Josué 3:17 - Q'eqchi Bible

¹⁷ Eb' laj tij li yookeb' chi k'amok re li xLoq' laj Kaaxil li Sumwank, xaqxookeb' sa' xyi li nima' naq yookeb' chi nume'k chixjunileb' laj Israel. Ut chaqi li ch'och' li xaqxookeb' wi'.

Li Santil hu

¹⁷ Ut chaki li chꞌochꞌ queꞌnumeꞌ cuiꞌ chixjunileb laj Israel saꞌ li nimaꞌ Jordán. Ut eb laj tij li yo̱queb chi cꞌamoc re lix Lokꞌlaj Ca̱x li Ka̱cuaꞌ xakxo̱queb saꞌ xyi li nimaꞌ Jordán nak yo̱queb chi numecꞌ li tenamit, ut chaki li chꞌochꞌ li xakxo̱queb cuiꞌ.

Josué 3:17 ပူးပေါင်းရင်းမြစ်များ

Éxodo 14:29

A'ut eb' laj Israel ke'nume'k sa' li palaw chi chaqi ru xb'eheb', xb'aan naq li ha' chanchan li tz'ak kikanaak chi xka'pak'alil li b'e.

Éxodo 14:22

Eb' laj Israel koxe'okaq sa' li palaw chi chaqi ru xb'eheb': chanchan li tz'ak naq kikanaak li ha' chi xka'pak'alil li b'e.

Salmos 66:6

A'an kisutq'isink re li palaw chi kawil ch'och', ut ki'uxk nume'k chi oqej junpak'al li nima'. Chisaho'q sa' qach'ool sa' xk'ab'a' a'an!

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

2 Reyes 2:8

Toja' naq laj Elías kirisi chirix li xb'aatal, kixb'ach'i, ut chiru a'an kixsak' li ha' li kixjek' rib' chi xka'pak'alil. Jo'kan naq eb' li wiib' chi winq ke'nume'k chiru chaqich'och'.

Josué 4:3

ut taaye reheb': Sa' li nima' Jordán, b'arwi' xe'xaqliik eb' laj tij, xokomaq kab'laju chi pek li teek'am ut toxeek'e sa' li na'ajej b'arwi' texhilanq chiru li q'oqyink a'in”.

Hebreos 11:29

Sa' xk'ab'a' li paab'aal ke'nume'k sa' li Kaqi Palaw chanchan nume'k sa' li chaqich'och'; ab'an eb' laj Ejiipt, naq ke'xyal xb'aanunkil a'an, ke'oso'k chi junajwa sa' li ha'.

Éxodo 14:21

Laj Moisés kixye' li ruq' sa' xb'een li palaw ut li Qaawa' kixtaqla chaq chiru chixjunil li q'oqyink jun kawil iq' li xchalk sa' releb'l saq'e, ut kixchaqihob'resi li palaw: toja' naq kixjek' rib' li ha'.

Números 33:51

“Ye reheb' laj Israel: Naq texq'axonq junpak'al li nima' Jordán re xik sa' li tenamit Kanahán,

Josué 4:1

Naq ak xe'nume'k chixjunil li tenamit junpak'al li nima' Jordán, li Qaawa' kixye re laj Josué:

Josué 4:22

teech'olob' chiruheb' ut teeye: «Chaqi ru li b'e ke'nume'k wi' eb' laj Israel junpak'al li nima' Jordán», cha'qex.

Josué 4:10

Eb' laj tij aj k'amoneleb' re li Loq'laj Kaax ke'kanaak chi xaqxo sa' xyi li nima' Jordán toj ke'xb'aanu chixjunil li kixye laj Josué re li tenamit sa' xk'ab'a' li Qaawa'. Ut eb' li tenamit ke'xseeb'a rib' chi nume'k.

Josué 4:11

Ka'ajwi' ke'nume'k chixjunil li tenamit, ke'nume'k ajwi' eb' laj tij aj k'amoneleb' re li xLoq'laj Kaax li Qaawa', ut ke'q'axonk chi uub'ej chiruheb' li tenamit.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.