Josué 3:14 - Q'eqchi Bible

¹⁴ Toja' naq eb' laj Israel ke'elk sa'eb' li xmuheb'aaleb' re nume'k junpak'al li nima' Jordán. Ut eb' laj tij li yookeb' chi k'amok re li xLoq'laj Kaaxil li Sumwank, a'aneb' laj k'amol b'eheb' chiruheb'.

Li Santil hu

¹⁴ Eb laj Israel queꞌel chak saꞌ lix naꞌajeb li cuanqueb cuiꞌ ut eb laj tij li yo̱queb chi cꞌamoc re li Lokꞌlaj Ca̱x, aꞌaneb li yo̱queb chi cꞌamoc be chiruheb.

Josué 3:14 ပူးပေါင်းရင်းမြစ်များ

Hebreos 9:4

li wan wi' li artal oor re li pom, jo'wi' li xloq'laj Kaaxil li Sumwank (a'in junes oor li rix), ut chisa' wank li sek' oor k'uulanb'ileb' wi' li maná, li xxuq' laj Aharón li kituxmek ut eb' li perpookil pek re li Sumwank.

Jeremías 3:16

Ut naq akaq xexk'ihank ut xexnaab'alo'k sa' li tenamit, maajun chik taa'aatinaq chirix li xLoq'laj Kaaxil li xSumwank li Qaawa'; maajun chik taak'oxlaq chirix a'an ut ink'a' taapatz'manq chi moko taa'ak'ob'resimanq chik, xb'aan naq ink'a' chik taa'ajmanq ru -chan li Qaawa'-.

Salmos 132:8

Waklin, at Qaawa'; kim sa' laasantil hilob'aal, laa'at ut li Loq'laj Kaax, reetalil laawankilal!

Josué 6:6

Laj Josué, ralal laj Nun, kixb'oqeb' laj tij ut kixye reheb': “Chapomaq li xLoq'laj Kaaxil li Sumwank, ut wuqub' eere te'xk'ameb' li xxukub' karneer chi uub'ej chiru li Loq'laj Kaax”, chan.

Josué 3:6

Kixye ajwi' reheb' laj tij: “Chapomaq li xLoq'laj Kaaxil li Sumwank ut numenqex chiruheb' li tenamit”, chan reheb'. Eb' laj tij ke'xchap li xLoq'laj Kaaxil li Sumwank ut ke'q'axonk chiruheb' li tenamit.

Josué 3:3

ut ke'xye li taqlahom a'in reheb' li tenamit: “Naq teeril li xLoq'laj Kaaxil li Sumwank paqonb'il xb'aaneb' laj tij aj Leví, tex'elq sa' li na'ajej wankex wi' ut texxik chirix.

Deuteronomio 31:26

“K'amomaq li hu a'in tz'iib'anb'il wi' li Chaq'rab' ut k'ehomaq chi xk'atq li xKaaxil li xSumwank li Qaawa' leeYos. Aran taakanaaq chi xch'olob'ankil xyaalal leemaak.

Josué 24:11

“Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.