Josué 23:10 - Q'eqchi Bible

¹⁰ Jun ajwi' eere laa'ex naru chi raanilasinkil lajeek'aal rox o'q'ob' (1,000), xb'aan naq li Qaawa' leeYos nayalok sa' eek'ab'a' jo' xyeechi'om chaq eere sa' jurament.

Li Santil hu

¹⁰ Jun li cui̱nk saꞌ e̱ya̱nk naru ta̱ra̱linaheb jun mil chi cui̱nk, usta jun ajcuiꞌ, xban nak li Ka̱cuaꞌ le̱ Dios yo̱ che̱tenkꞌanquil chi pletic joꞌ quixyechiꞌi e̱re junxil.

Josué 23:10 ပူးပေါင်းရင်းမြစ်များ

Deuteronomio 32:30

Chanru naq jun chi winq xraanilasiheb' lajeek'aal rox o'q'ob' (1,000) chi winq, ut wiib' chi winq xe'raanilasiheb' k'iila o'q'ob'? Ma ink'a' tab'i' xb'aan naq li Qaawa', laj Ilol reheb', kixkanab'eb' xjuneseb' ut kixq'axtesiheb' sa' ruq' li xik' na'ilok reheb'?

Levítico 26:8

Oob' eere laa'ex te'raanilasi o'k'aal ut o'k'aal sa' eeyanq te'raanilasi lajeeb' mil; eb' li xik' neke'ilok eere te'kamsiiq chi ch'iich' cheru laa'ex.

Deuteronomio 3:22

Maaxiwaheb' ru, xb'aan naq a' ajwi' li Qaawa' leeYos taayaloq sa' eek'ab'a'», chankin.

Éxodo 14:14

Li Qaawa' taayaloq cherix. Mexk'oxlak”.

Salmos 35:1

Xsaalm laj David. At Qaawa', yalon rik'ineb' li neke'raj yalok wik'in, pleetin rik'ineb' li neke'pleetink we.

Deuteronomio 20:4

xb'aan naq a' li Qaawa' leeYos eerochb'een chi xik chi yalok sa' eek'ab'a' rik'ineb' li xik' neke'ilok eere, ut relik chi yaal naq texxkol».

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

Josué 23:3

Ak eerilom jo'nimal li xb'aanu li Qaawa' leeYos reheb' li tenamit a'in sa' eek'ab'a' laa'ex, xb'aan naq a' li Qaawa' leeYos kiyalok sa' eek'ab'a'.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Josué 10:42

Sa' li yalok a'an kixq'ax ruheb' chixjunil li awab'ej a'an ut kireechani li xna'ajeb', xb'aan naq li Qaawa', xYos laj Israel, yo chi tenq'ank reheb' laj Israel.

Jueces 15:15

Chirix chik a'an kixtaw jun xkalam e li b'uur li toje'aq na'oso'k li rix, kixye' li ruq', kixxok ut chiru a'an kixkamsi lajeek'aal rox o'q'ob' (1,000) chi winq:

2 Samuel 23:8

A'aneb' a'in li xk'ab'a'eb' li kaweb' rib' sa' xyanqeb' laj puub' re laj David: li xb'een, a'an laj Isbahal aj Jakmón, a' li xjolomil eb' li kaweb' rib', li kixkut rib' sa' xb'eeneb' wiib' o'q'ob' (800) chi winq rik'in li xjutz' ch'iich' ut kixkamsiheb' sa' jun kutan.

Jueces 3:31

Chirix laj Ehud kichalk laj Sankar, ralal laj Anat, li kixkamsi lajeek'aal xkab' o'q'ob' (600) chi winq rik'in jun topleb' b'ooyx. A'an ajwi' kixkoleb' laj Israel.

Deuteronomio 20:3

ut tixye reheb' chi jo'ka'in: «Ab'i, Israel. Sa' li kutan a'in ok eere chi yalok rik'ineb' li xik' neke'ilok eere. Mich'inank leech'ool, mexxiwak, misachk eech'ool ut mexsiksotk chiruheb',

Deuteronomio 28:7

“Naq eb' li xik' neke'ilok aawe te'wakliiq chaq sa' aab'een, li Qaawa' tixsacheb' ru: sa' jun ruq'b'e te'elq chaq chak'ulb'al, ut sa' wuqub' chik ruq'b'e te'eleliq chawu.

Deuteronomio 32:20

ut kixye: “Tinmuq li wu chiruheb' re rilb'al k'aru te'kanaaq wi'. Relik chi yaal naq a'aneb' jun li tenamit yib'ru xna'leb'eb', walal ink'ajoleb' q'axal eeteb'.

Josué 23:11

Yalomaq b'i' eeq'e chi xraab'al li Qaawa' leeYos.

1 Crónicas 5:22

Naab'aleb' li xik' neke'ilok reheb' ke'kamk xb'aan naq eb' laj Rubén, eb' laj Gad ut li xyiijachil xteepaleb' laj Manasés ke'yalok sa' xk'ab'a' li Yos. Ut ke'kanaak chi wank sa'eb' li na'ajej a'an toj ke'k'ame'k chi preexil.

Isaías 30:17

Jun mil chi poyanam sa' eeyanq te'eleliq xb'aan jun chi winq ut chejunilex laa'ex tex'eleliq chiruheb' oob' li xik' neke'ilok eere, toj reetal wiib' oxib' aj chik texkanaaq, jo' naq nakanaak chi kumku li che' chiru tzuul malaj jo' jun eetalil sa' xb'een junaq b'ool.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

Levítico 26:7

Laa'ex teeraanilaheb' li xik' neke'ilok eere ut eb' a'an te'kamsiiq chi ch'iich' cheru laa'ex.

1 Crónicas 5:20

ab'an ke'xyaab'a xk'ab'a' li Yos sa' li yalok, k'ojk'o xch'ooleb' rik'in li Qaawa', ut A'in kitenq'ank reheb'. Jo'kan naq eb' laj Agarén rochb'eeneb' li neke'okenk chirixeb' ke't'ane'k sa' ruq'eb'.