Josué 22:20 - Q'eqchi Bible

²⁰ Chijultiko'q eere laj Akán, ralal laj Séraj, chanru naq kimaakob'k rik'in xchapb'al li k'aru ak q'axtesinb'il re sache'k. Ut xb'aan li maak kixb'aanu, kikamk, ut li xjosq'il li Qaawa' koxtaw chixjunil li xkomonileb' laj Israel, us ta jun ajwi' chi winq kimaakob'k”, chankeb'.

Li Santil hu

²⁰ Chijulticokꞌ e̱re nak laj Acán li ralal laj Zera quima̱cob riqꞌuin xchapbal li ta̱cꞌanjelak chiru li Dios ut riqꞌuin xchapbal li ac kꞌaxtesinbil re sachecꞌ. Xban li ma̱c li quixba̱nu, li Ka̱cuaꞌ quijoskꞌoꞌ saꞌ kabe̱n chikajunilo ut moco caꞌaj cuiꞌ ta aꞌan quicam xban li ma̱c li quixba̱nu, chanqueb.

Josué 22:20 ပူးပေါင်းရင်းမြစ်များ

Josué 7:5

Ke'kamsiik tana waqlaju xka'k'aalaq chi winq xb'aaneb' laj Ay, ut eb' li xkomon ke'aanilasiik chirix li tenamit, toj Sebarín, ut ke'sache'k sa' li kub'sink. Jo'kan naq ke'ch'inank xch'ool eb' laj Israel ut ke'ok xxiw.

Josué 7:1

Ab'an eb' laj Israel ke'xq'et li xtaqlahom laj Josué. Laj Akán, ralal laj Karmí, ri xmam laj Sabdí, xxikin i laj Séraj, sa' xteepal Judá, kixxok cho'q re li k'aru ak q'axtesinb'il re sache'k. Jo'kan naq k'ajo' naq kijosq'o'k li Qaawa' sa' xb'eeneb' laj Israel.

1 Corintios 10:6

Chixjunil a'an kik'ulmank jo' loq'laj eetalil cho'q qe, re naq ink'a' tqarahi ru li ink'a' us kama' naq eb' a'an ke'xrahi chaq ru.

Josué 7:24

Toja' naq laj Josué rochb'een chixjunileb' laj Israel ke'xchap laj Akán, ralal laj Séraj, rochb'een li plaat, li t'ikr, li oor, eb' li ralal xk'ajol, eb' li xwakax, li xb'uur, li xkarneer, li xmuheb'aal ut chixjunil li k'aru wank re, ut ke'xk'am sa' xtaq'ahil Akor.

Josué 7:18

Ut naq ke'nume'k chi xjunjunqaleb' li ralal xk'ajol laj Sabdí, li Yos kixk'ut naq laj Akán, ralal laj Karmí, ri xmam laj Sabdí ut xxikin i laj Séraj, sa' xteepal Judá, wank xmaak.

2 Pedro 2:6

Ut kixteneb' li kamk sa' xb'eeneb' li tenamit Sodoom ut Gomoor, naq kixkanab'eb' chi chahil, jo' jun eetalil chiruheb' li ink'a' te'xpaab' li Yos sa'eb' li kutan chalkeb' re.

Levítico 10:6

Chirix chik a'an laj Moisés kixye re laj Aharón ut reheb' li ralal, a' laj Elehasar ut laj Itamar: “Meehit leerismal chi moko teeq'ich leeraq' re xk'utb'al xrahil eech'ool. Mare anchal texkamq ut taachalq xjosq'il li Yos sa' xb'een li komonil. Li tento te'yaab'aq wi' leerech aj Israelil, a'an: naq xraho'k xch'ool li Qaawa' ut xtaqla chaq li xam.

Josué 22:21

Toja' naq eb' laj Rubén, eb' laj Gad ut li xyiijachil xteepal laj Manasés ke'chaq'ok ut ke'xye reheb' li taqlanb'ileb' xb'aaneb' laj Israel:

2 Crónicas 24:18

Ke'xtz'eqtaana li rochoch li Qaawa', xYos eb' li xxe'toonil yuwa'eb', ut a'eb' chik li loq'laj che' ut li jalaneb' yos ke'xloq'oni ru. Jo'kan naq kichalk xjosq'il li Qaawa' sa' xb'een Judá ut Jerusalén, xb'aan li maak ke'xb'aanu.

Li xHu LAJ JOB 35:8

Wi nakab'aanu li maak, a'eb' laawech winqilal yookat xrahob'tesinkil. Ut wi chaab'ilat, a'eb' ajwi' laawas aawiitz'in yookat rusilankil.