Josué 4:10 - Q'eqchi Bible

¹⁰ Eb' laj tij aj k'amoneleb' re li Loq'laj Kaax ke'kanaak chi xaqxo sa' xyi li nima' Jordán toj ke'xb'aanu chixjunil li kixye laj Josué re li tenamit sa' xk'ab'a' li Qaawa'. Ut eb' li tenamit ke'xseeb'a rib' chi nume'k.

Li Santil hu

¹⁰ Ut eb li tenamit queꞌxba̱nu li cꞌaꞌru quixye laj Josué. Eb laj tij li yo̱queb chi cꞌamoc re li Lokꞌlaj Ca̱x queꞌcana chi xakxo saꞌ xyi li nimaꞌ Jordán toj queꞌxba̱nu li joꞌ qꞌuial quixye li Ka̱cuaꞌ re laj Josué, joꞌ quiyeheꞌ re junxil xban laj Moisés. Ut eb li tenamit queꞌnumeꞌ chi junpa̱t jun pacꞌal li nimaꞌ.

Josué 4:10 ပူးပေါင်းရင်းမြစ်များ

Josué 3:13

Naq eb' laj tij li yookeb' chi k'amok re li xLoq'laj Kaax li Qaawa', laj Eechal re chixjunil li ruuchich'och', te'ok sa' li nima' Jordán, li ha' tixjach rib' chirib'il rib': li roq li ha' nachalk chaq taqe'q taaxaqliiq ut tixtuub' rib'”, chan laj Josué.

2 Corintios 6:2

xb'aan naq naxye: “Sa' chaab'il kutan xatwab'i, sa' xkutankil li kolb'a ib' xatintenq'a”. Chek'e reetal, a'an a'in li kutan q'axal chaab'il, a'an a'in xkutankil li kolb'a ib'!

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Proverbios 27:1

Maaxuli aawib' chirix li taab'aanu wulaj, xb'aan naq ink'a' nakanaw li taak'ulmanq wulaj.

Salmos 119:60

Chi anchal linch'ool ut chi ink'a' ninb'ay wib', nink'anjela li naxye laachaq'rab'.

Deuteronomio 31:9

Laj Moisés kixtz'iib'a li Chaq'rab' a'in ut kixq'axtesi reheb' laj tij, ralal xk'ajoleb' laj Leví, li neke'k'amok re li xLoq'laj Kaaxil li xSumwank li Qaawa'; kixk'e ajwi' reheb' chixjunileb' li xcheekel winqilal laj Israel.

Éxodo 12:39

Naq ke'isiik Ejiipt, ink'a' ke'ruuk chi b'ayk, chi moko ke'ruuk chi xxokb'al xtzekemqeb'. Jo'kan naq chiru li q'em li ke'xxok Ejiipt, ke'xyiib' xsup k'ulujeb', xb'aan naq maji' nasipo'k li q'em.

Josué 4:9

Laj Josué kixxaqab' ajwi' kab'laju chi pek sa' xyi li nima' Jordán, b'arwi' ke'xaqliik laj tij aj k'amoneleb' re li xLoq'laj Kaaxil li Sumwank. Ut eb' li pek a'an toj wankeb' aran anaqwan.

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.

Josué 24:11

“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.