Josué 23:1 - Q'eqchi Bible

¹ Li Qaawa' kixk'eheb' laj Israel chi wank sa' tuqtuukilal chiru naab'al chihab' rik'ineb' li xik' neke'ilok reheb'. Naq ak tiix chik laj Josué ut xikenaq xhab',

Li Santil hu

¹ Li Ka̱cuaꞌ quixqꞌueheb laj Israel chixnumsinquil nabal chihab chi saheb saꞌ xchꞌo̱leb chi ma̱cꞌaꞌ chic ple̱t riqꞌuineb li xicꞌ nequeꞌiloc reheb. Laj Josué ac ti̱x chic chi us.

Josué 23:1 ပူးပေါင်းရင်းမြစ်များ

Josué 13:1

Naq ak tiix chik laj Josué ut xikenaq chik xhab', li Qaawa' kixye re: “Ak cheekat chik ut xikenaq chik aachihab', ut toj wank naab'al li ch'och' toj maji' nakaweechani.

Josué 21:44

Li Qaawa' kixk'e tuqtuukilal sa' chixjunil li xsutameb', jo' chanru yeeb'il sa' jurament reheb' li xna' xyuwa'eb', ut maajun reheb' li xik' neke'ilok reheb' kiruhank chi kuyuk sa' ruq'eb': chixjunileb' laj rahob'tesinel ke'q'axtesiik sa' ruq'eb' laj Israel.

Josué 11:23

Laj Josué kireechani chixjunil li na'ajej kama' yeeb'il re laj Moisés xb'aan li Qaawa', ut kixq'axtesi reheb' laj Israel cho'q reechanihomeb', a' yaal chanru xmaatan li junjunq chi teep. Ut naq kiraqe'k li nimla yalok a'in, chixjunil li na'ajej kiwank sa' tuqtuukilal.

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

Josué 22:4

Anaqwan li Qaawa' leeYos ak xk'ehom xhilaaleb' leeras eeriitz'in jo' yeechi'inb'il chaq xb'aan. Sutq'inqex b'i' ut ayuqex sa' leemuheb'aal, sa' li ch'och' k'eeb'il eere xb'aan laj Moisés, laj k'anjel chiru li Qaawa', junpak'al li nima' Jordán.

Deuteronomio 31:2

“Waqk'aal (120) chihab' wank we anaqwan. Maak'a' chik inmetz'ew. Li Qaawa' ak xyehom we: «Laa'at ink'a' tatnume'q junpak'al li nima' Jordán», chan.

Génesis 25:8

Ki'elk xch'ool laj Abrahán ut kikamk chi ak tiix chi us ut ak xikenaq xhab', ut koxjunaji rib' rik'ineb' li xxe'toon.

Isaías 63:14

chanchaneb' li ketomq li neke'b'eek chiru taq'a”. Li xmusiq' li Qaawa' kik'amok reheb' chi hilank. Jo'ka'in naq kab'eresiheb' laatenamit, at Qaawa', re naq nawnooq laak'ab'a' chi junelik.

1 Samuel 12:2

Chalen anaqwan a' chik li awab'ej taak'amoq eeb'e. Laa'in ak tiixin chik, saq chik linjolom ut eb' li walal wankeb' sa' eeyanq. Laa'in xink'amok eeb'e chalen sa' linsaajilal toj anaqwan,

1 Reyes 1:1

Ak tiix chik li awab'ej David ut xikenaq xchihab' chi us. Us ta neke'xk'e naab'al li isb' sa' xb'een, ab'an ink'a' naq'ixno'k.

1 Crónicas 23:25

Xyehom laj David: “Li Qaawa', xYos laj Israel, kixk'e li xtenamit chi wank sa' tuqtuukil usilal ut kixk'ojob' li xmuheb'aal arin Jerusalén chi junajwa.

1 Crónicas 27:1

A'aneb' a'in xk'ab'a'eb' laj Israel, a' yaal naxye li junjunq chi aj jolominel junkab'al, xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub' jo'wi' eb' laj tz'iib' li neke'k'anjelak chiru li awab'ej, chirixeb' chixjunil li xch'uutaleb' laj puub', li neke'k'aak'alenk tenamit chi po chiru chixjunil li chihab'. Wankeb' kaahib' xka'k'aal mil (24,000) chi winq sa' li junjunq chi ch'uut.

2 Crónicas 14:1

Naq laj Abías kiq'ajk kisutq'iik rik'ineb' li xxe'toonil yuwa', ke'xmuq sa' xtenamit laj David. Ut li kikanaak sa' xna'aj, a'an laj Asá li ralal. Chiru li xyu'am laj Asá, eb' li tenamit ke'wank sa' tuqtuukilal chiru lajeeb' chihab'.

2 Crónicas 14:5

Kirisi sa' chixjunileb' li tenamit re Judá eb' li tijob'aal wankatqeb' chi tzuul ut eb' li artal nak'atmank wi' pom, ut li x'awab'ejihom laj Asá kiwank sa' tuqtuukilal chiru chixjunil li xyu'am.

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.