Josué 23:12 - Q'eqchi Bible

¹² “Ab'anan wi texnajto'q rik'in li Qaawa' ut teejunaji eerib' rik'ineb' li tenamit a'in li xe'kanaak sa' eeyanq, wi nekerech'alalin eerib' ut nekeb'on eerib' rik'ineb',

Li Santil hu

¹² Abanan cui te̱canab xlokꞌoninquil li Ka̱cuaꞌ, ut cui te̱junaji e̱rib riqꞌuineb li tenamit li toj cuanqueb saꞌ e̱ya̱nk, ut cui texsumla̱k riqꞌuineb, ut cui te̱rochbeniheb,

Josué 23:12 ပူးပေါင်းရင်းမြစ်များ

Deuteronomio 7:3

Mat-ech'alalink rik'ineb', ink'a' taak'e laarab'in reheb' li ralaleb' chi moko taak'am chaq li xrab'ineb' cho'q reheb' laawalal,

Sofonías 1:6

eb' li xe'xkanab' intaaqenkil, eb' li ink'a' nikine'xsik' cho'q Qaawa' chi moko neke'patz'ok wik'in”.

Ezequiel 18:24

“Ab'anan wi li tiik xch'ool tixjal li xna'leb' ut taa'ok chi xb'aanunkil li maa'usilal ut li jo'maajo'il b'aanuhom jo' neke'xb'aanu li ink'a' useb' xna'leb', ma taakole'q tab'i' a'an? Maajun reheb' li xchaab'il b'aanuhom taajultikamanq, ut taakamq xb'aan li q'etb'a aatin ut li maa'usilal xb'aanu.

1 Juan 2:9

Ani nayehok naq wank sa' li saqenk ut xik' naril li ras riitz'in, toj wank ajwi' sa' li aak'ab'.

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

San Juan 6:66

Chalen utan naab'aleb' li xtzolom ke'sutq'iik chirixeb' ut ink'a' chik ke'rochb'eeni.

San Mateo 12:45

Toja' naq taaxik ut tixk'am chaq wuqub' chik chi musiq'ej, q'axal chik maa'useb' chiru a'an. Te'ok ut te'kanaaq aran; ut q'axal chik yib'ru taakanaaq wi' li winq a'an chiru naq xwank chaq xb'enwa. Jo'kan ajwi' tixk'ul li tenamit a'in li ink'a' useb' xna'leb'”.

Isaías 1:4

Toq'ob' eeru, ex aj maak, ex tenamit nujenaqex chi maa'usilal, ex aj yoob'anel ink'a' us; k'ajo' xyib'al ru leena'leb'! Xexnajto'k rik'in li Qaawa', xetz'eqtaana li xSantil Yos laj Israel ut xekanab' chi junajwa.

Salmos 125:5

A'ut eb' li neke'xk'am li b'e ink'a' us chatz'eqtaanaheb' rochb'eeneb' li neke'b'aanunk li maa'usilal. Chiwanq taxaq tuqtuukilal rik'ineb' laj Israel!

Salmos 36:3

K'ajo' naq naxra rib' ut ink'a' naxk'e reetal li xmaak chi moko naxtz'eqtaana li xmaa'usilal.

1 Reyes 11:4

Sa' chik li xtiixilal, eb' li ixq ke'po'ok xch'ool laj Salomón re xloq'oninkileb' li jalanil yos, ut li xch'ool moko kiwank ta junes cho'q re li Qaawa' li xYos, jo' naq kiwank laj David li xyuwa'.

1 Reyes 11:2

A'aneb' li tenamit b'arwi' kixye li Qaawa' reheb' laj Israel naq ink'a' taaruuq te'xsik' rixaqileb': “Wi teelaq'ab' eerib' rik'ineb' a'an, ch'olch'o naq te'xb'alaq'i leech'ool chi xloq'oninkil li xyoseb'”, chan li Yos. Ab'an laj Salomón kixk'ameb' cho'q rixaqil xb'aan naq kixraheb':

Génesis 34:3

Ab'anan xkoho xch'ool chirix lix Dina, xrab'in laj Jakob; kixra li ixqa'al ut kiraj xk'ojob'ankil xch'ool.

Génesis 2:24

Jo'kan naq li winq tixkanab' li xna' xyuwa', tixlaq'ab' rib' rik'in li rixaqil, ut junajeb' aj chik chi tz'ejwalej naq wanqeb'.

Deuteronomio 7:4

xb'aan naq te'xluktasi xch'ooleb' laawalal li tine'xkanab' ut a' chik eb' li jalanil yos te'xloq'oni. Rik'in a'an taachalq xjosq'il li Qaawa' sa' eeb'een ut texxsach chi junpaat.

Josué 23:11

Yalomaq b'i' eeq'e chi xraab'al li Qaawa' leeYos.

Jueces 3:6

ke'sumlaje'k rik'in li xrab'ineb' ut ke'xk'ehatq li xrab'ineb' reheb' li ralaleb' li tenamit a'an, ut ke'xloq'oni ajwi' li xyoseb'.

Deuteronomio 6:15

xb'aan naq li Qaawa' laaYos, li wank aawik'in, a'an jun Yos aj sowen. Wi taab'aanu chi jo'kan, taachalq li xjosq'il li Qaawa' laaYos sa' aab'een ut tatxsach chi junajwa.

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.