Josué 4:12 - Q'eqchi Bible

¹² Eb' laj Rubén, eb' laj Gad ut li xyiijachil xteepaleb' laj Manasés ke'nume'k chi tustu chiruheb' laj Israel, jo' yeeb'il reheb' xb'aan laj Moisés.

Li Santil hu

¹² Ut eb li ralal xcꞌajol laj Rubén ut eb li ralal xcꞌajol laj Gad joꞌqueb ajcuiꞌ yijach li ralal xcꞌajol laj Manasés ac cauresinbileb re pletic nak queꞌnumeꞌ. Aꞌaneb li xbe̱n li queꞌnumeꞌ joꞌ quiyeheꞌ reheb xban laj Moisés.

Josué 4:12 ပူးပေါင်းရင်းမြစ်များ

Josué 1:14

Eb' leerixaqil, leekok'al ut leeketomq te'kanaaq sa' li ch'och' xk'ehom eere laj Moisés arin, chire li nima' Jordán. Ab'an laa'ex li yo'oon wankex chi yalok, texnume'q chi tzol chiruheb' leeras eeriitz'in ut teetenq'aheb',

Éxodo 13:18

Jo'kan naq li Yos kixk'ameb' chi xk'eeb'al q'oot sa' xb'ehil li chaqich'och', sa' xjayal li Kaqi Palaw. Chi tzoltzo ke'elk Ejiipt eb' laj Israel.

Números 1:24

Li xkomonileb' li ralal xk'ajol laj Gad, chi teep ut chi junqkab'alil, naq ke'tz'iib'aak xk'ab'a'eb' chi junqaleb' chixjunileb' li winq chalen aj junqmay chihab' li yo'ooneb' chi yalok,

Números 32:17

Chirix chik a'an tooxik chi yalok, k'amolb'ehaqo chiruheb' laj Israel, toj reetal toxe'okaq sa' li xna'ajeb'. Ab'an eb' li qalal qak'ajol te'kanaaq sa'eb' li tenamit re te'xkol rib' chiruheb' li wankeb' sa' li na'ajej a'in.

Deuteronomio 3:18

“Toja' naq laa'in kinye eere: «Li Qaawa' leeYos xk'ehok chereechani li ch'och' a'in. Chejunilex laa'ex li kawil winqex texnume'q chiruheb' leeras eeriitz'in aj Israel chi wanq eech'iich'.

Deuteronomio 33:21

Laj Gad kixsik' ru li k'aru jwal chaab'il, kixchap li ch'och' xk'ulub' wi' junaq aj k'amol b'e. Kixk'am xb'e li xtenamit; kik'anjelak chi tiik li xch'ool chiru li Qaawa' ut kixb'aanu li teneb'anb'il sa' xb'een sa' xk'ab'a' laj Israel”, chan laj Moisés.

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.

Josué 4:13

Ke'nume'k tana ka'k'aal mil chi aj puub' ak kawresinb'ileb' chi yalok. Ke'nume'k chiru li Qaawa' ut koheb' sa' xtaq'ahil Jerikó.