Josué 24:29 - Q'eqchi Bible

²⁹ Chirix chik chixjunil a'in, kikamk laj Josué, ralal laj Nun, laj k'anjel chiru li Qaawa'. Lajeeb' xwaqk'aal (110) chihab' wank re naq kikamk.

Li Santil hu

²⁹ Nak ac xcꞌulman chixjunil li cꞌaꞌak re ru aꞌin, quicam laj Josué, laj cꞌanjel chiru li Dios. Laj Josué aꞌan li ralal laj Nun. Oꞌcꞌa̱l chihab riqꞌuin laje̱b (110) chihab cuan re nak quicam.

Josué 24:29 ပူးပေါင်းရင်းမြစ်များ

Jueces 2:8

Lajeeb' xwaqk'aal (110) chihab' wank re laj Josué, ralal laj Nun, laj k'anjel chiru li Qaawa', naq kikamk.

Apocalipsis 14:13

Chirix chik a'an kiwab'i jun xyaab' kuxej yo chi xyeeb'al sa' choxa: “Tz'iib'a: «Chalen anaqwan us xaq reheb' li kamenaq neke'kamk rik'in li Qaawa'»”. “Yaal -chan li Musiq'ej-, hilaanqeb' rik'in li xk'anjeleb', xb'aan naq li xb'aanuhomeb' neke'ochb'eenink reheb'”.

Salmos 115:17

Maawa'eb' li kamenaq neke'xnima ru li Qaawa', a'eb' li neke'kub'eek b'arwi' maak'a' li eek'ank,

Deuteronomio 34:5

Aran kikamk laj Moisés, laj k'anjel chiru li Qaawa', sa' li tenamit Mohab, jo' chanru k'uub'k'u chaq xb'aan li Qaawa'.

Génesis 50:26

Lajeeb' xwaqk'aal (110) chihab' wank re laj José naq kikamk Ejiipt: kiyule'k sa' sununkil b'an ut kik'eemank sa' xkaxonil.

Génesis 50:22

Laj José kikanaak Ejiipt rochb'eeneb' li xjunkab'al li xyuwa'ilq. Chixjunil li xyu'am laj José a'an lajeeb' xwaqk'aal (110) chihab'.

Josué 24:28

Ut laj Josué kixchaq'rab'iheb' li tenamit ut kixtaqlaheb' sa' li xjunjunq chi ch'och'.

Josué 24:30

Ke'xmuq sa' li reechanihom, aran Timnat-Séraj, li wank sa'eb' li xtzuulul Efraín, sa' xjayal releb'l iq' re li tzuul Kahás.

Jueces 2:9

Kimuqe'k aran Timnat-Jeres, sa' li na'ajej kireechani chaq, chiru li xtzuulul Efraín, sa' xjayal releb'l iq' re li tzuul Kahás.