Josué 22:5 - Q'eqchi Bible

⁵ Ka'ajwi' a'in li nintz'aama cheru: naq teek'e eech'ool chi xpaab'ankil chi us li xtaqlahom ut li xchaq'rab' laj Moisés, laj k'anjel chiru li Qaawa'. Chera li Qaawa' leeYos, junelik chetaaqe li xb'e, chepaab' li xchaq'rab', junajaqex rik'in A'an ut chexk'anjelaq chi anchal leech'ool ut chi anchal leeraanm”.

Li Santil hu

⁵ Caꞌaj cuiꞌ li cꞌaꞌru nintzꞌa̱ma che̱ru, aꞌan nak te̱ba̱nu chi anchal e̱chꞌo̱l li cꞌaꞌru naxye saꞌ lix chakꞌrab li Ka̱cuaꞌ li quixqꞌue e̱re laj Moisés laj cꞌanjel chiru. La̱in nacuaj nak te̱ra li Ka̱cuaꞌ li kaDios. Ut texcua̱nk joꞌ naraj aꞌan. Chexocak saꞌ le̱ chꞌo̱l lix chakꞌrab. Chexpa̱ba̱nk ut chexcꞌanjelak chiru chi anchal e̱chꞌo̱l, chan laj Josué.

Josué 22:5 ပူးပေါင်းရင်းမြစ်များ

San Mateo 22:37

Kixye li Jesus re: —Taara li Qaawa' laaYos chi anchal laach'ool, chi anchal laawaanm ut chi anchal laak'a'uxl.

Éxodo 20:6

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Romanos 8:28

Naqanaw ajwi' naq li Yos na'okenk re naq chixjunil taakanaaq cho'q usilal cho'q reheb' li neke'rahok re, a' li b'oqb'ileb' jo' chanru rajom li xch'ool.

Deuteronomio 11:22

“Wi relik chi yaal teepaab' chixjunileb' li chaq'rab' a'in li nink'e cheyu'ami, wi teera li Qaawa' leeYos, wi teetaaqe li xb'e ut wanqex junelik rik'in A'an,

Éxodo 15:26

Kixye reheb': “Wi relik chi yaal taawab'i xyaab' xkux li Qaawa' laaYos ut tatwanq sa' tiikilal chiru, wi taak'e aach'ool chirixeb' li xchaq'rab' ut taapaab' li xtaqlahom, ink'a' tintaqla chaq sa' aab'een li rahilal kintaqla sa' xb'eeneb' laj Ejiipt, xb'aan naq laa'in li Qaawa', laj k'irtasihom aawe”.

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

Hechos 27:23

Xb'aan naq chiru li q'oqyink a'in xk'ut rib' chiwu jun li ánjel taqlanb'il chaq xb'aan li Yos li ninloq'oni laa'in ut aj eechal we,

Hechos 11:23

Naq kox'elq aran ut kiril li rusilal li Yos, kisaho'k sa' xch'ool ut kixjultika chiruheb' naq junelik che'kanaaq rik'in li Qaawa' chi kaweb' xch'ool,

San Juan 14:15

“Wi nikineera, teepaab' linchaq'rab',

San Lucas 1:74

naq kixyeechi'i qach'ab'ankil sa' ruq'eb' li xik' neke'ilok qe ut took'anjelaq chiru chi maak'a'aq qaxiw,

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Salmos 106:3

Us xaq reheb' li neke'wank sa' tiikilal, a'eb' li neke'b'aanunk li us chi junelik.

Deuteronomio 11:13

“Wi laa'ex teepaab' chi tz'aqal re ru li chaq'rab' nekexintaqla wi' sa' li kutan a'in, wi teera li Qaawa' leeYos ut texk'anjelaq chiru chi anchal eech'ool ut chi anchal eeraanm,

Deuteronomio 11:1

“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.

Deuteronomio 6:17

Paab'omaq chi chaab'il li xchaq'rab' li Qaawa' laaYos, a' li xtaqlahom ut eb' li raatin li xk'e chepaab'.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

1 Samuel 12:24

Chexiwa ru li Qaawa' ut k'ehomaq eech'ool chi k'anjelak chiru chi yaal, xb'aan naq ak eerilom li sachb'ach'oolej li xb'aanu sa' eeyanq.

1 Samuel 12:20

Ab'an laj Samuel kixye reheb': “Mexxiwak. Yaal naq xeb'aanu li nimla maak a'in, ab'anan meetz'eqtaana chik li Qaawa' ut chexk'anjelaq chiru chi anchal eech'ool.

1 Samuel 7:3

Jo'kan naq laj Samuel kixye reheb' chixjunil laj Israel: “Wi teeraj sutq'iik rik'in li Qaawa' chi anchal eech'ool, isihomaq sa' eeyanq eb' li jalanil yos ut eb' lix Astarté. Q'axtesihomaq eerib' re li Qaawa' ut junes A'an teeloq'oni, ut A'an taakoloq eere sa' ruq'eb' laj Filistea”.

Josué 23:8

wanqex b'an sa' junajil rik'in li Qaawa' leeYos, jo' yookex chi xb'aanunkil toj sa' li kutan a'in.

Deuteronomio 13:4

A' li Qaawa' leeYos teetaaqe ut ka'ajwi' A'an teeroxloq'i; teepaab' li xchaq'rab' ut teerab'i li xyaab' xkux, texk'anjelaq chiru ut wanqex rik'in chi junelik.

Deuteronomio 10:20

“A' li Qaawa' laaYos taawoxloq'i ut ka'ajwi' chiru A'an tatk'anjelaq; wanqat rik'in A'an chi junelik ut ka'ajwi' sa' xk'ab'a' A'an taab'aanu jurament.

Deuteronomio 4:9

Ab'anan k'ehomaq reetal ut ilomaq chi us. Misachk sa' eech'ool li k'a' re ru a'in li xeril; meetz'eq chirix leech'ool chiru chixjunil leeyu'am, k'utomaq b'an xpaab'ankil chiruheb' leeralal eek'ajol ut chiruheb' leeri eemam.

Deuteronomio 4:6

Paab'omaq ut k'anjelahomaq ru, xb'aan naq a'an leechoxahil na'leb' ut leeseeb'al k'a'uxl chiruheb' li tenamit. Naq eb' a'in te'rab'i resil chixjunil li chaq'rab' a'in, te'xye: «Yaal naq li nimla tenamit a'in wank xchoxahil na'leb' ut xseeb'al xk'a'uxl», cha'qeb'.

Deuteronomio 4:4

A'ut laa'ex li tiik eech'ool chirix li Qaawa' leeYos, toj yo'yookex anaqwan.

Jeremías 12:16

Relik chi yaal naq a'aneb' xe'tzolok re lintenamit chi yehok jurament sa' xk'ab'a' laj Bahal, ab'an anaqwan naru te'wanq sa' xyanqeb' lintenamit wi relik chi yaal naq neke'xtzol li xpaab'aaleb' laj Israel ut neke'yehok jurament sa' ink'ab'a', sa' xk'ab'a' li yo'yookil Yos.

Apocalipsis 15:3

ut yookeb' chi xb'ichankil li xb'ich laj Moisés, laj k'anjel chiru li Yos, jo'wi' li xb'ich li Karneer: “Q'axal ninqeb' ut sachb'ach'oolej rilb'al laab'aanuhom, at Qaawa', at Nimajwal Yos; tiik ut tz'aqal yaal ru laab'e, at xReyeb' li tenamit!

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Deuteronomio 4:29

Ab'an wi aran teesik' li Qaawa' leeYos chi anchal leech'ool ut chi anchal leeraanm, relik chi yaal naq teetaw.

Deuteronomio 5:10

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Salmos 78:7

re naq kawaqeb' xch'ool rik'in li Yos; ink'a' chisachq sa' xch'ooleb' li xninqal ru xb'aanuhom li Yos ut te'xpaab' chixjunil li xtaqlahom chi junelik.

Éxodo 23:13

“Chepaab' chixjunil li xinye eere. Maayaab'asi xk'ab'a' eb' li jalanil yos, chi moko teepatz' xk'ab'a'eb'.