Josué 22:13 - Q'eqchi Bible

¹³ Eb' laj Israel ke'xtaqla laj Pinjás laj tij, ralal laj Elehasar, rik'ineb' laj Rubén, laj Gad ut li xyiijachil xteepal laj Manasés, sa' li na'ajej Galahad.

Li Santil hu

¹³ Eb laj Israel queꞌxtaklaheb saꞌ li naꞌajej Galaad laj Finees li ralal laj Eleazar laj tij riqꞌuineb li ralal xcꞌajol laj Rubén, li ralal xcꞌajol laj Gad ut li yijach li ralal xcꞌajol laj Manasés.

Josué 22:13 ပူးပေါင်းရင်းမြစ်များ

Números 25:7

Naq kiril a'an, laj Pinjás, ralal laj Elehasar ut ri laj Aharón laj tij, ki'elk sa' xyanqeb' li ch'utch'uukeb' aran, chi wank jun xjutz' che' sa' ruq',

Éxodo 6:25

Laj Elehasar, ralal laj Aharón, kixk'am cho'q rixaqil jun reheb' li xrab'in laj Putiel, ut rik'in a'an kiyo'laak laj Pinjás. A'aneb' a'in li xyuwa'ileb' li rochocheb' laj Leví, a' yaal chanru li xxe' xtoonaleb'.

San Mateo 18:15

“Wi laawas aawiitz'in taamaakob'q chawu, ayu ut, naq wanqex eejunes, chaq'usaq. Wi nakatrab'i, xakol laawas aawiitz'in.

Proverbios 20:18

Naq k'uub'anb'il chi us junaq k'anjel, us na'elk. Matxik chi yalok wi ink'a' xak'oxla chi us.

Jueces 20:12

Ke'xtaqlaheb' aj esil rik'ineb' chixjunil li ralal xk'ajol aj Benjamín chi xyeeb'al reheb': “K'a' chi maa'usilal a'an li xk'ulmank sa' eeyanq?

Deuteronomio 13:14

laa'at tento tatpatz'inq, taatz'il rix ut tatpatz'oq sa' xyaalal. Ut wi a'an yaal, wi wank k'aru nak'utunk wi' naq sa' eeyanq xb'aanumank li yib' aj na'leb' a'an,

Números 31:6

Laj Moisés kixtaqlaheb' chi yalok junq mil chi winq li ke'sik'mank ru sa' li junq teep. Laj Pinjás, li ralal laj Elehasar laj tij, koho chirixeb' ut kixk'am li k'a'aq re ru jwal loq' jo' ajwi' li tronpeet re xyeeb'al resil li yalok.

Josué 24:33

Laj Elehasar ajwi', ralal laj Aharón, kikamk ut ke'xmuq aran Kibat. Li tenamit a'an wank sa' xyanqeb' li xtzuulul Efraín ut kik'ehe'k re laj Pinjás, ralal laj Elehasar.

Números 32:1

Eb' li ralal xk'ajoleb' laj Rubén ut li ralal xk'ajoleb' laj Gad, jwal naab'aleb' li xketomq ut q'axal ninqeb' ajwi'. Naq ke'ril naq li na'ajej Jaser ut Galahad a'an chaab'il ch'och' re k'iiresink ketomq,

1 Crónicas 9:20

Chi rub'eetal chaq a'an, laj Pinjás, ralal laj Elehasar, a'an kijolomink reheb', ut li Qaawa' kiwank rik'in.

Esdras 7:5

ralal laj Abisúa, ralal laj Pinjás, ralal laj Elehasar, ralal laj Aharón li xyuwa'il aj tij.