Josué 24:11 - Q'eqchi Bible

¹¹ “Toja' naq keq'ax chaq li nima' Jordán ut kexwulak Jerikó. Eb' laj Jerikó, eb' laj Amor, eb' laj Perés, eb' laj Kanahán, eb' laj Hit, eb' laj Kirkás, eb' laj Jib ut eb' laj Jebús ke'yalok eerik'in, ab'an laa'in keb'inq'axtesi sa' eeruq'.

Li Santil hu

¹¹ Joꞌcan nak quexnumeꞌ jun pacꞌal li nimaꞌ Jordán ut quexcuulac saꞌ li tenamit Jericó. Ut eb li cuanqueb aran queꞌpletic e̱riqꞌuin. Ut queꞌpletic ajcuiꞌ e̱riqꞌuin eb laj amorreo, eb laj ferezeo, eb laj cananeo, eb laj heteo, eb laj gergeseo, eb laj heveo, ut eb laj jebuseo. Ut la̱in xexintenkꞌa chi numta̱c saꞌ xbe̱neb.

Josué 24:11 ပူးပေါင်းရင်းမြစ်များ

Hechos 13:19

Moqon chik kixsach wuqub' chi tenamit sa' xch'och'eb' laj Kanahán ut kixk'e chi reechani li xna'ajeb'

Hechos 7:45

Ut naq ke'xk'ul li muheb'aal a'an, eb' li qana' qayuwa', rochb'een laj Josué, ke'roksi sa' li ch'och' eechaninb'il xb'aaneb' laj ab'l tenamit, a'eb' li ke'isiik xb'aan li Yos chiruheb' li qana' qayuwa'. A'an ki'uxk chalen toj sa'eb' li xkutan laj David.

Salmos 114:5

K'aru xak'ul, at palaw, naq yookat chi elelik, k'a'ut naq nakatq'ajk chawix, at Jordán?

Salmos 114:3

Li palaw kiril ut ki'elelik, li nima' Jordán kiq'ajk chirix.

Salmos 105:44

Ut kixk'e reheb' li xch'och'eb' li poyanam: ke'reechani li ru xk'anjeleb' li jalaneb' xtenamit,

Josué 4:23

Xb'aan naq li Qaawa' leeYos kixchaqihob'resi li nima' cheru toj reetal kexnume'k chaq. A'an ajwi' kixb'aanu chaq li Qaawa' leeYos sa' li Kaqipalaw: kixchaqihob'resi toj reetal koonume'k chaq.

Deuteronomio 7:1

“Naq akaq xatroksi li Qaawa' laaYos sa' li ch'och' toxaaweechani, ut naq akaq xrisiheb' chawu eb' li k'iila tenamit (a'eb' laj Hit, laj Kirkás, laj Amor, laj Kanahán, laj Perés, laj Jib ut laj Jebús: wuqub'eb' chi tenamit jwal naab'aleb' ut q'axal kaweb' rib' chawu laa'at),

Éxodo 23:23

K'amolb'ehaq lin'ánjel chawu ut tatroksi sa' xch'och'eb' laj Amor, laj Hit, laj Perés, laj Kanahán, laj Jib ut laj Jebús, ut teb'insach chi junajwa.

Génesis 15:19

A'an xch'och'eb' laj Ken, eb' laj Kenís, eb' laj Kadmón,

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Éxodo 3:17

Ninye li waatin naq texwisi sa' li rahilal yookex chi xk'ulb'al Ejiipt ut texink'am sa' xch'och'eb' laj Kanahán, laj Hit, laj Amor, laj Perés, laj Jib ut laj Jebús, sa' jun li ch'och' k'ajo' xq'emal».

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Éxodo 23:28

Tintaqlaheb' li ch'ub' chawu laa'at: eb' a'an te'xyoolesi chawu eb' laj Jib, laj Kanahán ut laj Hit.

Éxodo 23:31

Tinxaqab' aanub'ajl chalen chaq sa' li Kaqi Palaw toj sa' li palaw reheb' laj Filistea, chalen chaq sa' li chaqich'och' toj sa' li nima' Éwfrates. Tinq'axtesiheb' sa' aawuq' li wanqeb' sa' li na'ajej a'an, ut laa'at taawisiheb' sa' xnaq' aawu.

Éxodo 33:2

Laa'in tintaqla cheru jun li ánjel; twisiheb' laj Kanahán, laj Amor, laj Hit, laj Perés, laj Jib ut laj Jebús,

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Josué 4:1

Naq ak xe'nume'k chixjunil li tenamit junpak'al li nima' Jordán, li Qaawa' kixye re laj Josué:

Josué 4:19

Li tenamit ke'elk sa' li nima' Jordán sa' li lajeeb' xb'e li xb'een po ut koxe'hilanq Kilkal, sa' releb'l li saq'e sa' xka'yab'aal Jerikó.

Josué 9:2

Toja' naq eb' laj Hit, eb' laj Amor, eb' laj Kanahán, eb' laj Perés, eb' laj Jib ut eb' laj Jebús ke'xjunaji rib' re yalok rik'in laj Josué ut eb' laj Israel.