Josué 22:28 - Q'eqchi Bible

²⁸ Laa'o xqak'oxla: Wi wulaj kab'ej te'xye chi jo'ka'in qe laa'o malaj reheb' li qalal qak'ajol, truuq te'qasume: «K'ehomaq reetal. Eb' li qana' qayuwa' ke'xyiib' li artal a'in cho'q re li Qaawa', maawa' re xq'axtesinkil k'atb'il mayej chi moko qayeechi'om, re b'an taak'anjelaq cho'q reetalil chiqu laa'o ut cheru laa'ex».

Li Santil hu

²⁸ La̱o xkacꞌoxla nak cui ani ta̱yehok reheb li kalal kacꞌajol chi joꞌcan, eb aꞌan teꞌxye, “Qꞌuehomak retal. Eb li kaxeꞌto̱nil yucuaꞌ queꞌxyi̱b li artal aꞌin chokꞌ re li Ka̱cuaꞌ. Ma̱cuaꞌ re qꞌuehoc mayej chi moco re xcꞌatbal li xul. Re ban nak ta̱cꞌanjelak chokꞌ retalil chiku la̱o ut che̱ru la̱ex.”

Josué 22:28 ပူးပေါင်းရင်းမြစ်များ

Hebreos 8:5

Eb' a'in yookeb' chi k'anjelak chiru li yal xmu ut xjalam u li k'aru wank sa' choxa, jo' kik'utb'esiik chaq chiru laj Moisés naq kixtikib' xyiib'ankil li loq'laj Muheb'aal: “K'e reetal -chan li Yos-, chab'aanu chixjunil jo' tz'aqal xk'utb'esiik chaq chawu sa' li tzuul”.

Éxodo 25:40

K'e reetal re naq taayiib' a'an jo' chanru kik'ute'k chawu sa' li tzuul.

2 Reyes 16:10

Chirix chik a'an li awab'ej Ajás koho Damaask chi xtawb'al laj Tiklat-Piléser, awab'ej re Asiria, ut naq kiril li artal wank Damaask, kixtaqla reetalil li xyiib'ankil rik'in laj Urías laj tij, re naq tixyiib' junaq artal jo' tz'aqal a'an.

Josué 22:27

jo' b'an reetalil cho'q qe ut cho'q eere laa'ex ut reheb' ajwi' li qalal qak'ajol li te'wanq moqon. A'anaq reetalil naq laa'o aj loq'oninel chiru li Qaawa' rik'in xq'axtesinkil k'atb'il mayej, kames-mayej ut qayeechi'om re xk'amb'al qib' sa' usilal rik'in li Yos. Chi jo'kan wulaj kab'ej leeralal eek'ajol moko truuq ta te'xye reheb' li qalal: «Maak'a' wank eere rik'in li Qaawa'».

Josué 22:29

Maajun sut xqak'oxla xq'etq'etinkil qib' chiru li Qaawa' ut xtz'eqtaanankil A'an rik'in xyiib'ankil junaq artal re xq'axtesinkil k'atb'il mayej, qayeechi'om malaj re mayejak. Laa'o toomayejaq ka'ajwi' sa' xb'een li x'artal li Qaawa' li qaYos, li wank chiru li xLoq'laj Muheb'aal.

Génesis 31:48

Toja' naq kixye laj Labán: “Li tub'tuukil pek a'in nach'olob'ank li yaal chiqix anaqwan”. Jo'kan naq Galed kixk'ab'a'in;

Josué 24:27

ut kixye reheb' chixjunil li tenamit: “Chek'e reetal, li pek a'in a'inaq testiiw chiqix, xb'aan naq xrab'i chixjunil li aatin kixye li Qaawa' chiqix laa'o. A'anaq testiiw cherix, re naq ink'a' teetz'eqtaana leeYos”, chan.

Isaías 19:19

Sa' li kutan a'an taawanq jun x'artal li Qaawa' aran Ejiipt ut, sa' xnub'ajlil li tenamit, taaxaqab'aaq jun li loq'laj pek re xk'eeb'al xloq'al li Qaawa'.