Josué 4:18 - Q'eqchi Bible

¹⁸ Ut naq eb' laj tij aj k'amoneleb' re li xLoq'laj Kaaxil li Sumwank ke'elk sa' li nima' Jordán, ka'ajwi' ke'xyeq' li ch'och' chire li nima', kixjunaji wi' chik rib' li ha' sa' li xna'aj ut ki'ok chi b'eek chi kaw roq jo' naq xwank.

Li Santil hu

¹⁸ Ut eb laj tij li yo̱queb chi cꞌamoc re li Lokꞌlaj Ca̱x queꞌel saꞌ xyi li nimaꞌ ut queꞌco̱eb chire li nimaꞌ. Nak ac xeꞌel saꞌ li nimaꞌ, qui-oc cuiꞌchic chi be̱c li haꞌ chi cau rok ut quixcꞌul cuiꞌchic rib ut yo̱ chi butꞌu̱nc.

Josué 4:18 ပူးပေါင်းရင်းမြစ်များ

Josué 3:15

Ab'anan naq eb' laj tij ke'ok sa' li nima' ut li roqeb' ke'xch'e' li ha' chire li nima' Jordán (sa' xq'ehil li q'olok nab'ut'irk li nima' Jordán),

Isaías 8:8

Tox'okaq toj Judá, kama' li b'ut'iha', ut taawulaq toj chi xkuxeb' li poyanam: chanchanaq li t'iw helho li xxik' li tixtz'ap chixjunil laatenamit, a Emmanuel”.

1 Crónicas 12:15

A'aneb' a'in li ke'nume'k junpak'al li nima' Jordán sa' li xb'een po, naq yo chaq chi b'ut'irk li nima' toj chire li pim, ut ke'raanilasi chixjunileb' li wankeb' chiru taq'a, sa' releb'l ut sa' rokeb'l saq'e.

Josué 3:13

Naq eb' laj tij li yookeb' chi k'amok re li xLoq'laj Kaax li Qaawa', laj Eechal re chixjunil li ruuchich'och', te'ok sa' li nima' Jordán, li ha' tixjach rib' chirib'il rib': li roq li ha' nachalk chaq taqe'q taaxaqliiq ut tixtuub' rib'”, chan laj Josué.

Josué 4:17

Laj Josué kixye a'an reheb' laj tij.

Josué 4:19

Li tenamit ke'elk sa' li nima' Jordán sa' li lajeeb' xb'e li xb'een po ut koxe'hilanq Kilkal, sa' releb'l li saq'e sa' xka'yab'aal Jerikó.

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.