Josué 24:6 - Q'eqchi Bible

⁶ Naq kiwisiheb' leena' leeyuwa' aran Ejiipt, laa'ex kexwulak wan wi' li palaw. Eb' laj Ejiipt ke'xtaaqiheb' leena' leeyuwa' rik'ineb' b'eleb'aal ch'iich' ut aj puub', toj wan wi' li Kaqi Palaw.

Li Santil hu

⁶ Nak quicuisiheb le̱ xeꞌto̱nil yucuaꞌ aran, eb laj Egipto queꞌxta̱keheb laj Israel saꞌ lix carruaje ut chirixeb lix cacua̱y. Ut queꞌcuulac cuan cuiꞌ li Caki Palau.

Josué 24:6 ပူးပေါင်းရင်းမြစ်များ

Hebreos 11:29

Sa' xk'ab'a' li paab'aal ke'nume'k sa' li Kaqi Palaw chanchan nume'k sa' li chaqich'och'; ab'an eb' laj Ejiipt, naq ke'xyal xb'aanunkil a'an, ke'oso'k chi junajwa sa' li ha'.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Miqueas 6:4

Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Salmos 78:13

Aran kixjach chirib'il li palaw ut kixnumsiheb' junpak'al; kixram li ha', ut chanchan li tz'ak naq kixaqliik.

Nehemías 9:11

Laa'at kajach li palaw chiruheb', ut ke'nume'k junpak'al chi chaqi ru li xb'eheb'. Kama'eb' li pek sa' xchamal li palaw naq kasub'eb' sa' ha' li ke'aanilasink chaq reheb'.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Éxodo 12:37

Eb' laj Israel ke'elk aran Ramsés sa' xjayal Sukot: lajeek'aal xkab' o'q'ob' mil (600,000) tana li winq li koheb' chi roq, ink'a' k'eeb'ileb' sa' ajl eb' li kok'al.