'laak sa' xteepal Kanahán ut aran elenaqat chaq. Aj Amor laayuwa' ut aj Hit laana'.

Salmos 135:11

laj Sijón, awab'ej re Amor, laj Og, awab'ej re Basán, ut chixjunileb' li awab'ej re Kanahán.

Esdras 9:1

Chirix chik a'an ke'k'ulunk wik'in eb' laj k'amol b'e ut ke'xye we: “Eb' laj Israel, eb' laj tij ut eb' laj Leví ink'a' xe'xjek' rib' rik'in li jalaneb' xtenamit, a'eb' laj Kanahán, eb' laj Hit, eb' laj Perés, eb' laj Jebús, eb' laj Amón, eb' laj Ejiipt ut eb' laj Amor, ut a' ajwi' li xmaa'usilaleb' li tenamit a'an xe'xb'aanu.

2 Samuel 21:2

Li awab'ej kixb'oqeb' laj Gabahón ut ki'aatinak rik'ineb'. (Eb' laj Gabahón moko aj Israeleb' ta, a'aneb' b'an xkomoneb' laj Amor. Junxil eb' laj Israel ke'xye sa' jurament naq ink'a' te'xkamsiheb', ab'an laj Saúl kiraj raj xsachb'aleb' sa' xk'ab'a' xraab'aleb' laj Israel ut eb' laj Judá.)

1 Samuel 25:37

Wulajaq chik a'an, eq'la, naq ak xnume'k xkalajik laj Nabal, li rixaqil kixseeraq'i re li k'aru kik'ulmank. Kisachk xch'ool li winq chi rab'inkil a'an ut kikanaak chanchan pek.

Jueces 11:23

“K'a'ut naq anaqwan taawaj xmaq'b'al chiqu li na'ajej li ak xrisihom li Qaawa', li xYos laj Israel, reheb' laj Amor ut ak xq'axtesihom qe chiqeechani?

Jueces 4:2

jo'kan naq li Qaawa' kixq'axtesiheb' sa' ruq' laj Jabín, awab'ej re Kanahán, li yo chi awab'ejink aran Jasor. Li xjolomil chixjunileb' laj puub', a'an laj Sísara, li nawank sa' li na'ajej Jaróset-Hakohín.

Jueces 3:3

Ke'kanaak li oob' chi xninqal ru winq aj Filistea, chixjunileb' laj Kanahán, eb' laj Sidón ut eb' laj Hit li wankeb' sa'eb' li tzuul re Líbano, chalen chaq sa' li tzuul Bahal-Hermón toj wan wi' li rokeb'aal Jamat.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

Josué 17:18

eerehaq aj b'an wi' li tzuul li k'iche' ru. T'anomaqeb' li che', ut chi jo'kan teereechani chixjunil li na'ajej a'an. Teerisiheb' laj Kanahán, us ta wankeb' xb'eleb'aal ch'iich' yiib'anb'ileb' rik'in ch'iich' ut q'axal kaweb' rib'”, chan laj Josué.

Josué 17:12

Eb' li ralal xk'ajol laj Manasés ink'a' ke'ruhank chi xchapb'al eb' li tenamit a'an; jo'kan naq eb' laj Kanahán ke'kanaak sa'eb' li tenamit a'an.

Éxodo 23:28

Tintaqlaheb' li ch'ub' chawu laa'at: eb' a'an te'xyoolesi chawu eb' laj Jib, laj Kanahán ut laj Hit.

Génesis 48:22

Laa'in q'axal chik xk'ihal li ch'och' tink'e aawe chiruheb' laawas: anaqwan tinq'axtesi aawe Sikem, li na'ajej xweechani sa' ruq'eb' laj Amor rik'in linch'iich' ut linsimaj”.

Génesis 12:6

Laj Abrán kinume'k sa' li na'ajej toj koxtaw Sikem, wan wi' xtoonal li ji re laj Moré. Sa'eb' li kutan a'an wankeb' chaq laj Kanahán sa' li na'ajej a'an.

Isaías 41:5

Ex tenamit li wankatqex chire li palaw, ilomaq ut chexxiwaq; chesiksiki eerib', ex xnub'ajlil li ruuchich'och'. Jilonqex chaq ut chalqex.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

Josué 3:17

Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.