Josué 23:14 - Q'eqchi Bible

¹⁴ “Laa'in wulak re xq'ehil linkamik, ab'an xb'enwa nawaj naq teek'e sa' xnaq' eeru chi anchal eech'ool, chi anchal eeraanm naq chixjunil li xyeechi'om chaq li Qaawa' leeYos cho'q eere, ak xtz'aqlok ru; maajun ink'a' ta x'uxk.

Li Santil hu

¹⁴ La̱in cuulac re xkꞌehil lin camic. La̱in nacuaj nak te̱qꞌue retal chi anchal e̱chꞌo̱l ut chi anchal e̱ra̱m nak chixjunil li cha̱bil li quixyechiꞌi e̱re li Ka̱cuaꞌ, xqꞌue e̱re. Ut ma̱ jun li cꞌaꞌru quixyechiꞌi e̱re incꞌaꞌ ta xqꞌue.

Josué 23:14 ပူးပေါင်းရင်းမြစ်များ

San Lucas 21:33

Li choxa ut li ruuchich'och' te'oso'q, a'ut li waatin ink'a' taanume'q.

1 Reyes 2:2

“Chi seeb' tinq'ajq tinsutq'iiq, jo' neke'xk'ul chixjunileb'. Kawaq aach'ool ut wanqat jo' chaab'il winq.

Eclesiastés 9:10

Jo'ch'inal jo'nimal tatruuq xb'aanunkil, b'aanu chi anchal aach'ool. Yookat chi xik sa' xna'ajeb' li kamenaq, ut aran maak'a' chik k'anjelak ut k'uub'ank, maa'ani chik nak'oxlak chi moko nana'leb'ak.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

1 Reyes 8:56

“Loq'oninb'ilaq li Qaawa', xb'aan naq xk'e chi wank sa' tuqtuukilal Israel li xtenamit, jo' chanru kixyeechi'i chaq! Maajun li raatin yeeb'il re laj Moisés, laj k'anjel chiru, ink'a' ta xb'aanu.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.

Eclesiastés 12:5

Ut laa'at tatxiwaq chi wank sa' jun li na'ajej najt xteram, ut yooq aaxiw naq tatb'eeq. Naq taachalq li kutan a'an, taa'atz'umaq li almeendr, laj saak tixkelo rib' xb'aan xcheekal, ut maak'a' chik xk'anjel li sahil q'een. Xb'aan naq yookat chi xik sa' li na'ajej tatkanaaq wi' chi junelik. K'e reetal, sa' li b'e ak yo chi ab'iik xyaab'eb' li neke'huyhutk chi yaab'ak xb'aan laakamik.

Éxodo 3:8

Jo'kan naq xinkub'e chaq chi xkolb'aleb' sa' ruq'eb' laj Ejiipt, chi risinkileb' sa' li na'ajej a'an ut chi xk'amb'aleb' sa' jun li ch'och' chaab'il ut yamyo, sa' jun li ch'och' k'ajo' xq'emal, sa' xna'ajeb' laj Kanahán, laj Hit, laj Amor, laj Perés, laj Jib ut laj Jebús.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Ezequiel 20:28

Laa'in kink'ameb' sa' li chaab'il ch'och' li kinyeechi'i reheb' sa' jurament, ut ka'ajwi' ke'ril junaq tzuul najt xteram malaj junaq che' jwal nim li xmu, aran ke'mayejak ut ke'xyeechi'i li ink'a' nawulak chiwu; aran ajwi' ke'xk'at li xpomeb' li jwal sununk xb'ook ut ke'xmayeja li chaab'il b'iin.

Génesis 47:29

Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!