Josué 21:45 - Q'eqchi Bible

⁴⁵ Maajun li k'a'aq re ru jwal chaab'il li kixyeechi'i li Qaawa' re li xjunkab'al laj Israel, kikanaak chi ink'a' ta ki'uxk: chixjunil kitz'aqlok ru.

Li Santil hu

⁴⁵ Chixjunil li us li quixyechiꞌi reheb laj Israel, li Ka̱cuaꞌ quixqꞌue. Ma̱ jun li cꞌaꞌak re ru li quixyechiꞌi quicana ta yal chi joꞌcan. Quixba̱nu ban chixjunil li quixye.

Josué 21:45 ပူးပေါင်းရင်းမြစ်များ

1 Reyes 8:56

“Loq'oninb'ilaq li Qaawa', xb'aan naq xk'e chi wank sa' tuqtuukilal Israel li xtenamit, jo' chanru kixyeechi'i chaq! Maajun li raatin yeeb'il re laj Moisés, laj k'anjel chiru, ink'a' ta xb'aanu.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

1 Ts 5:24

Chaab'il A'an li nab'oqok eere, ut tixb'aanu chixjunil a'in.

1 Corintios 1:9

Li Yos junelik naxk'e li naxyeechi'i, ut a'an ajwi' li xb'oqok chaq eere chi wank sa' junajil rik'in li Ralal, a' li Jesukriist li Qaawa'.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Isaías 48:3

Li k'a'aq re ru ak xk'ulmank, junxil ak inyehom resil; rik'in xtz'uumal we kink'e chi nawe'k. Ut chi junpaat xinb'aanu, ut yaal naq xk'ulmank.

1 Samuel 3:19

Laj Samuel kinimank, ut li Qaawa' wank rik'in. Jo'ch'inal jo'nimal kiyeemank xb'aan laj Samuel, kitz'aqlok ru.

1 Reyes 8:15

ut kixye: “Loq'oninb'ilaq taxaq li Qaawa', xYos laj Israel, li xb'aanu li kixyeechi'i re laj David linyuwa' naq kixye:

1 Reyes 8:20

“Ut li Qaawa' xtz'aqob'resi ru li kixyeechi'i. Jo' yeeb'il chaq, xinxxaqab' sa' xna'aj laj David linyuwa' ut xinxk'ojob' sa' xk'ojarib'aal laj Israel, ut laa'in xinyiib' li rochoch li Qaawa', xYos laj Israel.

1 Reyes 8:24

Xab'aanu li kayeechi'i re laj David linyuwa': kaye chi aatin, ut anaqwan xab'aanu rik'in laawuq'.

Nehemías 9:8

Kawil naq q'axal tiik xch'ool chawu; jo'kan naq kak'ojob' jun li sumwank rik'in re xk'eeb'al reheb' li xch'och'eb' laj Kanahán, eb' laj Hit, eb' laj Amor, eb' laj Perés, eb' laj Jebús ut eb' laj Kirkás. Kayeechi'i li ch'och' a'an re laj Abrahán ut eb' li ralal xk'ajol, ut xaqxo xwankil laawaatin, xb'aan naq tiik aach'ool.